ZOZUWE 10:1 - Bible en langue guiziga

¹ Akẽh na, Adoni-Sedek, buy madiɗa ngi Zeruzalem a cine na, Zozuwe a zuma hirwuy Aya le. A ngizla walahaya le cek wãˀ, a gi ti Aya le ati buy naŋ madiɗa kaɓa naŋ migi ti walahay Zeriko ati buy naŋ na ya. Yo ma na, mizli Gabaˀoŋhoy ati Israyeley, a slam ˀay kiri le ar wala taŋ, yo a cifam jom arleˀe vuna si.

ZOZUWE 10:1 Iomraidhean Croise

ZLI VIRZI 14:18

Melkisedek buy ngi Saleme, a so ti gwat ngi zum ati mbaazla. I masay a mbuŋ Bumbulvuŋ Mimadiɗa.

HEBEREY 7:1

Melkisedek nah na, i buy madiɗa ngi Salem, i masay ngi Buymisemuŋ Mimadiɗa. Ti Abraham mamawa tir vurum, a dirba naŋ mitika ˀay da buy madiɗahay na, Melkisedek a bi, ara ji di hirnga, dar a ɗuwulaŋ mi.

ZOZUWE 10:3

Adoni-Sedek buy ngi Zeruzalem tuwa, a slin ng'avu Hoham, buy Hebroŋ, Piram, buy Yarmut, Yafiya, buy Lakis, waɗ ng'avi Debir, buy Egloŋ, a ɓa taŋ na:

ZOZUWE 6:21

Gwat misi ar walahaya gar na, a ngizlaka taŋ kap kap ngi ga dudok da Bumbulvuŋ kap wãˀ, ziley ati ngwasay, gawlahay ati midigilahay, gusoŋhoy, tumuŋhoy waɗ zunguhoyo, a ngumaka taŋ ti maslalam kac kac njeleleŋ.

ZOZUWE 8:2

Ki sa gi ti walahay Ay ati buy ngi raˀa, kaɓa ka migi ti walahay Zeriko ati buy ngi raˀa na ya. Amma so na, zlili ati gineweye gar na, kisa hilaka taŋ da kum, kaɓa gwat ngi lum ngir vurum. Pi soje mipi hirihey sek ɗum ti duba walahaya.»

ZOZUWE 8:21

Zozuwe ati Israyeley gar mupuraka cunju ngi walahay mawur tuwa na, a sinaka le, sojehey mipam hiri tuwa, a tiɓaka walahaya le. Joˀ a moko vãh, a zlaka kiɗa mizli Ayaya.

ZOZUWE 9:3

Mizli Gabaˀoŋhoyo gwat Zozuwe miga a Zeriko waɗ a Ay na, taŋ a cinaka ɓi nah le.