ZOZUWE 1:15 - Bible en langue guiziga

¹⁵ sey da Bumbulvuŋ muvula musuka vu le da sukum kumoyo, kaɓa naŋ muvulukum di da kum na ya, yo sey da taŋ kwana, a tiɓaka hirwuy Bumbulvuŋ Buymisemuŋ kum, mavula taŋ di na le ya. A dirba nah, kumo, kisa mam ng'ar hirwuy ngi kumo, kisa tiɓaka hirwuy, Moyis gawla ngi Bumbulvuŋ muvulukum di a dubazaw Zurdeŋ, tisi pas ngi miprik na.»

ZOZUWE 1:15 Iomraidhean Croise

KORENTIHEY MUDUMBUŊ 12:26

Da hirzlik ngi dumvu purla ara si bonoy na, hirzlik mekelemey gar a sam bonoy aseˀe ya. Da ara ɗuvaka hirnga da hirzlik ngi dumvu purla na, naɓa mekelemey gar a mumulom aseˀe ya.

KORENTIHEY MUDUMBUŊ 13:5

Wuɗavu anta gi gwat ngi meseme ta, i misi gizak ta, a ji mevel ta, anta ji mbur a kwacay ta.

GALATAY 5:13

Sukum ɗuwoy, kumo, Buymisemuŋ a zulu kum, ɓa ki lumam hirnga kum. Na so na, luuma hirnga kum na, anja a tiri i ɓi ngi ji mi, ɓa ki gam di gwat ngi dumvu kum mawuɗ ta, amma pulaka vu kumo da wuɗavu, ɓa ki jinam vu ar wala kumo.

GALATAY 6:2

Jinam vu ti jijira gwat ar wala kumo. Kahana na, naɓa ɓimujuwa ngi Kristu na, ki gaka le.

Slu cuw 3:18

Akẽh na, i ɓukukum mingiɓi ɗu ani ɗaˀ ɗaˀ: «Muvulukum hirwuy hana da kum, i Bumbulvuŋ Buymisemuŋ kum. Wurenna, anja migi vurumoy gar, a hilaka gwat ngi vurum taŋhaya, ɓa a tuwuɗaka mizaw Zurdeŋ, sek a mbuŋ sukum kum Israyel mekelemeye.

Slu cuw 3:20

Jinaka sukum kumoyo, ɓa hã Bumbulvuŋ a vula taŋ li cifi wãˀ, kaɓa naŋ muvulukum di da kum na ya, yo ɓa taŋ kwana, hirwuy vay si pas ngi pastaˀ ngi dubazaw Zurdeŋ, Bumbulvuŋ Buymisemuŋ kumo muvula taŋ di na, a lumaka wãˀaya. A dirba nah, mbur gar a mi nga hirwuy nga naŋ nga naŋ, ya muvulukum di tuwa.»

Slu cuw 9:1

Moyis a ɓi: Israyeley, cinam ɗi, ki wuɗo tuwuɗaka mizaw Zurdeŋ dana. Ki sa ɓulaka mizli mihaɗi fineˀ kum, yo migidaŋ fineˀ kumo. Ki sa tiɓaka walahay taŋ madiɗahay, mugunohoy gun gun ti mohol migila sesẽŋ a dadala muŋ na.

FILIPIHEY 2:4

Anja mbur a pur di i gwat ngi pula gir da naŋ tewle ta, amma da mizli mekelemey aya.

ZOZUWE 1:1

Moyis, gawla ngi Bumbulvuŋ a muc le. A dirba nah na, Zozuwe, mangal ngi Nun, gawla ngi Moyise, Bumbulvuŋ a ɓaŋ na:

ZOZUWE 1:14

Ngwas kumoy ati ziri kumoy waɗ ginew kumoyo, a sa ndiram angi hirwuy, Moyis muvulukum di a dubazaw Zurdeŋ na ɓula. Amma kum mizli miwirwir ngi gi vurum gar na, kisa ram cinjah cinjah a mbuŋ sukum kumoyo, ɓa ki jinaka taŋ,

ZOZUWE 1:16

Taŋ a mbiɗaka da Zozuwe na: «Gwat ka miɓa ndra di ɗaˀ le ngi gi gar na, i sa gakaŋ, yo li ka masa slina ndra ng'ara gar na, i sa rama si.

ZOZUWE 22:1

Akẽh na, Zozuwe a zila sukwi ngi Ruben ati ngi Gat waɗ reta ngi sukwi ngi Manase.