ZOZUWE 13:3 - Bible en langue guiziga

³ A zlo zle a Sihor misek duba cakay ati Ezipte, hã sesẽŋ angi hirwuy Ekroŋ tir vay muŋ naŋ, li tayna gar na, taŋ kaɓa i hirwuy Kanaˀanay. Buy Filistihey ada zlum asi ruwuy tayna: buy ngi ruwuy Gaza, ngi Asdot, ngi Askaloŋ, ngi Gat, ngi Ekroŋ waɗ ngi Avihey.

ZOZUWE 13:3 Iomraidhean Croise

ZLI VIRZI 10:6

Ziri mizile ngi Kamay i ti: Kus, Misrayim, Put waɗ Kanaˀan.

ZLI VIRZI 15:18

Tapas nah na, Bumbulvuuŋ a jumˀay ati Abrama: «Hirwuy misenna zle a mizaw Ezipte hã sesẽŋ a mizaw madiɗa mazilaka Efrat na, yi sa vula da dideˀ ɗikey.

BUYOY MUDUMBUŊ NAŊ 8:65

Salomoŋ, jom ati Israyeley gar a gaka muguzlum ngi guɗukoy na, angi kiya mitarnaˀ naŋ. Zigiduw haɗi teˀe, a soko tir hirwuy gar, zle a Lebo-Hamat, hirwuy vay muŋ, hã cek cek ti mizaw Ezipte, vay ti ruwuy. A gaka muguzlumo a mbuŋ Bumbulvuŋ, Buymisemuŋ ndra, hin tarnaˀ, waɗ hin tarnaˀ ava ma, jom hin kuruˀ ngaˀ mufaɗa.

ƁI NGI HIN GAR MUDUMBUŊ NAŊ 13:5

Akẽh na, Davit a cikila Israyeley gar, zle ar maakway ngi Ezipte misi tir vay ruwuy, hã sesẽŋ a mizlingreŋ ngi Lebot-Hamat misi tir vay muŋ, ɓa a zuɓoko akoti ngi Buymisemuŋ misi a Kiriyat-Yeˀarim.

EZAYI 23:3

Ti duba yam madiɗahay, hilfa gwat ngi mizaw Nil, gwat magaka sifi naŋ a ciki mizaw madiɗa na, i li lum ngi ruwuy Sidoŋ. A tiri luuma ngi sukwi ngi mizli le.

ZEREMI 2:18

Na wurenna, maɗuɗukum nga Ezipte, ng'asi yam a mizaw Nil na, i gwat mike? Maɗuɗukum nga Asiri, ng'asi yam a mizaw Efrat na, i gwat mike?

Slu cuw 2:23

Mizli Avihey misi zleˀe tir vay Gaza na, Kaftoroy musoko ti Kaftoro, a ngizlaka taŋ pay, a pam ar li taŋ.

ZOZUWE 13:13

Amma na, Israyeley a ɓulaka Gesurihey ati Maˀakahay avra ta. Mizli Gesurihey ati Maˀakahay a cifam a wuzla Israyeleye hã dana aruŋ.

MIGI KIITAHAY 16:5

Buy Filistihey a sa lumakaŋ, a ɓaka Dalila na: «Inga ka mi ngi Samsoŋ ti sek vu, ɓa ki sinaŋ naŋ migidaŋ haɗa na vur mike, ɓa i funakaŋ ti gidaŋ, yo ɓa i tikakaŋ ˀay. Mbur gar a sa vuluw gabal ti suloy skat.»

MIGI KIITAHAY 3:3

Mizli, Buymisemuŋ mupula taŋ asi ruwuyo, t'ani: buy Filisti mihimaˀhay zlum, Kanaˀanay gar, Sidoŋhoy waɗ Hivihey micifa ngi muwã Libaŋhay, zle a muwã Baˀal-Hermoŋ hã sesẽŋ a Lebo-Hamat.

SAMUYEL MUDUMBUŊ NAŊ 5:1

Filistihey a zuɓaka akoti ngi Buymisemuŋ le so. A zuɓaka baɗ a Ebeŋ-Ezer nga Asdof.

SAMUYEL MUDUMBUŊ NAŊ 5:10

A dirba nah, a slinam ti akoti ngi Buymisemuŋ nga Ekroŋ, amma naŋ mindil ndil a diga na, mizli Ekroŋhoy a cam widi, a ɓam: «A soko ti akoti ngi Buymisemuŋ ngi Israyele le ngi hay ndra, ɓa a ngizla ndra gar ndra.»

SAMUYEL MUDUMBUŊ NAŊ 5:8

A ziloko buy ngi Filistiheye gar, ɓa a kusom a hay taŋ, a ɓaka taŋ na: «Akoti ngi Bumbulvuŋ ngi Israyel na, i gaka mbrike?» Taŋ a mbiɗaka taŋ di: «Zuɓaka akoti ngi Buymisemuŋ ngi Israyeleye, mam di nga Gat.» Dar a mam ti akoti ngi Buymisemuŋ ngi Israyele.

SAMUYEL MUDUMBUŊ NAŊ 6:4

Filistihey a cufuɗaka taŋ: «I gam di i sukwi mikuli wana ngi ɗiya malambaˀ ndra vunaka?» Masayay ati mupuroy a ɓaka taŋ: «Ndiram gwat kaɓa jiji ngi tandaway zlum ti ɓiri mazilakaɓiri tapasl tapasl waɗ kotokomoy zlum ti ɓiri tapasl tapasl vuna ma, kaslsla a hirnga buy ngi Filistiheye, vulaka taŋ da Bumbulvuŋ. Asi mike mulumukum na, i jiji mupurla nah vuna, kum ati buy kumoyo gar.