ZOZUWE 1:7 - Bible en langue guiziga

⁷ Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

ZOZUWE 1:7 Iomraidhean Croise

BUYOY MUDUMBUŊ NAŊ 2:2

«Ani yi sa cuh le gweˀe, kaɓa gwat ngi ruwuy gar macuhu. Na so na, cici gidaŋ gidaŋ, gi solok ka zil!

BUYOY MUDUMBUŊ NAŊ 2:3

Bumbulvuŋ Buymisemuŋ ɗike, sipa jiviɗ naŋ. Ɓimujuwa naŋhay, ɓimuɗuva naŋhay, sirik naŋhay ati gwat naŋ mawuɗ cummo, kaɓa mutoho taŋ ar ɓimujuwa ngi Moyis gar na, sipa taŋ. Kanah na, naɓa gwat ka muwuɗ le, ɓa ki ga gar na, kisa ga gu.

BUYOY MUCUW NAŊ 22:2

Zoziyasa, a gi i gwat mikaslsla a mihiri ngi Bumbulvuŋ. A sipa jiviɗe heˀ ka ngi dideˀ naŋ Daviti, ko a ngizli avu gwat ngi gi naŋ neˀ le ta.

ƁI NGI HIN GAR MUDUMBUŊ NAŊ 22:13

Ɓiɓi micica ati ɓimuɗuva Buymisemuŋ muvula da Israyeley ti haŋ Moyise, da ki ra ja taŋ a hirnga, ki ra gi taŋ slra na, kisa ga gwat gar gu. Cici zlak, tum vu tum. Hiri ngbay, ki zluwun ta.

ƁI NGI HINEY MUCUW NAŊ 15:7

Amma kumo, cicam gidaŋ gidaŋ, ki hĩhĩyam ta, asi kisa lumam migir asi slra kumo!»

ƁI NGI HINEY MUCUW NAŊ 26:5

Ti Zakari misi ar siifa na, ara dubuna zluwun ti Buymisemuŋ da Oziyasa, yo Oziyas vuna kwana ara sipa Buymisemuŋ. Ti Oziyas miteŋteŋ avu Bumbulvuŋ na, Buymisemuŋ a ga ɓa gwat naŋ maga gar na, a gi kasl kasla.

Ɗerewol JOP 1:8

Dar Bumbulvuŋ a cufuɗaŋ: «Ki pura gawla ɗu Jop na le kwa? Ko mbur ngi wi ti naŋ anta asi ruwuyo ta. I mbur mikaslsla, miteŋteŋ, a zluwun ti ya Buymisemuŋ, yo a kirih kileŋ avu gwat malambaˀa.»

DIMISEY 80:19

Naɓa ndr'anta i sa baˀam avu ka mata. Ki sa pula ndra ti siifa, i sa zilukuw slimiɗe.

MIKUCUWULOY 4:27

Anja ki ngizli avu jiviɗ ɗike, ti hazum ta, ti gula ta, kirih kileŋ avu gi malambaˀa.

MIKUCUWULOY 8:20

Yi zuɓ di i jiviɗ maru ng'ar ɓi mijeŋŋe, ya ar jiviɗ maru ng'ar ɓi mikaslsla.

DANIYEL 10:19

Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.›

SLUFA VU 27:23

A paŋ haŋ a hirnga, a vulaŋ slra nga naŋ, naŋ maga zleˀe, kaɓa Bumbulvuŋ muɗuva ɓi nah tuwa.

Slu cuw 11:8

Na, gam slra ti ɓimuɗuvahay gar, ya mavulukum taŋ dana na so. Naɓa kisa lumam gidaŋ ngi tiɓa hirwuy kumo masa cam ng'ara na,

Slu cuw 28:14

Ko ki ngizlam neˀ le avu jiviɗ ya mabugukum di dana ani na ta, ko ti hazum, ko ti gula, ko ki sipam kulihey ɓa ki huruk hurukam a mbuŋ taŋ ta.

Slu cuw 29:8

Vurˀe, kisa jaka mingiɓi ngi jumoˀay hana a hirnga, yo ki gam taŋ slra, naɓa gwat kum masa gaka gar na, a gi kasl kasl.

Slu cuw 29:9

Moyis a ɓi: Kum ani cek dana a mbuŋ Bumbulvuŋ Buymisemuŋ kumo aka ati buy kumoy, mizli micawwa kumoy, buyɓi kumoy, kum Israyeley cek ceke,

Slu cuw 31:7

Akẽh na, Moyis a zila Zozuwe a mbuŋ Israyele gar, a ɓaŋ: «Tum vu tam, cici zlak gidaŋ gidaŋ. Hirwuy Bumbulvuŋ miɓi ti hudum a sa vula da dideˀ kumoy tuwa na, masa ci ti taŋ ng'ara i ka. Masa wunka taŋ di i ka.

Slu cuw 4:2

Ɓimuɗuva ngi Bumbulvuŋ Buymisemuŋ kum, ya muvulukum di na, ki cam ɓi mekelem ng'ara ta, yo ki zuɓam avra ta ma, amma gam di slra kuy kuy.

Slu cuw 5:32

Moyis a ɓa Israyeley ava ma: Tumom vu ngi gi gwatay Bumbulvuŋ Buymisemuŋ kumo muɗuvukum ɓi nah na, ki ngizlam ava ta, ti hazum ta, ti gula ta.

ZOZUWE 1:1

Moyis, gawla ngi Bumbulvuŋ a muc le. A dirba nah na, Zozuwe, mangal ngi Nun, gawla ngi Moyise, Bumbulvuŋ a ɓaŋ na:

ZOZUWE 1:8

Ɗerewol ngi ɓimujuwa hana, kisa ndir di teˀ a mevel ɗiki, ngek avu mi, duvuɗ ati papas gar, ɓa gwat gar na, kisa gakasl kasl kaɓa mutohoko ɓi naŋ ara na. Naɓa gwat ka mawuɗ gi naŋ gar na, kisa ga kuy kuy, yo kisa ga gu ma kini.

ZOZUWE 1:9

Na yi ɓuw le ɗaˀ le: Mbur mbar, tum vu tam kini. Ko ki jijik ta, yo ki hĩhĩy ta so tuwaŋ. Asi mike na, li ka masa ru anga anga gar na, Bumbulvuŋ Buymisemuŋ ɗike, naŋ da ati ka.»

ZOZUWE 11:15

Gwat tayna gar a gam na, asi Bumbulvuŋ miɓa ɗaˀ le da gawla naŋ Moyis, yo Moyis kwana miɓa ɗaˀ le da Zozuwe, Zozuwe a sipa le kasl kasl. Ɓi Bumbulvuŋ muɗuva da Moyis gar na, ko Zozuwe a hizig purla le avra ta.

ZOZUWE 23:6

Na so na, ɓi mutoho misi angi ɓimujuwa ngi Moyis gar na, kam slimiɗ kuy kuy angaŋ, cicam gidaŋ gidaŋ. Ko ki ra gam ngaˀa sloh ngir ti ka, sloh ngir ti ka ta.