ZOZUWE 11:4 - Bible en langue guiziga

⁴ Buy ngisi ruwuy tayna tuwa, jom ti soje taŋhaya gar, a bam hiɗim hiɗim. I mizli haɗi teˀe, a sluf ta, kaɓa muyuŋ a mi mubuliy, waɗ misi pilisey ati mota ngi vurumoy haɗi.

ZOZUWE 11:4 Iomraidhean Croise

ZLI VIRZI 22:17

i ɗuwuluw mi gisiŋ gisiŋ, i sa ga ɓa dideˀ ɗikey a gam haɗi kaɓa wurzlaŋ ngi muŋhoy, yo kaɓa muyuŋ a mi mubuliy. Dideˀ ɗikey a sa tiɓaka hirwuyo avu mesene taŋhaya.

ZLI VIRZI 32:12

Ambuh, lihiy tisi haŋ ngi sukum ɗu Esawa. Asi yi ra zluwun di, i zluwun vur naŋ maso kiɗa ndra, ya, ngwasay ati ziri.

SAMUYEL MUCUW NAŊ 17:11

Ya so na, ngilawuy ɗu ani: «Kuso Israyeley gar avu ka, zle a Daŋ hã a Berseba, ɓa a gam haɗa kaɓa muyuŋ a mi mizaw. Ka vuna, ki ru ɓaˀ asi taŋ ng'ar vurumo.

BUYOY MUDUMBUŊ NAŊ 4:20

Mizli ngi Zudahay ati ngi Israyeleye, taŋ haɗi teˀe. Taŋ haɗa, a slufam ta wãˀ kaɓa muyuŋ a mi mubuliy. Tˀada ti gwat ngi zum ati gwat ngi si, hã mbaka, yo taŋ ar cira hiri ma.

DIMISEY 20:8

Mizli mekelemeye, ara njaham hiri asi mota taŋ ngi vurumoy, numuŋhoyo, ara njaham hiri asi pilis taŋhay, amma ndra, i zilam di i slimiɗ ngi Bumbulvuŋ ndra Buymisemuŋ.

ZOZUWE 11:5

Buy tayna gar, a wam haŋ, ara zliram, ara pam sar gar taŋ arleˀe a mi yam Merom, ɓa a zlam kiɗa vu ati Israyeleye.

MIGI KIITAHAY 7:12

Mizli Madiyanay, Amalekey waɗ mizli maslikiɗam aka aka, misi tisi pas ngi miprike, t'ada sikinih ar li micaya, kweslekwesle kaɓa jaray, zlogomo taŋhay a slufam ta, taŋ haɗi kaɓa muyuŋ a mi mubuliy.

SAMUYEL MUDUMBUŊ NAŊ 13:5

Filistiheye kwana a juwam vu ngi kiɗa vu ati Israyeleye. Taŋ ti mota ngi vurumoy durmuk kukur makir, misi pilisey durmuk merkeɗ, yo waɗ sojehey zurnok zurnok haɗa kaɓa muyuŋ ngi mizaw. A ra pam a Mikmas tisi pas ngi miprik ngi Bet-Aveŋ.