ZOZUWE 10:33 - Bible en langue guiziga

³³ Akẽh na, Horam, buy Gezer, a kilo widi ngi walahay Lakise. Amma Zozuwe a kiɗa taŋ ati mizli naŋhaya, ko a pul mbur loŋ ti siifa ta.

ZOZUWE 10:33 Iomraidhean Croise

SAMUYEL MUCUW NAŊ 5:25

Davit a ga kaɓa Buymisemuŋ muɗuvaŋ ɓi nah, a kiɗa Filistiheye, zle a Geba hã sesẽŋ ar li ci nga Gezer.

ƁI NGI HIN GAR MUDUMBUŊ NAŊ 20:4

A dirba nah ma na, Israyeley a gam vurum ati Filistihey a Gezer ma. Ar vurum nah, Siɓkay ngi ruwuy Husa, a kiɗa Sipay dideˀ ngi Refayaya vagay, joˀ Filistihey a hinam hirnga a mbuŋ taŋ.

ZOZUWE 10:32

Ngi hin mucuw naŋ na, Israyeley a zumaka walahay Lakise le, Bumbulvuŋ a vula taŋ di le asi haŋ taŋ. Israyeley a ngizlaka mizli ngi raˀahaya kap, ko a pulam mbur loŋ le ti siifa ta. A gam ti taŋ kaɓa taŋ migam ti walahay Lipna tuwa ma.

ZOZUWE 10:34

Zozuwe ati Israyeley gar, a cohom baɗ ti Lakise nga Egloŋ. A ndahaka hirnga ngi walahay Egloŋ, a zlaka vurumo.

ZOZUWE 12:12

Egloŋ, Gezer,

ZOZUWE 16:10

Amma Kanaˀanay misi a Gezer na, mizli ngi Efrayimey a ɓulaka taŋ ta. Vurˀe, Kanaˀanaya t'ada a wuzla dideˀ ngi Efrayimeye hã dana aruŋ. Amma so na, dideˀ ngi Efrayimeye, a vulaka taŋ slra ngi gi sey mitakˀay le ɓula.

ZOZUWE 16:3

Tisi pas ngi pastaˀa, maakway a jik jik kini ng'ar maakway ngi mizli Yaflehey, hã sesẽŋ a Bet-Horoŋ-muzugudum, yo sesẽŋ a Gezer, waɗ ara kiɗ mi a mi mubuliy.

ZOZUWE 21:21

Walahayay ani taŋ muvulaka taŋ di, da mbur mikiɗ hirnga le na, ɓa ara ɗum a diga: i Sikem a muwã Efrayim waɗ Gezer, jom ti pala ngi jigina ginew taŋhaya wãˀ wãˀ,

MIGI KIITAHAY 1:29

Kanaˀanay mipam a Gezer na, mizli Efrayimey a ɓulaka taŋ gu ta, joˀ Kanaˀanay a ndiram a wuzla Efrayimey a Gezere.