ZOZUWE 11:12 - Bible en langue guiziga

¹² Walahay ngi buy tayna gar na, Zozuwe a tiɓa taŋ le, waɗ a kiɗa buy ati mizli ngi raˀahaya gar ti maslalam. A ngizla taŋ le pay kaɓa Moyis, gawla ngi Bumbulvuŋ miɓa ɗaˀ le tuwa.

ZOZUWE 11:12 Iomraidhean Croise

Slu cuw 7:2

Bumbulvuŋ Buymisemuŋ kumo a sa vulukum taŋ asi haŋ kum, kisa tikaka taŋ ˀay, ki ngizlaka taŋ pay. Ki ɗiyam ɓi ar wala kum ati taŋ ta, yo ko ki puraka taŋ ircece ta.

Slu cuw 9:3

Bumbulvuŋ Buymisemuŋ kum, aro ɓaˀ a mbuŋ kumo, kaɓa vu mazuma gwatay gar na, kisa sinaka dana so. I naŋ masa ngizla taŋ, i naŋ masa kiɗa taŋ a mbuŋ kumo. Ki sa ɓulaka taŋ, ki ngizlakataŋ kutum si, kaɓa Bumbulvuŋ muɓukum di ɗaˀ le zleˀe na.

ZOZUWE 10:20

Zozuwe ati Israyeleye, a kiɗaka mi ngi ga taŋ bonoy ti kiɗ mukuy ta, hã a ngizla taŋ leɗeɗ wãˀ. Dambalaka mekelemey a laham le ar wala taŋ, a kilam ng'ar walahay taŋhay muguno ti mohol.

ZOZUWE 10:28

Kalla tapas nah vuna si na, Zozuwe a zuma walahay Makeda, a kiɗa buy ati mizli ngi raˀahaya gar, a ngizla taŋ kap ti maslalam, ko a pul mbur loŋ ti siifa ta. A gi ti buy Makeda, kaɓa naŋ migi ti buy Zeriko tuwa ma.

ZOZUWE 10:30

Walahay Lipna ati buy waɗ mizli ngi raˀahay gar na, Bumbulvuŋ a vula taŋ le asi haŋ ngi Israyeleye, a ngizlaka taŋ kap kap ti malslalam. Ko Israyeley a pulam mbur pal ti siifa ta. Zozuwe a gi ti buy Lipna, kaɓa naŋ migi ti buy Zeriko tuwa ma.

ZOZUWE 10:32

Ngi hin mucuw naŋ na, Israyeley a zumaka walahay Lakise le, Bumbulvuŋ a vula taŋ di le asi haŋ taŋ. Israyeley a ngizlaka mizli ngi raˀahaya kap, ko a pulam mbur loŋ le ti siifa ta. A gam ti taŋ kaɓa taŋ migam ti walahay Lipna tuwa ma.

ZOZUWE 10:35

Kalla tapas nah vuna si na, a zumaka walahaya, a kiɗaka mizli ngi raˀahaya gar ti maslalam. Tapasa, a ngizlaka mizli kap, kaɓa taŋ migam ti walahay Lakis tuwa ma.

ZOZUWE 10:37

A zumaka walahay Hebroŋ ati prok naŋhaya gar, a kiɗaka buy Hebroŋ ati mizli ngir walahayay tuwa gar ti maslalam, ko a pulam mbur pal ti siifa ta. A gam ti walahay Hebroŋ kaɓa taŋ migam ti walahay Egloŋ tuwa ma. A wahaka walahaya, yo a ngizlaka mizli ngi raˀahaya gar ngi ga dudok da Bumbulvuŋ.

ZOZUWE 11:13

Amma so na, walahay ngir li miɗingir ɗingirey gar na, ko Israyeley a wuram purla le asi taŋ ta, sey walahay Hasor pal naŋ, Zozuwe muwura na si.

ZOZUWE 11:15

Gwat tayna gar a gam na, asi Bumbulvuŋ miɓa ɗaˀ le da gawla naŋ Moyis, yo Moyis kwana miɓa ɗaˀ le da Zozuwe, Zozuwe a sipa le kasl kasl. Ɓi Bumbulvuŋ muɗuva da Moyis gar na, ko Zozuwe a hizig purla le avra ta.

ZOZUWE 13:6

Mizli ngi hirwuy vay muwãhay gar, zle a Libaŋ, hã sesẽŋ a Misrefot-Mayim, hirwuy ngi mizli Sidoŋhoy gar. I ya vuna masa tiɓa taŋ ti haŋ ɗu a mbuŋ Israyele. Mindir ngi ɗike, sey i wuɗuk naŋ da Israyeley ti gi ceregezleŋ tewle, kaɓa ya muɓuw di ɗaˀ le tuwa.

ZOZUWE 21:44

Bumbulvuŋ a ga taŋ di, a cifam le zuy zuy ati mizli ngir maakway taŋhaya, kaɓa naŋ miɓa ɗaˀ le da dideˀ taŋhaya tuwa si. Bumbulvuŋ a vula taŋ mesene taŋhaya gar asi haŋ taŋ. A wuzla mesene taŋhaya, ko mbur pal macici a mbuŋ taŋ gu anta.

ZOZUWE 8:31

A ndira li gi mikuli na, kaɓa Moyis, gawla ngi Bumbulvuŋ muɗuva ɓi nah da Israyeley, kaɓa mutohoko ɓi naŋ angi ɓimujuwa ngi Moyis: li gi mikuli ti ɗugur miɓaˀ kine, mubuslaka ɗaˀ ti ɓiri ta. Dar a gam mikuli mizlam zlam wãˀ anga da Bumbulvuŋ, waɗ mikuli ngi ngiɓiˀay ma.

ZOZUWE 8:8

Da kum misa tiɓaka walahaya le na, kisa ɗuvaka vu div div da hayaya, kisa gaka kaɓa Bumbulvuŋ miɓa na. Hana i ɓi ya muɓukum di ɗaˀ le, ɓa kisa gakaŋ.»

ZOZUWE 9:24

Mizli tuwa, a mbiɗaka da Zozuwe: «Bumbulvuŋ, Buymisemuŋ kumo, miɓa gawla naŋ Moyise ɗaˀ le, ɓa a sa vulukum hirwuy hana gar da kum, yo a sa ngizla mizli ngisi ruwuy hanayna gar a mbuŋ kumo na, ndra gawla ɗikey i cinaka ɓi nah le si. I zluwunam ti kum haɗa teˀe, ndra migam kahana na, vurˀe.