FILIPIHEY 4:1 - Bible en langue guiziga

¹ Naŋ kine so, sukum ɗuwoy, ya mawuɗokum haɗi, yi ro ti may ngi pur kumo haɗa haɗa. Kum magikiy ɓa yi mumul, yo ya majijih vur kum na, cicam zlak kuy kuy angi kum mujom ati Buymisemuŋ so, yeme ɗuwoy.

FILIPIHEY 4:1 Iomraidhean Croise

Ɗerewol JOP 31:36

yawwa, i sa jijira ɓaˀ ar gagalaˀay ɗu, i sa tuwuɗa njiv a hirnga kaɓa loppol.

DIMISEY 125:1

Dimis ngi zuɓa mulak nga diradibiɗ a Zeruzalem. Mizli manjaham hiri asi Bumbulvuŋ na, taŋ kaɓa muwã Siyoŋ, muwã Siyoŋ anta wus ta, naŋ da caˀa kine.

DIMISEY 27:14

Njih hiri njah asi Bumbulvuŋ, cici zlak, yo tum vu tum, njih hiri njah asi Bumbulvuŋ.

Matiye 10:22

Mizli gar a sa hirsukum asi ya. Amma da mbur micici le zlak hã avu kiɗa mi naŋ na, a sa lih.

Ɓimezle ngi Yesu Kristu ZAŊ mitil di mi 8:31

Joˀ Yesu a ɓa Yudehey mitiɓakaŋ tuwa na: «Da ki cicam le zlak ar mingiɓi ɗu na, kum i mizli ngi si yahay gisiŋ.

SLRA 11:23

Ti naŋ mindil na, a pura gimezle Buymisemuŋ miga da mizli na le, a mumul haɗi, a vula taŋ gidaŋ ɓa a ndiram gumbaˀ avu Bumbulvuŋ ti mevel taŋ wãˀ.

SLRA 14:22

A tusoko didak da mitiɓiheye, a vulaka taŋ gidaŋ ɓa a cicam zlak ar tiɓi, a ɓam: «Sey i cohom tir bonoy haɗi far, ɓa i sa cam ar Zumabuy ngi Buymisemuŋ.»

SLRA 2:42

A ndiram deŋ ti deŋ ngi cine ɓi ngi misliney madubunaka taŋ di, waɗ ngi jumoˀay taŋ purla kaɓa sukumuŋhoy, ngi wunka gwat ngi zum jom ar leˀe, yo ngi diradibiɗe ma gar.

ROMAHAY 2:7

Mizli mahurdumom ti gi slra mezle, mapuram jiviɗ ɓa Buymisemuŋ a vula taŋ dudok, ɓa a ɗuva taŋ hirnga, yo ɓa a ndiram caˀa na, Buymisemuŋ a sa vula taŋ siifa ngi sete.

KORENTIHEY MUDUMBUŊ 15:58

Naŋ kanah, sukum ɗu, yeme ɗuwoy, cicam zlak gidaŋ gidaŋ, ki jijikam ta. A ram nga mbuŋ nga mbuŋ ndrehhe ar slra ngi Bumbulvuŋ, asi ki sinaka le, cika vu kum ti slra asi kum mujom ati Bumbulvuŋ na, i ngatara ta.

KORENTIHEY MUDUMBUŊ 16:13

Ki hinjam ta, cicam zlak gidaŋ gidaŋ ar tiɓi. Gam zil zil, gam gidaŋ gidaŋ.

KORENTIHEY MUCUW NAŊ 1:14

Asi ki slaka wala naŋ le cah si. Tapas Buy ndra Yesu Kristu masa mawa na, kisa jijaham asi ndra kaɓa ndra majijaham asi kum na ya.

GALATAY 5:1

Kristu mumbuɗo hirnga ndra na, ɓa i tiram diimuhoy gisiŋ gisiŋ, cicam zlak gidaŋ gidaŋ so. Anja ki pulaka vu kumo, ɓa ki tiram bekehey a muŋ mata.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

FILIPIHEY 1:8

Haˀaw, i ra wuɗukum haɗi a mevel ɗu, kaɓa Yesu Kristu mawuɗokum vuna, Buymisemuŋ a ga sedewo nah.

FILIPIHEY 2:16

Asi ki ra raka taŋ ti ɓi ngi siifa. Da ki ra gam kanah na, kite ki gikiy di i dudok vur hin ngi Kristu, yo slra ya miga, ya migir di kupuyah wãˀ na, kite i ngatara ta.

FILIPIHEY 2:26

Naŋ, a ro ti may haɗi nga purukum gar kumo, yo a ro welele asi kum micinaka ɓi ngi jiji naŋ na.

KOLOSOY 4:12

Epafras, mbur ngi hay kum na, a jukum haŋ le ya. Naŋ, mbur migi slra ngi Yesu Kristu nah na, ko anta pula cika vu ti diradibiɗ vur kumo mbak le ta, ɓa ki ndiram zlak gidaŋ gidaŋ, manja hereweɗ, mizli mujuwam vu le ngi gi gwat Buymisemuŋ muwuɗ le gar.

TESALONIKEY MUDUMBUŊ NAŊ 3:13

Anja a vulukum gidaŋ a mevele, ɓa ki ndiram pal, manja ɓ ngi mbuɗukum hirnga aseˀe a mbuŋ Cine ndra Buymisemuŋ, hã tapas Buy ndra Yesu masa mawa ati mizli naŋhay gar. Amin.

TESALONIKEY MUCUW NAŊ 2:15

Naŋ kine so, sukum ndrahay, cicam zlak kuy kuy, gwat ndra mudubunukum di na, ko da i ɓukum di ti mi ɗaˀ ɗaˀ, malla ko da i tuhukum di ti tuh angi ɗerewol kwana, kum jaka ɓi nah kuy kuy a hirnga.

TIMOTE MUCUW NAŊ 2:1

Ka so na, mangal ɗu, anja ki lum gidaŋ ti gimezle Buymisemuŋ miga ndra di tisi Yesu Kristu na.

HEBEREY 10:23

Anja i giram ta, ndra tulukum mi ti ɓi ndra manjaham hiri aseˀe na, asi Buymisemuŋ, gwat naŋ miɓa le ɗaˀ le gar na, naŋ teŋteŋ araŋ.

HEBEREY 3:14

Naŋ kine, ndr'i gam slra wurenna jom ati Kristu, na gwat purla ani: ndra mupulakaŋ vu ndra mbak, zle angi zlivirzi naŋ na, sey da ndr'ada zlak gidaŋ gidaŋ ara far, hã vu kiɗa mi naŋ. A tohoko na:

HEBEREY 4:14

Tiɓi ndra matilam di mi na, sey i jaka gidaŋ gidaŋ. Vur ndr'ada ti masay madiɗa a mbuŋ Buymisemuŋ, i Yesu Mangal ngi Buymisemuŋ. Naŋ a ngira muŋ le ŋcaht sesẽŋ avu Buymisemuŋ.

PIYER MUCUW NAŊ 3:17

Kanah so ngama ɗuwoy, i kukum mumuyuŋ zay sla le a slimiɗe, jam lesl so. Anja ki pulaka vu kumo, ɓa mizli mizirɗa mihey mazizam na, a zuzukum ta. Anja ki pulaka vu kumo, ki kiraham tir kum ɓi micicam zlak na ta.