ZOZUWE 11:6 - Bible en langue guiziga

⁶ Bumbulvuŋ a ɓa Zozuwe na: «Ko ki zluwun ti taŋ ta, asi tiprik hã pas kahana na, naɓa yi vula taŋ le asi haŋ ngi Israyeley, a kiɗaka taŋ le gar si. Ki sa buko zlambarkataw ngi pilis taŋhaya, yo kisa wura mota taŋhay ngi vurumo.»

ZOZUWE 11:6 Iomraidhean Croise

SAMUYEL MUCUW NAŊ 8:4

Mizli naŋhay misi ar piliseye, taŋ durmuk purla ti skat skat tarnaˀ, waɗ misi saraya taŋ durmuk kukur cuw. Davit a ja taŋ pay da naŋ. Davit a buko zlambar ngi pilisey maɗiɗaka motahaya cek, waɗ a pul da naŋ i pilis miɗiɗa motahaya skata.

BUYOY MUCUW NAŊ 6:16

Elize a mbiɗaŋ di: «Ko ki zluwun ta! Asi mizli misi ndra bummoˀ na, taŋ haɗa fineˀ misi ati taŋ.»

ƁI NGI HINEY MUCUW NAŊ 20:16

Tiprike, kisa pam sar nga zlir dibiɗ ati taŋ. Puraka, t'ani ara jiɗoko tir li jiɗ ngi Mufuyukoy. Ki ra jam taŋ hirnga a mi hurjijiŋ mupuɗak angi wuzlaɓuh mikirɗak kirɗak ngi Yeruyel na.

DIMISEY 46:10

A cica vurum magaka asi duniya keɗeɗe, a ngila lekey ati ziwit ngi vurumoyo, a ɗuva vu da mbarayaya.

DIMISEY 46:11

Buymisemuŋ a ɓi: «Pulaka gi vurumo! Yo sinaka sin le, yi Buymisemuŋ! I wa mizli le, i wa hirwuyo le.»

DIMISEY 46:9

Soko, puraka slra ngi Bumbulvuŋ, naŋ mingizla gwatay asi ruwuyo.

MIKUCUWULOY 20:7

Mbur mijeŋŋe a zuɓ jiviɗ micirre, ziri naŋhay a sa ndiram ti mumul a dirba naŋ.

EZAYI 30:16

Kumo ki ɓam: «Ĩˀĩ, ndr'i sa kilam ti pilisey», Naŋ kine, kisa kilam. Na mana ki ɓam: «I sa hilam mota ngi pilis muwusa vuhoy», Haˀaw, amma misipi kumoy a sa wusam vu fineˀ taŋ ma.

EZAYI 31:1

Mizli ara ram nga sipa jini ˀis a Ezipte, kay! I bonoy avu taŋ. A ɗuvaka wuluk taŋ taˀ ar pilisey, a pulaka vu taŋ da mota ngi pilisey asi taŋ haɗa, waɗ da misi pilisey asi taŋ migidaŋ. Amma a ɗuvaka hiri taˀ le ar Buymisemuŋ mipal ngi Israyele ta, t'anta sipaka Bumbulvuŋ ta.

EZEKIYEL 39:9

Akẽh na, mizli ngir walahay Israyele a sa bam, a sa ɗiyam vu ti gwat ngi vurum ngi mesene taŋhay mupulaka taŋ hũyõf na, hã a gam di vi tarnaˀa: i mbaray meciɗek ati madiɗahay, lek ati luvutoy, ziwit ngi ɓirihey ati ziwit ngi dumoy,

Ɗerewol OZE 14:3

Moko ng'avu Bumbulvuŋ, ɓakaŋ: «Gwat malambaˀ ndra migaka gar na, puya ndra taŋ avra, gwat mezle ndrahay na, tiɓa taŋ. Ar deɗe ngi mikuli ti gusoŋhoy na, ndr'i vulukuw mingiɓi ngi balam ndra.

NAHUM 2:13

Mobor a puwa useˀ, a vula da ziri naŋhaya, a ɓuto useˀ da madiya moboroyo, a naha kuɓuŋ naŋhaya mbaf ti useˀhey, naŋ mija taŋ ti ji, a naha li hin naŋ mbaf ti useˀ mupuwa.

Slu cuw 7:16

Mizli Bumbulvuŋ Buymisemuŋ kumo muvulukum taŋ le asi haŋ kum gar na, ngizlaka taŋ pay manja ircece. Ki huruk hurukam a mbuŋ kuli taŋhaya ta, vur kuli taŋhay majukum ar kwar.

ZOZUWE 10:8

Bumbulvuŋ a ɓa Zozuwe na: «Anja ki zluwun ta, asi yi vuluw taŋ le asi haŋ ɗik si. A wuzla taŋ na, ko mbur pal masa cici zlak gu a mbuŋ ɗike anta.»

ZOZUWE 11:5

Buy tayna gar, a wam haŋ, ara zliram, ara pam sar gar taŋ arleˀe a mi yam Merom, ɓa a zlam kiɗa vu ati Israyeleye.

ZOZUWE 11:7

Zozuwe ati mizli naŋ ngi vurumoyo gar, ara lumaka taŋ gurjik a mi yam Meromo, a ndilam vu kpis ar taŋ.

ZOZUWE 11:9

Zozuwe a ga kaɓa Bumbulvuŋ miɓaŋ di tuwa: a buko zlambarkataw ngi piliseye, waɗ a wura mota taŋ ngi vurumoyo.

ZOZUWE 3:5

A dirba nah na, Zozuwe a ɓa mizli: «Zuɓaka hiryi kumoy avra, asi tiprike, Bumbulvuŋ a sa gi gwat ngi zuma hirngahay a wuzla kumo.»

MIGI KIITAHAY 20:28

Tapasa, magi di slra i Pinas mangal ngi Eliyazar, dideˀ meciɗek ngi Aroŋ. Israyeley a cufuɗaka Bumbulvuŋ, a ɓakaŋ: «I bam nga kiɗa vu ati sukum ndra ziri ngi Benjameŋheye ɓula si kwa, malla i pulaka kwa?» Bumbulvuŋ a mbiɗa taŋ di: «A ram, asi ti prike, i sa vulukum taŋ asi haŋ kum.»

MIGI KIITAHAY 7:9

Ngi duvuɗ nah na, Bumbulvuŋ a ɓa Zedeyoŋ: «Slikiɗ, pi sar ng'ar walahay guɗuk ngi Madiyanaya, asi i vuluw taŋ le asi haŋ ɗiki.

SAMUYEL MUDUMBUŊ NAŊ 11:9

Mizli musoko ti mislin ti Yabes tuwa na, mizli a ɓaka taŋ: «A ra ɓaka mizli ngi Yabesey ar hirwuy Galaˀata na: «Tiprik ti wuzla papas na, naɓa ki lumam kila widi kumo le.» Misliney a soko faka ɓi nah da mizli ngi Yabeseye. Mizli gar ara mumulom.