ZOZUWE 12:1 - Bible en langue guiziga

¹ Buyoy madiɗahay ada zleˀe ti ruwuy taŋhay a dubazaw Zurdeŋ, kini tisi pas ngi miprik naŋ, Israyeley a cifam bugawla le ar taŋ, i hirwuy muzlo zle ar zlazlar Arnoŋ, hã sesẽŋ a muwã Hermoŋ waɗ wuzlaɓuh mikirɗak kirɗak, misi tisi pas ngi miprik naŋ gar. Buy tayna i ti:

ZOZUWE 12:1 Iomraidhean Croise

BUYOY MUDUMBUŊ NAŊ 4:19

Geber, mangal ngi Uri, i buy miwi li ngi hirwuy Galaˀat ati ngi ruwuy ngi Sihoŋ, buy ngi Amorihey, waɗ ngi hirwuy ngi Ok, buy ngi Basaŋ. Bac nga hirnga buy miwi li mukuruˀ nga cuw tayna ma na, buy miwi li mekelem ada angi hirwuy Zuda.

DIMISEY 133:3

Naŋ kaɓa wulngar a muwã Hermoŋ, magico nga hirnga muwã Siyoŋ. Asi Bumbulvuŋ maɗuwula mi naŋ, yo mavul siifa ngi set na, a diga.

DIMISEY 136:21

Joˀ a vula hirwuy taŋ da mizli mekelemey, ɓa a zumakaŋ, asi gi teŋteŋ naŋ, anta kiɗ mi ta,

DIMISEY 89:12

Muŋ i ngi ɗiki, yo hirwuy i ngi ɗike ma, duniya kurzluˀ ati gwat ngi raˀahay gar na, miga taŋ i ka.

EZAYI 16:2

Ngwas Moˀapay a ndiram ar li tuwuɗa mizaw Arnoŋ kaɓa ɗiyuwoy makilam aka aka, asi a ɓulaka taŋ le tir hay taŋhaya.

SLUFA VU 21:13

A slikiɗam sar mumufaɗ naŋ, ara pam sar a duba Arnoŋ, mizaw muɗuv virzi a ruwuy Amorihey, a ngira wuzlaɓuh mikirɗak kirɗaka cããt, hã ara gi maakway ar wala ngi hirwuy Moˀap ati ngi Amorihey.

SLUFA VU 21:21

Israyeley a slinam mizli, ɓa ara ɓaka Sihoŋ, buy madiɗa ngi Amoriheye na:

SLUFA VU 21:24

Amma Israyeley a paka taŋ hirnga le. A tiɓaka hirwuy taŋ gar, zle a Arnoŋ tir vay ruwuy, Yaboko tir vay muŋ, hã avu maakway ngi Amorihey majiginaka kuy kuy, misi tisi pas ngi miprik.

SLUFA VU 32:19

Amma ndr'anta wuɗam li ngi ndra ati taŋ a dubazaw Zurdeŋ ta. Li ngi ndra naŋ aka, tisi pas ngi miprik ngi Zurdeŋ.»

SLUFA VU 32:32

Ndra vuna i sa hilam gwat ngi vurumoy, i cam nga hirwuy Kanaˀan a mbuŋ Bumbulvuŋ, ɓa i lumaka hirwuy ndra misi ti dubazaw vay ngi ka na.»

SLUFA VU 32:33

Hirwuy ngi Sihoŋ, buy madiɗa ngi Amori, hirwuy ngi Og, buy madiɗa ngi Basaŋ, waɗ walahayay ati hirwuyoy mugun hirnga taŋ na, Moyis a vula taŋ da dideˀ ngi Gat ati ngi Rubeneye, waɗ da cah asi sukwi ngi Manase mangal ngi Zozefe.

Slu cuw 2:24

A dirba nah, Bumbulvuŋ a ɓiy na: «Zuɓam jiviɗ, tuwuɗaka mizaw Arnoŋ. Sihoŋ, buy ngi Amorihey misi a Heseboŋ, i wuɗ i vuluw di asi haŋ ɗik jom ati hirwuy naŋ. Zlaka tiɓa hirwuyo, gam vurum.

Slu cuw 2:32

Buy Sihoŋ a boko ati soje naŋhay nga zlir dibiɗ ti ndra, ɓa i kiɗam vu a Yahas.

Slu cuw 3:1

Moyis a ɓi ma: a dirba nah, i muslam ɓa i jiɗam ngir ti muwã Basaŋ. Amma Ok buy madiɗa ngi Basaŋ, a boko ati soje naŋhaya, ɓa i zliram kiɗa vu a Edreyi.

Slu cuw 4:44

Moyis muslufa ɓimujuwa da Israyeley na i hana so.

Slu cuw 4:46

Naɓa taŋ tisi pas ngi miprik ngi Zurdeŋ, ar sozo misek duba cakay ati Bet-Peˀor, angi hirwuy ngi Sihoŋ buy madiɗa ngi Amorihey. Sihoŋ naŋ zleˀe a Heseboŋ. Moyis ati Israyeley muboko ti ruwuy Ezipte tuwa na, a kiɗakaŋ, a tikakaŋ ˀay,

Slu cuw 4:48

Israyeley a tiɓaka li vay nah na, zle a Aroˀer misi a ciki sozo a Arnoŋ, hã sesẽŋ a muwã Hermoŋ, a zilaka Siyoŋ ma.

ZOZUWE 1:15

sey da Bumbulvuŋ muvula musuka vu le da sukum kumoyo, kaɓa naŋ muvulukum di da kum na ya, yo sey da taŋ kwana, a tiɓaka hirwuy Bumbulvuŋ Buymisemuŋ kum, mavula taŋ di na le ya. A dirba nah, kumo, kisa mam ng'ar hirwuy ngi kumo, kisa tiɓaka hirwuy, Moyis gawla ngi Bumbulvuŋ muvulukum di a dubazaw Zurdeŋ, tisi pas ngi miprik na.»

ZOZUWE 11:17

Buy ngir lihey misi ar wala muwã Halak, sipeˀe ngir tivi Seˀir, hã sesẽŋ a Baˀal-Gat angi sozo Libaŋ, a sar muwã Hermoŋ, Zozuwe a ja taŋ, a kiɗa taŋ vagay vagay.

ZOZUWE 11:3

Yo ng'avi mizli Kanaˀanay, misi tisi pas ngi miprik waɗ tisi pas ngi pastaˀa, mizli Amorihey, Hitihey, Perizihey waɗ Zebusihey misi tir vay muwã, mizli Hivihey misi a sarmuwã Hermoŋ, angi hirwuy Mispa.

ZOZUWE 13:8

Sukwi ngi Ruben ati ngi Gat waɗ reta ngi sukwi ngi Manase mudumbuŋ na, a lumam nga taŋ le avu Moyis muvula taŋ di a dubazaw Zurdeŋ, tisi pas ngi miprik. A lumaka kaɓa Moyis, gawla ngi Bumbulvuŋ muvula taŋ di.

ZOZUWE 22:4

Wurenna, Bumbulvuŋ, Buymisemuŋ kumo, a vula li musuko vu le da sukum kumoyo muduba, kaɓa naŋ miɓa taŋ di ɗaˀ le zleˀe tuwa. Wurenna so na, mam ng'ar guɗuk kumoy a muŋ, nga hirwuy ngi kum. Hirwuy, Moyis, gawla ngi Bumbulvuŋ muvulukum di, a dubazaw Zurdeŋ tuwa.

MIGI KIITAHAY 11:18

A dirba nah, a zuɓam jiviɗ ngi wuzlaɓuh mikirɗak kirɗak tuwa amuŋ. A taka ruwuy Edom ati Moˀapa teˀe, a ndilam tisi pas ngi miprik ngi ruwuy Moˀap. A ɗiyaka guɗuk taŋhay ti duba Arnoŋ, ko a cam nga ruwuy Moˀapa ta, asi Arnoŋ i maakway ngi Moˀap vuna.