ZOZUWE 1:5 - Bible en langue guiziga

⁵ Angi hin ngi siifa ɗik gar na, ko mbur macici gu a mbuŋ ɗik anta wãˀ. I sa ndir ati kakaɓa ya mindir zleˀe ati Moyis na ya. Ko y'anta sa puluw fuk ta, yo y'anta sa hiziguw avra ta.

ZOZUWE 1:5 Iomraidhean Croise

ZLI VIRZI 39:2

Bumbulvuŋ naŋ da ati Zozefe, a ga gwata gar kasl kasl. A cifi a hay buy naŋ, mbur Ezipte vuna si.

BUYOY MUDUMBUŊ NAŊ 1:37

Anja Bumbulvuŋ a gi ti Salomoŋ, kaɓa naŋ migi ti ka zleˀe na ya, yo anja a tiri ti zumabuy ngi Salomoŋ madiɗa fineˀ ngi ɗik ka kumani ɗu Davite.»

BUYOY MUDUMBUŊ NAŊ 11:38

Ɓi ya maɗuvuw di gar na, da ki ra cinaŋ, da ki ra sipa jiviɗ ɗu, da ki ra gi gwat kaslsla avu ya, ɓimuɗuva ɗuwoy ati ɓimujuwa ɗuwoyo da ki ra ja taŋ a hirnga kaɓa gawla ɗu Davit zleˀe na, naɓa yi sa ndir ati ka, yi sa ga ɓa gidaŋ ngi zumabuy a ndir caˀa a hay ɗike, kaɓa ya miga da Davit na ya, yo yi sa vuluw sukwi ngi Israyel mukuruˀo.

BUYOY MUDUMBUŊ NAŊ 6:13

I sa cifi ar hay misenna a wuzla Israyeleye, yo Israyel mizli ɗuwoyo y'anta sa pula taŋ fuk lambaˀ ta wãˀ.»

BUYOY MUDUMBUŊ NAŊ 8:57

Wurenna so na, i ra cufuɗa Bumbulvuŋ Buymisemuŋ ndra, ɓa a ndir ati ndra kaɓa naŋ mindir zleˀe ati dideˀ ndrahay na ya. Anja a pula ndra ta, yo anja a zliɗa ndra avra ta.

ƁI NGI HIN GAR MUDUMBUŊ NAŊ 28:20

Joˀ Davit a ɓa mangal naŋ Salomoŋ na: «Mangal ɗu, tum vu tum, yo cici zlak! Zla slra, ki zluwun ta, ki jijik ta! Asi Bumbulvuŋ Buymisemuŋ ɗu na, naŋ da ati ka. N'anta a sa puluw fuk ta, hã avu kiɗa mi ngi slra ngi hay ngi Bumbulvuŋ wãˀ.

DIMISEY 46:11

Buymisemuŋ a ɓi: «Pulaka gi vurumo! Yo sinaka sin le, yi Buymisemuŋ! I wa mizli le, i wa hirwuyo le.»

BI NGI ISRAYELEY 3:12

Buymisemuŋ a mbiɗaŋ di: «Y'ada ati ka, yo gwat masa biga i ya mislinuw na, anihĩ: Da ki bo ti Israyeleye le ti hirwuy Ezipte na, kisa huruk hurukam a mbuŋ ɗu, ya Buymisemuŋ a muwã hana.»

EZAYI 42:16

I sa ga ɓa dangaray a ram tir jiviɗ taŋ misinaka ta, ɓa a cohom tir jiviɗ misler sler taŋ misina ka ta Li luvuŋ ngi mbuŋ taŋ, i sa tiri di li minjahha, jiviɗ muguduɗoŋ guduɗoŋhoyo, i sa cica taŋ cir cir. Gwat ngi gi hanayna, i sa ga taŋ cummo, ko y'anta sa pula taŋ manja gi ta.

ZEREMI 1:8

Ki zluwun ti mbur ko loŋ ta, y'ada ati ka, i sa lihuw. I ya Bumbulvuŋ maɓi.»

DANIYEL 11:16

Mbur muso le ngi zlir didak ati naŋ na, a sa gi di kaɓa wuɗ naŋ. Mbur masa cici a mbuŋ naŋ gu ko pal anta. A sa cici deŋ a ruwuy mimezle haɗi, gwat ngi ngizla vu kaw a haŋ.

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

ROMAHAY 8:31

Ani, i ɓam mbri aruŋ maka? Da Buymisemuŋ i ngi ndra na, magi mesene ti ndra gu, i waka?

ROMAHAY 8:37

Amma angi nah gar na, i lumam bugawla le wãˀ tisi mbur muwuɗ ndra na.

Slu cuw 20:1

Da ki ra bam nga gi vurum ati mesene kumoy, da ki puram misi pilisey le, mota ngi vurumoy, sojehey le haɗi fineˀ ngi kumoyo na, ki zluwunam ti taŋ ta, asi Bumbulvuŋ Buymisemuŋ kumo mubo ti kum ti ruwuy Ezipte na, naŋ da ati kum.

Slu cuw 20:4

Asi Bumbulvuŋ Buymisemuŋ kumo a ro ɓaˀ asi kum, ɓa ki kiɗaka mesene kumoyo bummoˀ, ɓa ki lumam bugawla».

Slu cuw 31:23

A dirba nah, Bumbulvuŋ a ɓa ɓi nah da Zozuwe mangal ngi Nun, a ɓaŋ: «Mbur mbar, cici zlak gidaŋ gidaŋ, asi hirwuy ya miɓa ti hudum, i sa vula da Israyeley tuwa na, masa ci ti taŋ ng'ara i ka, ya kwana, y'ada ati ka.»

Slu cuw 4:31

Asi Bumbulvuŋ Buymisemuŋ kumo, Buymisemuŋ mapur ircece haɗi, anta sa pulukum fuk ta, anta sa ngizlukum pay ta, naŋ anta sa puyuk hirnga ti jumoˀay, naŋ mujumo ati dideˀ kumoy na ta.

Slu cuw 7:24

A sa vulukum buy madiɗa taŋhay asi haŋ kum, kisa susuyumoko slimiɗ taŋ wãˀ asi ruwuyo. Ko mbur masa ndir ti siifa a mbuŋ kum anta. Ki sa susuyumoko taŋ pay.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

HEBEREY 13:5

Angi gwat ngi gi kum gar na, anja may dala a funukum gidaŋ ta. Kum mumulom ti gwat misi ada asi haŋ kumo. Vur Bumbulvuŋ ti hirnga naŋ a ɓi: «Y'anta sa puluw ta, y'anta sa hiziguw fuk ta.»

ZOZUWE 1:17

I sa cunukuw mi ar gwat gar kaɓa ndra micinaka mi da Moyis na ya. Haˀaw, Bumbulvuŋ Buymisemuŋ ɗike, naŋ da ati ka kaɓa naŋ misi ati Moyis zleˀe na ya.

ZOZUWE 1:9

Na yi ɓuw le ɗaˀ le: Mbur mbar, tum vu tam kini. Ko ki jijik ta, yo ki hĩhĩy ta so tuwaŋ. Asi mike na, li ka masa ru anga anga gar na, Bumbulvuŋ Buymisemuŋ ɗike, naŋ da ati ka.»

ZOZUWE 10:8

Bumbulvuŋ a ɓa Zozuwe na: «Anja ki zluwun ta, asi yi vuluw taŋ le asi haŋ ɗik si. A wuzla taŋ na, ko mbur pal masa cici zlak gu a mbuŋ ɗike anta.»

ZOZUWE 21:44

Bumbulvuŋ a ga taŋ di, a cifam le zuy zuy ati mizli ngir maakway taŋhaya, kaɓa naŋ miɓa ɗaˀ le da dideˀ taŋhaya tuwa si. Bumbulvuŋ a vula taŋ mesene taŋhaya gar asi haŋ taŋ. A wuzla mesene taŋhaya, ko mbur pal macici a mbuŋ taŋ gu anta.

ZOZUWE 3:7

Bumbulvuŋ a ɓa Zozuwe: «Dana na, i sa tiri ti ka madiɗa a hirnga Israyeley gar, ɓa a sinaka, yi sa ndir ati ka kaɓa ya misi zleˀe ati Moyis na ya.

ZOZUWE 6:27

Bumbulvuŋ a ndir ati Zozuwe, hã slimiɗ naŋ a zil zlar asi ruwuy gar.

MIGI KIITAHAY 2:18

Ti Bumbulvuŋ mislino taŋ migi kiitahay le na, migi kiita gar na, Bumbulvuŋ naŋ da ati naŋ. Ti migi kiita misi ada ar siifa aruŋ na, a laha Israyeley avu mesene taŋhaya. Naŋ kine, da Israyeley mira tuwam ti mesene taŋhay maguzuvuraka taŋ, yo magaka taŋ malambaˀ na, Bumbulvuŋ a pura taŋ ircece.

MIGI KIITAHAY 6:16

Bumbulvuŋ a mbiɗaŋ di: «I sa ndir ati ka, vurˀe, kisa kiɗa Madiyanaya, kaɓa makiɗam mbur purla si.»

SAMUYEL MUDUMBUŊ NAŊ 10:7

Daka misa pura le gwat tayna gar ara gam avu ka na, gwat ka masa luuma ngi gi gar na, gaŋ, asi Bumbulvuŋ naŋ da ati ka.