ZOZUWE 1:8 - Bible en langue guiziga

⁸ Ɗerewol ngi ɓimujuwa hana, kisa ndir di teˀ a mevel ɗiki, ngek avu mi, duvuɗ ati papas gar, ɓa gwat gar na, kisa gakasl kasl kaɓa mutohoko ɓi naŋ ara na. Naɓa gwat ka mawuɗ gi naŋ gar na, kisa ga kuy kuy, yo kisa ga gu ma kini.

ZOZUWE 1:8 Iomraidhean Croise

ZLI VIRZI 24:63

yo gweˀ ng'avi hiikuɗ na, a bi ti liˀi nga duba gala. A zuɓa hiri, keɗ na, zlogomohoy ara ndiloko.

ƁI NGI HINEY MUCUW NAŊ 26:5

Ti Zakari misi ar siifa na, ara dubuna zluwun ti Buymisemuŋ da Oziyasa, yo Oziyas vuna kwana ara sipa Buymisemuŋ. Ti Oziyas miteŋteŋ avu Bumbulvuŋ na, Buymisemuŋ a ga ɓa gwat naŋ maga gar na, a gi kasl kasla.

DIMISEY 119:11

Ɓi ka miɓa le na, i ra ja a mevel ɗu vur ya magi mungra avu ka.

DIMISEY 119:15

I ra wuluk ar ɓi ka mawuɗo, yo jiviɗ ka mikiy di na, i ra singila kuy kuy.

DIMISEY 119:97

Kay, ɓimuɗuva ɗik na, i wuɗ haɗa, i ra wuluk ara vur hin gar.

DIMISEY 119:99

Yi dubun le fineˀ metir ɗuwoyo, asi i ra wuluk ar ɓimuɗuva ɗike.

DIMISEY 40:10

I til mi le ti ɓi mijeŋŋe ɗik a wuzla zigiduw haɗa. Ĩˀĩ, y'anta taˀa mi ta. Bumbulvuŋ ɗu ki si na le!

MIKUCUWULOY 3:1

Mangal ɗu, gwat ya madubunuw di na, ki puyuk di hirnga ta, ɓi ya maɓuw taŋ ɗaˀ ɗaˀ le na, ja taŋ a mevel ɗike.

EZAYI 59:21

Ya Bumbulvuŋ i ɓi ma: «Jumoˀay ɗu, ya masa jumo ati mizli, n'ani: ˀUf ɗu misi ar kum, ati mingiɓi ɗu, ya mica a balam kum na, anta sa kirih kirah le ti balam kumo ta, ko ti balam dideˀ kumoy, ko ti balam dideˀ kum mukuturtikuturoy kwana, anta sa kirih kirah le ta ma, zle wurenna hã ngi sete.» I ya Bumbulvuŋ maɓa.

Matiye 12:35

Mbur mezle a bo ti gwat mezle tir mevele mezle, mbur malambaˀ kwana, a bo ti gwat malambaˀ tir mevele malambaˀ aya.

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

Matiye 7:21

«Mizli gar maɓikiy: ‹Buy, Buy› tewle na, masa cam ar Zumabuy misi a muŋ, i taŋ ta, amma sey mizli magam gwat Baha misi a muŋ mawuɗo.

Matiye 7:24

«Naŋ kine, mbur gar macin mingiɓi ɗu, yo maga gwat ya maɓa hana na, a bam vu ati mbur misi lesl mindira hay naŋ ar mandazlay muwã.

Ɓimezle ngi Yesu Kristu LUK mitil di mi 11:28

Amma Yesu a ɓaŋ: «Mizli macinam mingiɓi ngi Buymisemuŋ, majaka a hirnga na, mamumulom i taŋ jaka!»

Ɓimezle ngi Yesu Kristu ZAŊ mitil di mi 13:17

Da ki sinaka hana le, yo da ki ra gaka so na, kisa mumulom!

Ɓimezle ngi Yesu Kristu ZAŊ mitil di mi 14:21

«Ɓimuɗuva ɗuwoyo, mbur maja taŋ a hirnga, yo masipa taŋ na, naɓa i mbur muwuɗ ɗu. Mbur muwuɗ ɗu vuna, Baha a sa wuɗaŋ, yo ya kwana, yi sa wuɗaŋ, yi sa bigaŋ vu.»

EFESEY 4:29

Anja ko ɓi malambaˀ pal a bo ti balam kumo ta. Da ki wuɗam ɓi ɓi le na, sey ɓi mezle, ɓa a jina mizli micin naŋhaya gu, yo a ga taŋ mezle.

Slu cuw 29:8

Vurˀe, kisa jaka mingiɓi ngi jumoˀay hana a hirnga, yo ki gam taŋ slra, naɓa gwat kum masa gaka gar na, a gi kasl kasl.

Slu cuw 29:9

Moyis a ɓi: Kum ani cek dana a mbuŋ Bumbulvuŋ Buymisemuŋ kumo aka ati buy kumoy, mizli micawwa kumoy, buyɓi kumoy, kum Israyeley cek ceke,

Slu cuw 30:14

Haˀaw, mingiɓi ngi Bumbulvuŋ hana, naŋ da gweˀ avu kum, naŋ da a balam kumo, naŋ da a mevel kumo, ɓa ki gam di slra.

Slu cuw 31:11

ti Israyeley masa soko gar nga mbuŋ Bumbulvuŋ na, kisa slufaka ɓimuɗuva hana ti gidaŋ a mbuŋ taŋ gar, ɓa a cinam.

Slu cuw 31:24

A dirba Moyis mikiɗa mi ngi toho mingiɓi ngir ɓimujuwa tuwa cek ng'ar ɗerewolo na,

Slu cuw 5:1

Moyis a zila Israyeley gar, a ɓa taŋ na: «Israyeley, cinaka ɓimujuwa ati sirikey ya mawuɗ i ɓukum di dana. Ki sa dubunaka taŋ, yo ki kam slimiɗ kuy kuy ar taŋ, ɓa ki gam taŋ slra.

Slu cuw 5:29

Da a juwam vu le ngi caˀa, ɓa a zluwunam ti ya, ɓa a jaka ɓimuɗuva ɗuwoy a hirnga na, naɓa taŋ ati ziri taŋhay a sa ndiram ar wuya hã ngi sete!

Slu cuw 5:32

Moyis a ɓa Israyeley ava ma: Tumom vu ngi gi gwatay Bumbulvuŋ Buymisemuŋ kumo muɗuvukum ɓi nah na, ki ngizlam ava ta, ti hazum ta, ti gula ta.

KOLOSOY 3:16

Anja Mingiɓi ngi Kristu a cifi ti gidaŋ haɗa a mevel kumo. Dubunam gwat, yo ɓam ɗaˀ ɗaˀ le ar wala kumo ti sinmijileŋ miwãˀ naŋ. Zlam dimis ngi ga sise da Buymisemuŋ ti mevel purla, hunumakaŋ ti dimis ngi Bumbulvuŋ, ti dimis maɓi ɓi ngi ˀUf Mipal mavula.

ZOZUWE 1:7

Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

ZOZUWE 8:34

A dirba nah na, Zozuwe a slufa ɓimujuwa gar, ɓi ngi ɗuwula mihey ati ɓi ngi nisey, kaɓa mutohoko ɓi nah cek ar ɗerewol ngi ɓimujuwa.

ƁIMUNJUYO 22:14

Mizli mabunaka jibe taŋhay ɓa a lumam jiviɗ ngi zuma yi ngi widis ngi siifa, yo ɓa a cam tir mizlingreheye ng'ar walahay madiɗa na, taŋ ar wuya.