ZOZUWE 1:6 - Bible en langue guiziga

⁶ Mbur mbar, tum vu tam, asi hirwuy ya miɓa ɓi naŋ ti hudum da dideˀ taŋhay, yi sa vula taŋ di tuwa na, masa vula da mizli hanayna i kaha.

ZOZUWE 1:6 Iomraidhean Croise

ZLI VIRZI 12:7

Bumbulvuŋ a bugo vu da Abrama, a ɓaŋ: «I sa vula hirwuy hana da dideˀ ɗikey.» Abram a ɗiyi li gi mikuli da Buymisemuŋ mubugaŋ vu tuwa.

ZLI VIRZI 26:3

Ka zik angi hirwuy misenna. I sa ndir ati ka, yo yi sa ɗuwuluw mi. Naŋ kine, i sa vula hirwuy hana cek da ka ati dideˀ ɗikey. Ɓi ya miɓa ɗaˀ le zleˀeˀ da bunuk Abraham na, i sa ga gbaˀa.

SAMUYEL MUCUW NAŊ 10:12

Cici gidaŋ gidaŋ, yo bugukum di ndr'i gambarahay da mizli ndrahay waɗ da walahay ngi Bumbulvuŋ ndraˀahaya, yo anja Buymisemuŋ a gi gwat maciraŋ hiri.»

BUYOY MUDUMBUŊ NAŊ 2:2

«Ani yi sa cuh le gweˀe, kaɓa gwat ngi ruwuy gar macuhu. Na so na, cici gidaŋ gidaŋ, gi solok ka zil!

ƁI NGI HIN GAR MUDUMBUŊ NAŊ 22:13

Ɓiɓi micica ati ɓimuɗuva Buymisemuŋ muvula da Israyeley ti haŋ Moyise, da ki ra ja taŋ a hirnga, ki ra gi taŋ slra na, kisa ga gwat gar gu. Cici zlak, tum vu tum. Hiri ngbay, ki zluwun ta.

ƁI NGI HIN GAR MUDUMBUŊ NAŊ 28:10

Pura wurenna, Bumbulvuŋ a wunuˀw le ɓa ki ndiraŋ hay, ɓa a tiri li nga naŋ, cici zlak, yo gi slra.»

ƁI NGI HIN GAR MUDUMBUŊ NAŊ 28:20

Joˀ Davit a ɓa mangal naŋ Salomoŋ na: «Mangal ɗu, tum vu tum, yo cici zlak! Zla slra, ki zluwun ta, ki jijik ta! Asi Bumbulvuŋ Buymisemuŋ ɗu na, naŋ da ati ka. N'anta a sa puluw fuk ta, hã avu kiɗa mi ngi slra ngi hay ngi Bumbulvuŋ wãˀ.

ƁI NGI HINEY MUCUW NAŊ 15:7

Amma kumo, cicam gidaŋ gidaŋ, ki hĩhĩyam ta, asi kisa lumam migir asi slra kumo!»

ƁI NGI HINEY MUCUW NAŊ 20:11

Pura mizli tayna ɗi, ar deɗe ngi wuruk ndra na, a wuɗam ɓul ndra tir hirwuy ka muvula ndra di na!

ƁI NGI HINEY MUCUW NAŊ 20:7

Buymisemuŋ ndra muɓula mizli ngi si ruwuy hana avra a mbuŋ Israyele mizli ɗikey, yo muvula hirwuyo wãˀ da dideˀ ngi ngama ɗik Abrahamay na, i ka takwa?

DIMISEY 27:14

Njih hiri njah asi Bumbulvuŋ, cici zlak, yo tum vu tum, njih hiri njah asi Bumbulvuŋ.

DANIYEL 10:19

Joˀ a ɓiy: ‹Ki zluwun ta, ka mbur Buymisemuŋ mahĩyuw haɗa! Anja ki ndir zuy zuy. Tum vu! Cici gidaŋ gidaŋ!› Ti naŋ maɓiy kanah na, i lum gidaŋ, i ɓaŋ: ‹Ka ɓiy so kumani, asi ki vuliy gidaŋ le.›

Ɗerewol AZE 2:4

Ani wurenna so na, ya Bumbulvuŋ i ɓuw ka Zorobabel, mangal ngi Seyaltiyel, buy miwi hirwuy Zuda, yo ka Yesuwa, mangal ngi Yosadak, masay madiɗa, waɗ kum is ngi mizli gara, tumom vu. Ya Bumbulvuŋ misi gidaŋ wãˀa, i ɓukum, slikiɗam, gam slra! Asi mike na, ya Bumbulvuŋ misi gidaŋ wãˀ i ɓukum, y'ada ati kumo.

ZAKARI 8:9

Ya Bumbulvuŋ misi gidaŋ wãˀa, i ɓi na: Cicam gidaŋ gidaŋ, kum mizli macinaka mingiɓi, mijiviɗey miɓaka angi hin hana maɗuvam di virzi ngi hay nga ya Bumbulvuŋ, ɓa ngi ndira hay ngi diradibiɗ da ya.

SLUFA VU 26:53

«Wunuka hirwuy da sukwiheye, weˀe avu taˀ ngi mizli ngi mizli.

SLUFA VU 33:53

Ki sa tiɓaka hirwuy taŋ da kum, joˀ ki pam ara. Asi i vula hirwuy nah le da kum, i ngi kum!

KORENTIHEY MUDUMBUŊ 16:13

Ki hinjam ta, cicam zlak gidaŋ gidaŋ ar tiɓi. Gam zil zil, gam gidaŋ gidaŋ.

EFESEY 6:10

Wurenna, mindir na, juwam vu gidaŋ gidaŋ ar kum mujom ati Bumbulvuŋ, gam solok ti gidaŋ naŋ mihaɗi na.

Slu cuw 1:21

I hirwuy, Bumbulvuŋ Buymisemuŋ kum, mavulukum di, n'ani. A ram, ara tiɓaka, kaɓa Bumbulvuŋ, Buymisemuŋ ngi dideˀ kumoy miɓa ɗaˀ le zleˀe tuwa. Ki zluwunam ta, mburom mbor!»

Slu cuw 1:8

Puraka, yi vulukum hirwuy nah le. A ram, ara pam araŋ, i hirwuy ya Bumbulvuŋ miɓa ɗaˀ le da dideˀ kumoy, Abraham, Izak waɗ Zakop ati ziri taŋhay nga mbuŋ tuwa.»

Slu cuw 11:8

Na, gam slra ti ɓimuɗuvahay gar, ya mavulukum taŋ dana na so. Naɓa kisa lumam gidaŋ ngi tiɓa hirwuy kumo masa cam ng'ara na,

Slu cuw 31:23

A dirba nah, Bumbulvuŋ a ɓa ɓi nah da Zozuwe mangal ngi Nun, a ɓaŋ: «Mbur mbar, cici zlak gidaŋ gidaŋ, asi hirwuy ya miɓa ti hudum, i sa vula da Israyeley tuwa na, masa ci ti taŋ ng'ara i ka, ya kwana, y'ada ati ka.»

TIMOTE MUCUW NAŊ 2:1

Ka so na, mangal ɗu, anja ki lum gidaŋ ti gimezle Buymisemuŋ miga ndra di tisi Yesu Kristu na.

ZOZUWE 1:18

Mbur masa slikiɗ ɓi ar ɓi ka miɓa ɗaˀ le, yo masa cinuw mi ta ar ɓi ka muɗuva ndra di le gar na, a sa kiɗaka buy naŋ vagay. Haˀaw, naŋ kine, sey ki mbur mbar, yo tum vu tam.»

ZOZUWE 1:7

Naŋ kanah, sey ki mbur mbar, tum vu tam. Ɓimujuwa, gawla ɗu Moyis muɓuw di ɗaˀ le gar na, ki slimiɗ ar taŋ cineˀe, ko ki ngizli ava ta ndiɗaˀ. Naɓa ko da ka amaka gar na, gwat ka mawuɗ gi naŋ gara, ki ga gu.

ZOZUWE 1:9

Na yi ɓuw le ɗaˀ le: Mbur mbar, tum vu tam kini. Ko ki jijik ta, yo ki hĩhĩy ta so tuwaŋ. Asi mike na, li ka masa ru anga anga gar na, Bumbulvuŋ Buymisemuŋ ɗike, naŋ da ati ka.»

ZOZUWE 10:25

Joˀ Zozuwe a ɓa madiɗa ngi sojeheye: «Ko ki zluwunam ta, yo ki pulaka vu kumo da hĩhĩy ta. Cicam gidaŋ gidaŋ, yo mburom mbor. Mesene kumoy gar, kum masa kiɗam vu ati taŋ na, Bumbulvuŋ a sa gi ti taŋ ka misenna vuna ya.»

ZOZUWE 13:6

Mizli ngi hirwuy vay muwãhay gar, zle a Libaŋ, hã sesẽŋ a Misrefot-Mayim, hirwuy ngi mizli Sidoŋhoy gar. I ya vuna masa tiɓa taŋ ti haŋ ɗu a mbuŋ Israyele. Mindir ngi ɗike, sey i wuɗuk naŋ da Israyeley ti gi ceregezleŋ tewle, kaɓa ya muɓuw di ɗaˀ le tuwa.

ZOZUWE 18:3

Dar Zozuwe a ɓa Israyeleye: «Bumbulvuŋ, Buymisemuŋ ngi dideˀ kumoyo a vulukum hirwuy hana le da kum. Ki pam anga t'aruŋ hã dana, ki kutukom mi ɗagay ka?

ZOZUWE 21:43

Hirwuy Bumbulvuŋ muhudum, a sa vula da Israyeley tuwa na, a vula taŋ di le gar muduba. Taŋ a tiɓaka le, a pam le anga.

ZOZUWE 5:6

Asi mike na, Israyeley a gam a wuzlaɓuh mikirɗa kirɗaka, vi kukur mufaɗ ar li ru. Hã mizli muboko ti Ezipte, mindilaka vi ngi gi vurum le gar na, a micam cek, asi taŋ micinaka mi da Bumbulvuŋ ta. Mbak hã Bumbulvuŋ a hudum. Hirwuy maɓul ɗuwa ati mam, naŋ miɓa ti hudum da dideˀ taŋhay, ɓa a sa vula ndra di na, ko a pula taŋ ɓa a zãˀãka ta.

SAMUYEL MUDUMBUŊ NAŊ 4:9

Filistihey, a kum, i zluwunam ta, gukum zil, da i murom tak ta na, i tiram beke ngi Heberey, kaɓa taŋ mitiram beke ndrahay zleˀe na ya. Gukum zil, kiɗukum taŋ.