ZOZUWE 10:10 - Bible en langue guiziga

¹⁰ Bumbulvuŋ a ga zluwun da soje Amoriheye, a kilam mber mber ti Israyeleye. Dar Israyeleye, a kiɗaka taŋ finiˀ finiˀ a Gabaˀoŋ. A sipaka taŋ kini ngir ti miɗingir ngi Bet-Horoŋ, a ram ti kiɗ taŋ sesẽŋ a Azeka, hã sesẽŋ a Makeda.

ZOZUWE 10:10 Iomraidhean Croise

SAMUYEL MUCUW NAŊ 22:15

A mula luvutoyo fat fat, a waha mesene naŋhaya pal pal, a hiziga wucuɗ ngi vuŋ, a zliɗa hirnga ngi mesene naŋhaya mber mber.

BUYOY MUDUMBUŊ NAŊ 9:17

Salomoŋ a ndira walahay Gezere hiri naŋ a muŋ, yo a ndira hiri ngi walahayay ngi ruwuy Bet-Herom-ngi ruwuyo

ƁI NGI HINEY MUCUW NAŊ 14:12

Asa ati mizli ngi seˀehey tuwa, a gidiɗaka taŋ hã sesẽŋ a Gerar. A ndilam vu kuvbum ar Etiyopiheye, ko mbur mindir ti siifa loŋ anta. Asi Bumbulvuŋ ati soje naŋhaya, a musukuɗoko taŋ le burkuɗ. Mizli ngi Asahay a hilam gwatay ar vurumo haɗi.

ƁI NGI HINEY MUCUW NAŊ 25:13

Soje Israyeley, Amasiya mitika taŋ ɓa a ram aseˀe ng'ar vurumo ta tuwa na, a ndilam vu kuvbum ar walahay Zudahaya, zle a Samari, sesẽŋ a Bet-Horoŋ. A kiɗam mizli durmuk makir a diga, yo a hilam gwatay haɗi.

DIMISEY 44:3

Ka ti haŋ ɗike, ki ɓula sukwi ngi mizli ɓak le avra ɗagay, ɓa ngi cifa dideˀ ndrahay ar li taŋ. Ki ziza sukwi ngi mizli kap kap ɗagay, ɓa a pulaka li da sukwi ngi mizli ɗikeye.

DIMISEY 68:14

Ki sa ndiram tup tup ar walahay guɗuko kwa? Kirpasl ngi gonoko, a ro sirit sirit ti ɓiri gaza, yo zlara naŋhaya, sirit sirit ti ɓiri tapasl tapasl.

DIMISEY 78:55

A ɓula sukwi ngi mizli mekelemey avra baɗ a mbuŋ taŋ, a wuɗuka taŋ hirwuyo wuɗak wuɗak, waɗ a cifa Israyeley ar hay ngi Kanaˀanay vuna.

EZAYI 28:21

Haˀaw, Bumbulvuŋ a sa slikiɗ kaɓa naŋ mislikiɗ zleˀe a muwã Perasim. A sa ɓuruk jaɓ jaɓ ti mevele kaɓa naŋ muɓuruk ar li micay ngi Gabaˀoŋ, ti naŋ mawuɗ a kiɗa mi ngi gwat gi naŋ gwat ngi gi naŋ mufuna wuluk ngi mbur. ti naŋ mawuɗ a kiɗa mi ngi slra naŋ, slra naŋ ngi zuma hirnga na.

EZAYI 30:30

Bumbulvuŋ a sa ga ɓa ˀay naŋ ngi buy na, a cin, dar a sa biga gidaŋ ngi hirbazla naŋ. Mevel naŋ, a sa biga a wuzla irne vu mazum li, jom ti vuŋ misi ti yam.

ZEREMI 34:7

Hirak ti nah vuna, naɓa soje ngi buy madiɗa ngi Babiloŋhoy a ndahaka walahay Zeruzaleme le waɗ walahay mucuw ngi Zudahay, Lakis ati Azeka, t'ada aruŋ, walahay Zudahay muguno ti moholoy misi t'ada aruŋ na i taŋ.

ZAKARI 14:3

Bumbulvuŋ a sa zla kiɗa mizli tayna, kaɓa angi hin naŋ makiɗ vu, kaɓa angi hin ngi vurum.

Slu cuw 7:23

Dambalaka Bumbulvuŋ Buymisemuŋ kumo a sa vulukum taŋ asi haŋ kum ngbaŋ. A sa jijikam kər kər ti zluwun, hã ki ngizlaka taŋ pay wãˀ.

ZOZUWE 10:11

A ra kilam a mbuŋ Israyele, a ndilam le ar zugudum ngi Bet-Horoŋ. Akẽh na, Bumbulvuŋ a hizigo yam madiɗahay ng'ar taŋ tik tik kaɓa ɗuguroy, hã ara ndilam di kanah a Azeka, mizli haɗi mumicama. Mizli mumucahay ti yam misi ka ɗugur na, taŋ haɗa fineˀ Israyeley mikiɗaka taŋ ti maslalama.

ZOZUWE 10:28

Kalla tapas nah vuna si na, Zozuwe a zuma walahay Makeda, a kiɗa buy ati mizli ngi raˀahaya gar, a ngizla taŋ kap ti maslalam, ko a pul mbur loŋ ti siifa ta. A gi ti buy Makeda, kaɓa naŋ migi ti buy Zeriko tuwa ma.

ZOZUWE 10:9

Zozuwe ati mizli naŋhaya, zle a Gilgala, a hinam kap ar li ru. A ra ndilaka soje Amorihey tuwa ti gurjik.

ZOZUWE 11:8

Bumbulvuŋ a vula taŋ asi haŋ ngi Israyeleye. Israyeley a kiɗaka taŋ, hã a sipaka taŋ sesẽŋ a Sidoŋ, walahay madiɗa, sesẽŋ a Misrefot-Mayim, waɗ sesẽŋ ar sozo ngi Mispe, kini tisi pas ngi mipriki. A ngizlaka taŋ kap kap ngi ga dudok da Bumbulvuŋ, ko a pulam mbur pal le ti siifa ta.

ZOZUWE 12:16

Makeda, Betel,

ZOZUWE 15:35

Yarmut, Adulam, Soko, Azeka,

ZOZUWE 15:41

Gederot, Bet-Dagoŋ, Naˀama ati Makeda, jom gar na, walahay madiɗahay kuruˀ nga merkeɗ waɗ prok taŋhaya wãˀ wãˀ ma.

ZOZUWE 16:3

Tisi pas ngi pastaˀa, maakway a jik jik kini ng'ar maakway ngi mizli Yaflehey, hã sesẽŋ a Bet-Horoŋ-muzugudum, yo sesẽŋ a Gezer, waɗ ara kiɗ mi a mi mubuliy.

ZOZUWE 16:5

Dideˀ ngi Efrayimeye, hirwuy mislaka taŋ di vur muyo vur muyo anihĩ: Tisi pas ngi miprike, maakway taŋ a zli zle avu walahay Atrot-Adar, hã sesẽŋ a Bet-Horoŋ vay Muŋ.

ZOZUWE 21:22

Kipsayim ati Bet-Heroŋ. Jom gar na, walahayay mufaɗ, waɗ pala ngi jigina ginew taŋhaya wãˀ wãˀ ma.

MIGI KIITAHAY 4:15

Akẽh na, Bumbulvuŋ a ga zluwun da Sizera ati mota ngi vurum naŋhay waɗ soje naŋhay a mbuŋ Baraka, a ngumaka taŋ ti maslalam. Sizera a pi sar tir mota ngi vurum naŋ, a kil ti sar.

MIGI KIITAHAY 4:16

Barak a gidiɗa mota ngi vurumoy ati sojeheye, hã sesẽŋ a Haroset-Goyim. A ngizlaka soje ngi Sizeraˀahaya gar ti maslalam, ko pal tekeɗe a ndir ta.

MIGI KIITAHAY 5:20

Wurzlaŋhay a kiɗam vu a dadala muŋ a diga, zle ar hay taŋhay a diga, a kiɗoko Sizera.

SAMUYEL MUDUMBUŊ NAŊ 13:18

Mucuw naŋ kini ngir ti Bet-Horoŋ, yo mimakir naŋ kini ngir ti maakway miɗingir misi a hirnga sozo ngi motokoyohoy, kini nga wuzlaɓuh mikirɗak kirɗaka.

SAMUYEL MUDUMBUŊ NAŊ 17:1

Filistihey a kusoko soje taŋhaya ɓa ngi gi vurum. A kusom a Soko, hirwuy Zuda, yo a pam sar ar wala ngi Soko ati Azeka a Efez-Damim.