ZOZUWE 1:1 - Bible en langue guiziga

¹ Moyis, gawla ngi Bumbulvuŋ a muc le. A dirba nah na, Zozuwe, mangal ngi Nun, gawla ngi Moyise, Bumbulvuŋ a ɓaŋ na:

ZOZUWE 1:1 Iomraidhean Croise

BUYOY MUDUMBUŊ NAŊ 19:16

A dirba nah ma na, kisa ra pa mal ngi vula slra da Zehu, mangal ngi Nimsi, ɓa a cifi buy Israyel. Yo kisa pa da Elize, mangal ngi Safat, mbur Abel-Mehola, ɓa a cifi mijiviɗi ar li ɗike.

BUYOY MUCUW NAŊ 3:11

Akẽh na, Zozafat a ɓi: «Mijiviɗ ngi Buymisemuŋ anta aka takwa? Anja ɓa zliv i ra cufuɗaka Buymisemuŋ ava.» Mbur purla a wuzla gawla ngi buy Israyel a mbiɗaŋ di: «Mbur ada aka, i Elize, mangal ngi Safat, i gawla ngi si mevel ngi Eli zleˀe.»

NEHEMI 8:17

Mizli mukusom kos kos tuwa gar taŋ, ati mizli mumoko tir beke tuwa, a ɗiyam mazlaɓaya, a hinam angi taŋ. Dambalaka na, zle ti hin ngi Zozuwe, mangal ngi Nun, hã a ndilo hin nah na, Israyeley a gam gwat misi kanah ɗaˀ ta wãˀ. A gi avu taŋ tapasa i hin ngi mumul madiɗa.

BI NGI ISRAYELEY 24:13

Moyis a jiɗam nga muwã ngi Buymisemuŋ ati gawla naŋ Zozuwe.

SLUFA VU 11:28

Zozuwe, mangal ngi Nuno, i gawla ngi Moyis zle ti zuŋ, a ɓa Moyise na: «Moyis Kumani ɗu, ɓa taŋ ɓa a taˀakaŋ!»

SLUFA VU 12:7

Amma ngi gawla ɗu Moyise naŋ kanah ta, naŋ i mbur magi welele ti mevel purla vur mizli ngi sukwi ɗuwoy gar.

SLUFA VU 13:16

Tayna i slimiɗ ngi mizli, Moyis mislina taŋ ngi puro hirwuy Kanaˀan tuwa. Moyis a ca slimiɗ da Hoze mangal ngi Nuno, Zozuwe

SLUFA VU 13:8

Ar sukwi ngi Efrayime, i Hoze, mangal ngi Nun.

Ɓimezle ngi Yesu Kristu LUK mitil di mi 16:10

Mbur mindila le ngi pulaŋ gwat mineˀ asi haŋ naŋ, ɓa a gi di slra na, a ndila le ngi pulaŋ gwat mihaɗa asi haŋ naŋ, ɓa a gi di slra ya. Mbur magi slra mikaslsla ta ar gwat mineˀ na, a gi slra mikaslsla ta ar gwat mihaɗa ya.

SLRA 7:45

Guɗuk nah na, dideˀ ndrahay a lumakaŋ, Zosuwe muru ti taŋ na, a zuɓaka a haŋ, nga hirwuy taŋ mitiɓaka avu sukwi ngi mizli Buymisemuŋ muɓula taŋ a mbuŋ taŋ na, guɗuk nah a ndir hã a ndila hin ngi Daviti.

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

Slu cuw 1:38

Amma gawla ɗik Zozuwe mangal ngi Nuno, a sa ci ɓula. Tusoŋ didak, asi masa vula li ɓa a ndir da Israyeley i naŋ.»

Slu cuw 31:23

A dirba nah, Bumbulvuŋ a ɓa ɓi nah da Zozuwe mangal ngi Nun, a ɓaŋ: «Mbur mbar, cici zlak gidaŋ gidaŋ, asi hirwuy ya miɓa ti hudum, i sa vula da Israyeley tuwa na, masa ci ti taŋ ng'ara i ka, ya kwana, y'ada ati ka.»

Slu cuw 31:3

Bumbulvuŋ Buymisemuŋ kumo a sa kukum mbuŋ, i naŋ masa ngizla mizli misi a mbuŋ kumo, ɓa ki tiɓaka hirwuy taŋ. Kaɓa Bumbulvuŋ miɓa na, masa cifi buy kum i Zozuwe.

Slu cuw 33:1

Moyis mbur ngi Buymisemuŋ, ɓa a sa muc tikeˀe na, a ɗuwula mi da Israyeley ani:

Slu cuw 34:12

Moyis a ga gwata ti gidaŋ naŋ wãˀ, a gi gwat ngi muɗa didak a mbuŋ Israyele gar.

Slu cuw 34:5

Dar Moyis, gawla ngi Bumbulvuŋ a muc a diga, a ruwuy Moˀap, ka Bumbulvuŋ miɓa tuwa.

Slu cuw 34:9

Zozuwe, mangal ngi Nuno, a nih le ti wuluk ngi sinmijileŋ, asi Moyis a paŋ haŋ le a hirnga. Zle tapasa, mizli Israyeley a cinakaŋ mi, a sipaka jiviɗe kaɓa Bumbulvuŋ miɓa ɓi naŋ ɗaˀ le zleˀe da Moyis tuwa.

Ɗerewol TIT 1:1

I ya Pol, gawla ngi Buymisemuŋ, mislin ngi Yesu Kristu, matoho ɗerewol hana, ɓa ngi jina mizli Buymisemuŋ muwuna taŋ, ɓa a tiɓam, waɗ ɓa a sinaka ɓi mikaslsla ngi misikristuhoy masipaka na,

Ɗerewol ZAK 1:1

I ya Zak, gawla ngi Buymisemuŋ waɗ ngi Buy ndra Yesu Kristu. I ra jukum haŋ, da kum mizli ngi Buymisemuŋhoy mizliɗam hirnga pal pal asi ruwuy gar.

ZOZUWE 1:15

sey da Bumbulvuŋ muvula musuka vu le da sukum kumoyo, kaɓa naŋ muvulukum di da kum na ya, yo sey da taŋ kwana, a tiɓaka hirwuy Bumbulvuŋ Buymisemuŋ kum, mavula taŋ di na le ya. A dirba nah, kumo, kisa mam ng'ar hirwuy ngi kumo, kisa tiɓaka hirwuy, Moyis gawla ngi Bumbulvuŋ muvulukum di a dubazaw Zurdeŋ, tisi pas ngi miprik na.»

ZOZUWE 1:2

«Ani gawla ɗu Moyis a muc le so. Wurenna, ka Zozuwe, slikiɗi, tuwuɗaka dubazaw Zurdeŋ ati mizli hanayna gar nga hirwuy ya mavula da Israyeleye.

ZOZUWE 12:6

Moyis, gawla ngi Bumbulvuŋ ati Israyeleye, a kiɗaka taŋ. Joˀ Moyis gawla ngi Bumbulvuŋ a vula hirwuy tayna gar da mizli Rubeney, da Gatay waɗ da reta ngi sukwi ngi Manase.

ƁIMUNJUYO 1:18

yo ya ti siifa. Yi muc le zleˀe, amma pura, y'ani ti siifa hã ngi sete. Lakle ngi muc ati ngi li cifi ngi mizli mumucahaya, naŋ asi haŋ ɗu.