ZOZUWE 12:7 - Bible en langue guiziga

⁷ Zozuwe ati Israyeley a kiɗam buyoy le a dubazaw Zurdeŋ, tisi pas ngi pastaˀa ma. Hirwuy taŋ a zlo zle a Baˀal-Gat, angi sozo Libaŋ, hã sesẽŋ a muwã Halak misilaɓɓa ngir ti Seˀir. Zozuwe a vula hirwuy tayna gar da Israyeley, a wuɗkaka vur sukwi vur sukwi.

ZOZUWE 12:7 Iomraidhean Croise

ZLI VIRZI 14:6

Horihey kwana, buy tayna a kiɗaka taŋ zle a muwã taŋ a Seˀir, a sipaka taŋ hã sesẽŋ a El-Paraŋ, gweˀ avu wuzlaɓuh mikirɗak kirɗak.

ZLI VIRZI 32:3

Naŋ mupura taŋ keɗ na, a ɓi: «Walahay guɗuk ngi Buymisemuŋ.» Dar a zila li nah Mahanayim.

ZLI VIRZI 36:20

Dideˀ ngi Seˀirey, mbur Horit, micifam zleˀe angi hirwuy Edomo, t'ani: Lotaŋ, Sobal, Sibeyoŋ, Ana,

ZLI VIRZI 36:30

Disoŋ, Eser, Disaŋ. Tayna i buyoy muboko tivi Amorihey ti sukwi ti sukwi, asi ruwuy Seˀir.

ZLI VIRZI 36:8

Esaw a pa haya a muwã Seˀir. Esaw i Edom.

DIMISEY 135:11

I ti: Sihoŋ buy madiɗa ngi Amorihey ati Ok buy madiɗa ngi Basaŋ, waɗ buy madiɗa ngi ruwuy Kanaˀanay gar.

Slu cuw 2:1

A dirba nah, i mbiɗam duba ngi ru nga wuzlaɓuh mikirɗak kirɗak, kini ngir ti mubuliy lavaɗa, kaɓa Bumbulvuŋ miɓiy di zleˀe tuwa. I gunom, i gunom hã i zikam haɗa a muwã Seˀire.

Slu cuw 2:4

Ɓa ɓi ɗu ani ɗaˀ ɗaˀ da mizli: «Ki sa tuwuɗam baɗ a Seˀir, hirwuy ngi sukum kumoy, ziri ngi Esawaya. A sa zluwunam ti kum ɓula, amma jam lesle.

ZOZUWE 11:17

Buy ngir lihey misi ar wala muwã Halak, sipeˀe ngir tivi Seˀir, hã sesẽŋ a Baˀal-Gat angi sozo Libaŋ, a sar muwã Hermoŋ, Zozuwe a ja taŋ, a kiɗa taŋ vagay vagay.

ZOZUWE 11:23

Zozuwe a tiɓa hirwuyoyo le kasl kasl kaɓa Bumbulvuŋ miɓa zleˀe ɗaˀ le da Moyise. Akẽh na, a vula da Israyeleye, a wuɗuka taŋ di vur sukwi vur sukwi. A dirba nah, mizli a musukam vu muduba, ko vurum anta mata.

ZOZUWE 3:17

Masayay, majijiraka akoti ngi jumoˀay ngi Bumbulvuŋ, a cicam dedeŋ ar li mingbaŋ ngbaŋ a wuzla mizaw Zurdeŋ, ko a wusam neˀ ta. Dar mizli Israyeley gar a tuwuɗaka mizaw Zurdeŋ ti sar njiraŋ njiraŋ, hã zigiduw gar a tuwuɗu.

ZOZUWE 9:1

Gwatay migam a Ay gar na, ɓi naŋ a ndil le a slimiɗ buy ngi dubazaw Zurdeŋ vay muwãhaya cek, ngi ruwuy muzugudum, ngi ˀayzaw Mubuliy Madiɗa, hã sesẽŋ gweˀ avu Libaŋ. Dar mizli Hitihey, Amorihey, Kanaˀanay, Perisihey, Hivihey, waɗ Zebusiheye ma gar na,