ZOZUWE 1:9 - Bible en langue guiziga

⁹ Na yi ɓuw le ɗaˀ le: Mbur mbar, tum vu tam kini. Ko ki jijik ta, yo ki hĩhĩy ta so tuwaŋ. Asi mike na, li ka masa ru anga anga gar na, Bumbulvuŋ Buymisemuŋ ɗike, naŋ da ati ka.»

ZOZUWE 1:9 Iomraidhean Croise

ZLI VIRZI 28:15

Pura ɗi! Y'ada ati ka, i sa jiginuw ar li ka masa ru ara gar, i sa mo ti ka nga ruwuy hana, vur y'anta sa puluw fuk ta, hã ɓi ya muɓuw di na, i ga gbaˀ.»

ZLI VIRZI 39:2

Bumbulvuŋ naŋ da ati Zozefe, a ga gwata gar kasl kasl. A cifi a hay buy naŋ, mbur Ezipte vuna si.

ZLI VIRZI 39:3

Buy naŋ tuwa, a pura na, Bumbulvuŋ ara ga mezle da Zozefe. Gwat Zozef mira ga gar na, Buymisemuŋ a jinaŋ, ɓa a gi kasl kasla.

SAMUYEL MUCUW NAŊ 13:28

A dirba nah, Absalom a ɗuva mingiɓi da gawla naŋhaya, a ɓa taŋ: «Da Amnoŋ ara cin ndum tisi mbaazla muvõy võy na, yo da ya misa ɓukum le, kiɗaka Amnoŋ na, kisa kiɗaka vagay si, ko ki ra zluwunam ta. Muɗuvukum mingiɓi i ya ta kwa. Tusom mevel, yo bigaka, kum i mizli migidaŋ gidaŋhay.»

ƁI NGI HIN GAR MUDUMBUŊ NAŊ 28:20

Joˀ Davit a ɓa mangal naŋ Salomoŋ na: «Mangal ɗu, tum vu tum, yo cici zlak! Zla slra, ki zluwun ta, ki jijik ta! Asi Bumbulvuŋ Buymisemuŋ ɗu na, naŋ da ati ka. N'anta a sa puluw fuk ta, hã avu kiɗa mi ngi slra ngi hay ngi Bumbulvuŋ wãˀ.

ƁI NGI HINEY MUCUW NAŊ 15:7

Amma kumo, cicam gidaŋ gidaŋ, ki hĩhĩyam ta, asi kisa lumam migir asi slra kumo!»

DIMISEY 46:7

Sukwi ngi mizli ara bucam, buyoy ara jijikam ti ruwuy taŋhaya taˀ taˀ wãˀ. Amma Buymisemuŋ a buc ɓar na, joˀ hirwuy a luwuslu.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

EZAYI 43:1

Wurenna, kum mizli ngi Zakopoy, kum Israyeley, ya Bumbulvuŋ mugukum, ya mbur mundurukumo, i ɓukum na: «Ki zluwunam ta, asi yi mbuɗo hirnga kumo le, i zulukum le daɗ daɗ ti slimiɗ kum, kum inga yahay.

EZAYI 43:5

Ko ki zluwunam ta, asi y'ada avu kumo. I sa mo ti dideˀ kumoyo zle tisi pas ngi miprike, i sa kuso hirnga kumo zle tisi pas ngi pastaˀa.

EZAYI 8:12

«Mizli tayna mazilam gwat gar ‹gidiɓi, gidiɓi› na, kumo ki zilaka taŋ ‹gidiɓi› ta. Gwat taŋ mazluwunam di na, kumo ki mam murdirba vurˀe ta, ki zluwunam di kər kər ta.»

DANIYEL 10:19

Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.›

Ɗerewol AZE 2:4

Ani wurenna so na, ya Bumbulvuŋ i ɓuw ka Zorobabel, mangal ngi Seyaltiyel, buy miwi hirwuy Zuda, yo ka Yesuwa, mangal ngi Yosadak, masay madiɗa, waɗ kum is ngi mizli gara, tumom vu. Ya Bumbulvuŋ misi gidaŋ wãˀa, i ɓukum, slikiɗam, gam slra! Asi mike na, ya Bumbulvuŋ misi gidaŋ wãˀ i ɓukum, y'ada ati kumo.

Ɗerewol AZE 2:5

Asi ti kum muboko ti ruwuy Ezipte na, i juwa le kaˀ kaˀ a mevel ɗu, yo ˀUf ɗu naŋ da ati kumo, ko ki zluwunam neˀ le ta.

SLRA 4:19

Amma Piyer ati Zaŋ a mbiɗaka taŋ di: «Mikaslsla a mbuŋ Buymisemuŋ i wanaka? I cinami da kum kwa, malla da naŋ? Avu kum maslaka wala nah so.

Slu cuw 1:21

I hirwuy, Bumbulvuŋ Buymisemuŋ kum, mavulukum di, n'ani. A ram, ara tiɓaka, kaɓa Bumbulvuŋ, Buymisemuŋ ngi dideˀ kumoy miɓa ɗaˀ le zleˀe tuwa. Ki zluwunam ta, mburom mbor!»

Slu cuw 20:1

Da ki ra bam nga gi vurum ati mesene kumoy, da ki puram misi pilisey le, mota ngi vurumoy, sojehey le haɗi fineˀ ngi kumoyo na, ki zluwunam ti taŋ ta, asi Bumbulvuŋ Buymisemuŋ kumo mubo ti kum ti ruwuy Ezipte na, naŋ da ati kum.

Slu cuw 31:23

A dirba nah, Bumbulvuŋ a ɓa ɓi nah da Zozuwe mangal ngi Nun, a ɓaŋ: «Mbur mbar, cici zlak gidaŋ gidaŋ, asi hirwuy ya miɓa ti hudum, i sa vula da Israyeley tuwa na, masa ci ti taŋ ng'ara i ka, ya kwana, y'ada ati ka.»

Slu cuw 31:28

Wurenna, cikiloko mizli micawwa ati buyɓi ngi wuzla kumoyo cek nga mbuŋ ɗu aka, i sa slufa taŋ mingiɓi ngi dimis hana ti gidaŋ, birngiŋ ati hirwuyo, a sa gaka sedewo naŋ.

ZOZUWE 1:10

Akẽh na, Zozuwe a ɓa buyɓi ngi wuzla mizli ɗaˀ:

ZOZUWE 1:17

I sa cunukuw mi ar gwat gar kaɓa ndra micinaka mi da Moyis na ya. Haˀaw, Bumbulvuŋ Buymisemuŋ ɗike, naŋ da ati ka kaɓa naŋ misi ati Moyis zleˀe na ya.

ZOZUWE 1:18

Mbur masa slikiɗ ɓi ar ɓi ka miɓa ɗaˀ le, yo masa cinuw mi ta ar ɓi ka muɗuva ndra di le gar na, a sa kiɗaka buy naŋ vagay. Haˀaw, naŋ kine, sey ki mbur mbar, yo tum vu tam.»

ZOZUWE 10:25

Joˀ Zozuwe a ɓa madiɗa ngi sojeheye: «Ko ki zluwunam ta, yo ki pulaka vu kumo da hĩhĩy ta. Cicam gidaŋ gidaŋ, yo mburom mbor. Mesene kumoy gar, kum masa kiɗam vu ati taŋ na, Bumbulvuŋ a sa gi ti taŋ ka misenna vuna ya.»

ZOZUWE 10:8

Bumbulvuŋ a ɓa Zozuwe na: «Anja ki zluwun ta, asi yi vuluw taŋ le asi haŋ ɗik si. A wuzla taŋ na, ko mbur pal masa cici zlak gu a mbuŋ ɗike anta.»

ZOZUWE 3:7

Bumbulvuŋ a ɓa Zozuwe: «Dana na, i sa tiri ti ka madiɗa a hirnga Israyeley gar, ɓa a sinaka, yi sa ndir ati ka kaɓa ya misi zleˀe ati Moyis na ya.

ZOZUWE 6:27

Bumbulvuŋ a ndir ati Zozuwe, hã slimiɗ naŋ a zil zlar asi ruwuy gar.

ZOZUWE 8:1

Bumbulvuŋ a ɓa Zozuwe na: «Ko ki zluwun ta, yo ko ki pula vu ɗike da hĩhĩy ta. Slikiɗi, hila mizli ɗik ngi vurumoyo gar, ara gi vurum ati hirwuy Aya. Ani buy madiɗa ngi Aya, mizli naŋhaya waɗ walahay naŋ ati hirwuy naŋ cek gar na, i vula le asi haŋ ɗiki.

MIGI KIITAHAY 6:14

Bumbulvuŋ a mbiɗi hiri ng'avi Zedeyoŋ, a ɓaŋ: «Gidaŋ ka misi ti naŋ na, ara loho di Israyeley avu Madiyanaya! Haˀaw, i ya maslinuw!»

SAMUYEL MUDUMBUŊ NAŊ 10:7

Daka misa pura le gwat tayna gar ara gam avu ka na, gwat ka masa luuma ngi gi gar na, gaŋ, asi Bumbulvuŋ naŋ da ati ka.