ZOZUWE 14:12 - Bible en langue guiziga

¹² Yi wuɗ wurenna so na, ɓa ki vuliy hirwuy vay muwã hana kaɓa Bumbulvuŋ miɓiy di tapasa na. Ti di nah, ki cine le kuy kuy, misi angi hirwuy vay muwã tayna, i mizli Anakay ati walahay madiɗa mugunohoy le gun gun ti mohol. Asinta, da Bumbulvuŋ naŋ da ati ya na, yi sa ɓula mizli tayna avra kaɓa Bumbulvuŋ miɓiy di ɗaˀ ɗaˀ le na.»

ZOZUWE 14:12 Iomraidhean Croise

BUYOY MUCUW NAŊ 19:4

Mbur mijijira gwat ngi vurum ngi buy Asiri, buy naŋ vuna a slino di, ɓa a za Bumbulvuŋ misi ti siifa. Asinta, Bumbulvuŋ Buymisemuŋ, ɗike, a cine mingiɓi naŋhay na le gar, yo a sa kutaŋ ti bonoy aseˀe kwani? Anjaka mijiviɗe, tumbulo Buymisemuŋ asi mizli mindiramay ar siifa neˀ na so.»

ƁI NGI HINEY MUCUW NAŊ 14:11

Bumbulvuŋ a kiɗa Etiyopihey a mbuŋ Asa ati soje Zudahaya. Joˀ Etiyopihey a kilam.

DIMISEY 44:3

Ka ti haŋ ɗike, ki ɓula sukwi ngi mizli ɓak le avra ɗagay, ɓa ngi cifa dideˀ ndrahay ar li taŋ. Ki ziza sukwi ngi mizli kap kap ɗagay, ɓa a pulaka li da sukwi ngi mizli ɗikeye.

DIMISEY 60:12

Na, sey i ka Buymisemuŋ mupula ndra zlaɗ na ta kwa? Ka Buymisemuŋ makisa soje ndrahay mata na takwa?

SLUFA VU 13:28

Na so na, mizli ngi digahaya taŋ gidaŋ. Walahay madiɗahaya, i migunohoy ti mohol madiɗahay, yo i puraka dideˀ ngi Anakaya le a diga, Anak mbur suburo.

SLUFA VU 13:33

Yo ma na, i puram mizli migila fineˀ gidaŋ le ma, i dideˀ ngi Anakay. Ndra ka yukoy a ciki taŋ, na zle taŋ vuna kwana, a puram ndra ka yukoy gisiŋ.»

SLUFA VU 21:34

Bumbulvuŋ a ɓa Moyise na: «Ki zluwun ti buy nah ta! I sa vuluw di ɓa ki waŋ jom ati soje naŋhaya gar, waɗ hirwuy naŋ ma. Ki sa gi di kaɓa ka migi ti Sihoŋ, buy madiɗa ngi Amorihey, mazum buy zleˀe a Heseboŋ na ma.»

ROMAHAY 8:31

Ani, i ɓam mbri aruŋ maka? Da Buymisemuŋ i ngi ndra na, magi mesene ti ndra gu, i waka?

Slu cuw 1:28

I ram nga diga vuna a gi mike? Sukum ndrahay a kiɗam ndra vu tay tay, a ɓam ndra: Mizli ngi digahaya, taŋ haɗa, taŋ gidaŋ fineˀ ndra. Walahay taŋhaya, i walahay madiɗahay, mugunohoy gun gun ti mohol hã a dadala muŋ. A puraka mizli suburohoy, dideˀ ngi Anakay na le a diga ma.»

Slu cuw 9:1

Moyis a ɓi: Israyeley, cinam ɗi, ki wuɗo tuwuɗaka mizaw Zurdeŋ dana. Ki sa ɓulaka mizli mihaɗi fineˀ kum, yo migidaŋ fineˀ kumo. Ki sa tiɓaka walahay taŋ madiɗahay, mugunohoy gun gun ti mohol migila sesẽŋ a dadala muŋ na.

Slu cuw 9:3

Bumbulvuŋ Buymisemuŋ kum, aro ɓaˀ a mbuŋ kumo, kaɓa vu mazuma gwatay gar na, kisa sinaka dana so. I naŋ masa ngizla taŋ, i naŋ masa kiɗa taŋ a mbuŋ kumo. Ki sa ɓulaka taŋ, ki ngizlakataŋ kutum si, kaɓa Bumbulvuŋ muɓukum di ɗaˀ le zleˀe na.

FILIPIHEY 4:13

Ko mike gar na, i ɓusa gu, asi Kristu matiri ti ya gidaŋ gidaŋ.

HEBEREY 11:33

Taŋ na, mbele tiɓi taŋ na, a zumam hirwuyoy le avu buyoy, a gam gwat mijeŋŋe le, gwat Buymisemuŋ miɓa ɗaˀ le na, a puraka, taŋ magama le. A caka taɓak le a mi moboroyo.

ZOZUWE 15:14

Dideˀ ngi Anakay ada makir, ti muy taŋhay, ti muy taŋhay. I Sesahay, Ahimanay waɗ Talmayay. Kalep a ɓula taŋ avra.

MIGI KIITAHAY 1:20

A vulaka hirwuy Hebroŋ da Kalep, kaɓa Moyis miɓa tuwa. Kalep a tiɓi di i walahay ngi ziri ngi Anakay makir.

SAMUYEL MUDUMBUŊ NAŊ 14:6

Zonataŋ a ɓa gawla naŋ majijiraŋ gwat ngi vurumoyo, sawa akum sesẽŋ ng'avu Filistihey, manja ci mizaw tayna. Asinta Buymisemuŋ a sa jina ndra kwani. Naŋ kine, ko da ndra haɗa malla haɗa ta gar na, da Buymisemuŋ a ɓi le ɓa a jina ndra, i lumam bugawla na, ko gwat matikaŋ anta.