ZOZUWE 13:6 - Bible en langue guiziga

⁶ Mizli ngi hirwuy vay muwãhay gar, zle a Libaŋ, hã sesẽŋ a Misrefot-Mayim, hirwuy ngi mizli Sidoŋhoy gar. I ya vuna masa tiɓa taŋ ti haŋ ɗu a mbuŋ Israyele. Mindir ngi ɗike, sey i wuɗuk naŋ da Israyeley ti gi ceregezleŋ tewle, kaɓa ya muɓuw di ɗaˀ le tuwa.

ZOZUWE 13:6 Iomraidhean Croise

DIMISEY 80:8

Buymisemuŋ misi gidaŋ wãˀ, mo ti ndra a muŋ, tiɓa ndra kuy kuy, ɓa i sa lahama.

SLUFA VU 33:54

Ki sa wunkaka li ti gi ceregezleŋ, vur sukwi vur sukwi, vur muyo vur muyo. Sukwi madiɗa, a lum haɗa ya, sukwi meciɗeke, a lum neˀkine ya. Da ceregezleŋ ngi sukwi midiɗ le angi li na, naɓa inga naŋ.

ZOZUWE 1:6

Mbur mbar, tum vu tam, asi hirwuy ya miɓa ɓi naŋ ti hudum da dideˀ taŋhay, yi sa vula taŋ di tuwa na, masa vula da mizli hanayna i kaha.

ZOZUWE 11:12

Walahay ngi buy tayna gar na, Zozuwe a tiɓa taŋ le, waɗ a kiɗa buy ati mizli ngi raˀahaya gar ti maslalam. A ngizla taŋ le pay kaɓa Moyis, gawla ngi Bumbulvuŋ miɓa ɗaˀ le tuwa.

ZOZUWE 11:8

Bumbulvuŋ a vula taŋ asi haŋ ngi Israyeleye. Israyeley a kiɗaka taŋ, hã a sipaka taŋ sesẽŋ a Sidoŋ, walahay madiɗa, sesẽŋ a Misrefot-Mayim, waɗ sesẽŋ ar sozo ngi Mispe, kini tisi pas ngi mipriki. A ngizlaka taŋ kap kap ngi ga dudok da Bumbulvuŋ, ko a pulam mbur pal le ti siifa ta.

ZOZUWE 13:7

Wurenna so na, wuɗuka hirwuy tayna da sukwi Israyel mitaˀ taˀ ngoltir na, ɓa a ndir da taŋ, waɗ da reta ngi sukwi ngi Manase.»

ZOZUWE 23:13

sinaka sin le so tuwaŋ, Bumbulvuŋ, Buymisemuŋ kumo, anta sa ɓula sukwi tayna caˀa a mbuŋ kumo ta. Naɓa sukwi tayna a sa tiram avu kumo, kaɓa zuva ngi ji kum, kaɓa mazaɓ, yo kaɓa laway ngi sliɗ kum a virzi, waɗ kaɓa hadaw muzlulungoˀ zlulungoˀ a hiri. Sey da kum mingizlam le kuɗup angi hirwuy mezle, Bumbulvuŋ, Buymisemuŋ kumo muvulukum di hana.

ZOZUWE 23:4

Kum puraka ayɗi, sukwi ngi mizli, ya mipa taŋ hirnga na, yi wuɗuka hirwuy taŋ le ti ceregezleŋ da sukwi kumoyo. Sukwi ngi mizli mekelemey a ndiram le, i pa taŋ hirnga t'aruŋ. I sukwi muzlo zle a mizaw Zurdeŋ tisi pas ngi miprik naŋ, hã sesẽŋ a mubuliy Meditarane, kini tisi pas ngi pastaˀa.

ZOZUWE 23:5

Bumbulvuŋ, Buymisemuŋ kumo, masa ɓula sukwi tayna kileŋ ti mbuŋ kumo, i naŋ vuna ti haŋ naŋ. A sa ga ɓa a kilam a mbuŋ kumo, hã kisa pam angi hirwuy taŋ, kaɓa Bumbulvuŋ, Buymisemuŋ kumo miɓa ɓi nah ɗaˀ le zleˀe tuwa.