ZOZUWE 1:11 - Bible en langue guiziga

¹¹ «A ram, bulam ar walahay guɗuko, ɓaka ɓi ani ɗaˀ le da mizli: ‹Wam vu ti gwat ngi zumoy, asi angi hin makir akaka na, kisa tuwuɗaka mizaw Zurdeŋ hana. Hirwuy Bumbulvuŋ, Buymisemuŋ kum, mavulukum di na, tiɓaka da kum.›»

ZOZUWE 1:11 Iomraidhean Croise

BUYOY MUCUW NAŊ 20:5

«Mi ng'avu Ezekiyas, buy ngi mizli ɗuwoyo ɓaŋ na: Bumbulvuŋ Buymisemuŋ, ngi dunuk Davite, a ɓi: «Yi cine diradibiɗ ɗike le, yo yi pura tuwuy mangalaw ɗike le. Wurenna, yi sa mbuluw tir jiji ɗike, duwul ngi diga na, kisa ru gu ng'ar hay ngi Bumbulvuŋ.

BI NGI ISRAYELEY 19:11

Anja a wam vu ngi duwul. Asi duwulo, i sa po sar nga muwã Sinaya mur mizli gar.

Ɗerewol OZE 6:2

Ar kiɗa mi ngi hin cuw na, a sa vula ndra siifa, ar hin mimakir naŋ na, a saslikiɗa ndra deŋ deŋ a muŋ, yo i sa vula ndra siifa a muŋ.

Slu cuw 11:31

Asi ki ra tuwuɗaka Zurdeŋ, ɓa nga tiɓa hirwuy Bumbulvuŋ Buymisemuŋ kumo muvulukum di na. Ki sa tiɓaka da kum, joˀ ki pam ara.

Slu cuw 3:18

Akẽh na, i ɓukukum mingiɓi ɗu ani ɗaˀ ɗaˀ: «Muvulukum hirwuy hana da kum, i Bumbulvuŋ Buymisemuŋ kum. Wurenna, anja migi vurumoy gar, a hilaka gwat ngi vurum taŋhaya, ɓa a tuwuɗaka mizaw Zurdeŋ, sek a mbuŋ sukum kum Israyel mekelemeye.

Slu cuw 9:1

Moyis a ɓi: Israyeley, cinam ɗi, ki wuɗo tuwuɗaka mizaw Zurdeŋ dana. Ki sa ɓulaka mizli mihaɗi fineˀ kum, yo migidaŋ fineˀ kumo. Ki sa tiɓaka walahay taŋ madiɗahay, mugunohoy gun gun ti mohol migila sesẽŋ a dadala muŋ na.

ZOZUWE 1:10

Akẽh na, Zozuwe a ɓa buyɓi ngi wuzla mizli ɗaˀ:

ZOZUWE 1:2

«Ani gawla ɗu Moyis a muc le so. Wurenna, ka Zozuwe, slikiɗi, tuwuɗaka dubazaw Zurdeŋ ati mizli hanayna gar nga hirwuy ya mavula da Israyeleye.

ZOZUWE 3:2

Angi kiɗa mi ngi hin mimakir naŋ na, buyɓi ngi wuzla Israyeleye, a laˀam ar walahay guɗuko,