ZOZUWE 10:12 - Bible en langue guiziga

¹² Tapas Bumbulvuŋ muvula Amorihey asi haŋ ngi Israyeley na, Zozuwe a ɓa Bumbulvuŋ a mbuŋ Israyele gar: «Pasa, cici deŋ a hirnga Gabaˀoŋ! Kiya, ka kwana, ko ki kirih kirah le ti hirnga sozo Ayaloŋ ta!»

ZOZUWE 10:12 Iomraidhean Croise

SAMUYEL MUCUW NAŊ 2:12

Abner, mangal ngi Ner ati gawla ngi Isebaˀalay, mangal ngi Sawulo, a bam baɗ a Mahanayime, a ram kini nga Gabaˀoŋ.

BUYOY MUCUW NAŊ 20:10

Ezekiyas a mbiɗaŋ di: «Ɓa susuɗuk a muruɗ nga mbuŋ sar taˀtaˀ kuruˀ na, i gwat mutuwaˀ ta, amma ɓa a mi nga dirba sar taˀtaˀ kuruˀna, i gwat mutuwaˀa.»

BUYOY MUCUW NAŊ 20:11

Dar mijiviɗ Ezayi a tumbulo Buymisemuŋ ɓa a mo ti susuɗuko nga dirba sar taˀtaˀ kuruˀu, joˀ susuɗuk a mo nga dirba sar taˀtaˀ kuruˀ ar li ɗuva sar mitaˀtaˀ ngi ci ng'ar hay ngi Akasa.

BUYOY MUCUW NAŊ 20:9

Ezayi a mbiɗaŋ di: «Buymisemuŋ masa ga gwat naŋ miɓa na, kisa si na avu gwat anihĩ: Susuɗuk a muruɗ nga mbuŋ sar taˀtaˀ kuruˀu malla a mi nga dirba sar taˀtaˀ kuruˀ na, ki hiyĩ di i wanaka?»

ƁI NGI HIN GAR MUDUMBUŊ NAŊ 8:13

Beriya ati Sema, buy ngi hayay a wuzla mizli Ayaloŋhoy i taŋ. Muɓulaka mizli ngi ruwuy Gatay i taŋ.

ƁI NGI HINEY MUCUW NAŊ 11:10

Sora, Ayaloŋ waɗ Hebroŋ. Walahay muguno ti mohol tayna, taŋ angi hirwuy Zuda ati hirwuy Benjameŋ.

Ɗerewol JOP 9:7

A ɓa pasa ɗaˀ na, pas a bo mata, a tiɗa wurzlaŋhaya kap kap.

DIMISEY 148:3

Pas ati kiya, hunumakaŋ, kum wurzlaŋhay gar mawucuɗam, hunumakaŋ.

EZAYI 28:21

Haˀaw, Bumbulvuŋ a sa slikiɗ kaɓa naŋ mislikiɗ zleˀe a muwã Perasim. A sa ɓuruk jaɓ jaɓ ti mevele kaɓa naŋ muɓuruk ar li micay ngi Gabaˀoŋ, ti naŋ mawuɗ a kiɗa mi ngi gwat gi naŋ gwat ngi gi naŋ mufuna wuluk ngi mbur. ti naŋ mawuɗ a kiɗa mi ngi slra naŋ, slra naŋ ngi zuma hirnga na.

EZAYI 38:8

Ar li jiɗ ngi hay Ahasa, susuɗuk a muruɗ le si, i sa mi di nga dirba sar taˀ taˀ kuruˀu.» Dar pas a jiɗ sar taˀ taˀ kuruˀ ng'ar li ngi susuɗuk mimi nga dirba sar taˀtaˀ kuruˀ tuwa.

EZAYI 60:20

Pas anta sa diɗ vur ka mata, yo kiya anta sa susuyum vur ka mata. Asi masa gi li minjahha ɗik ngi wãˀ na, i ya Bumbulvuŋ. Dar hin ngi vagay ɗik a sa kiɗ mi.

ZEREMI 28:1

Arvi nah na, angi zli virzi ngi zumabuy ngi Sedekiyas, buy Zuda, kiya muzlum ngi vi mumufaɗ naŋ na, mijiviɗ Hananiya mangal ngi Azur, mbur miya cak a Gabaˀoŋ, a ɓiy ya ar hay ngi Bumbulvuŋ, a mihiri masayay ati mizli gara:

AMOS 2:9

Na ya, ya mingizla mizli Amorihey na, a mihiri taŋ ngbaŋ. Amorihey i mizli madiɗakaɓa miterey, gidaŋ taŋ kaɓa ngi widis madiɗa. I ngizla tizer taŋ le kuɗup wãˀ.

AMOS 8:9

Ar hin nah, i sa ga ɓa pas a diɗ ti wuzla papas si, yo duvuɗ a sa ji ti papasa. I Bumbulvuŋ, Buymisemuŋ ɗu maɓi.

HABAKUK 2:20

Amma Bumbulvuŋ a ro ar hay naŋ mipal. Hirwuy kurzluˀ gar a taˀa mi le siriw a ciki naŋ!»

HABAKUK 3:11

Luvut ɗikey mamulam cuɗiɗi, cuɗiɗi, yo ziwit ɗik mawucuɗ pilngiɗ pilngiɗ na, pas ati kiya a cicam le deŋ deŋ ar li taŋ.

ZAKARI 2:13

Haˀaw, y'ani i zuɓa haŋ ɗu ng'ar sukwi tayna: ɓa i beke taŋhay masa hilaka gwat taŋhaya, joˀ kisa sinaka i Bumbulvuŋ misi gidaŋ wãˀ mislino ya.

Slu cuw 17:3

yo ara ru nga huruk huruk a mbuŋ kulihey, ara huruk a mbuŋ kulihey, a mbuŋ pasa, kiya ati gwat ngi muŋhoy gar, i gwatay ya muɓukum, ki huruk hurukam a mbuŋ taŋ ta na,

Slu cuw 4:19

Pas, kiya, wurzlaŋhay ati gwat ngi muŋ mekelemeye, da ko ka muzuɓa hiri le nga muŋ ɓa ki singila taŋ na, anja a hizigiɗukuw, ɓa ki huruk huruk a mbuŋ taŋ ta, ki ga taŋ mezegwel ta ma. Asi gwat tayna, Bumbulvuŋ Buymisemuŋ kum, a vula taŋ le da sukwi mekelemey misi asi gazlavay kurzluˀ gar.

ZOZUWE 10:13

Pas tuwa, a cici deŋ, yo kiya kwana, ko a kirih kirah le ta, hã sukwi Israyel a pula cuwal naŋ ar mesene naŋhaya. A tohoko ɓi nah le ar ɗerewol ngi mbur mijeŋŋe ta kwa? Pas a cici deŋ a wuzla muŋ, ko a wus vu ngi diɗe ta, a zik gweˀ ngi hiipas wãˀ.

ZOZUWE 19:42

Saˀalabiŋ, Ayaloŋ, Itla,

ZOZUWE 21:24

Ayaloŋ ati Gat-Rimoŋ, waɗ pala ngi jigina ginew taŋhaya wãˀ wãˀ. Jom gar na, walahay mufaɗ.

MIGI KIITAHAY 12:12

Eloŋ mbur Zabuloŋ tuwa, a mucu, a dikaka daˀ a Eloŋ hirwuy Zabuloŋ vuna si.

MIGI KIITAHAY 5:20

Wurzlaŋhay a kiɗam vu a dadala muŋ a diga, zle ar hay taŋhay a diga, a kiɗoko Sizera.

SAMUYEL MUDUMBUŊ NAŊ 12:18

Samuyel a tumbulo Buymisemuŋ, ar hin nah vuna, Buymisemuŋ a ga vuŋ a ndisl, yo vuŋ a gi, joˀ sukwi ngi Israyeley gar a zluwunam haɗa ti Buymisemuŋ waɗ ti Samuyele.

SAMUYEL MUDUMBUŊ NAŊ 14:31

Angi hin nah na, a kiɗaka Filistiheye, zle a Mikmas hã sesẽŋ a Ayaloŋ. Mizli, gidaŋ taŋ a tiki le wãˀ.