Nguɓam ˀay kuy kuy ar wala kumo. Anja ki huhumom vu kum ta, ko gwat ngi gi mupuɗaw ta kwana, tiɓaka, gaka si. Anja ki gam kaɓa kum i misi si na mijileŋhey ta.
Sukum ɗu misikristuhoy, i ra gukum ambuh ambuh, kum gar kumo ti slimiɗ ngi Buy ndra Yesu Kristu: ngiɓam ˀay purla, anja ki wunkam ˀay ar wala kumo ta. Ar wuluk kum ati gwat kum majuwaka le a mevele ngi gi gar na, jumom ˀay purla.
Asi ki ra raka taŋ ti ɓi ngi siifa. Da ki ra gam kanah na, kite ki gikiy di i dudok vur hin ngi Kristu, yo slra ya miga, ya migir di kupuyah wãˀ na, kite i ngatara ta.
Vur hin gar na, a ndiram deŋ ti deŋ ar hay ngi Bumbulvuŋ a Zerusaleme, taŋ ti mevel purla. A hay taŋhaya, a zumaka ɗafa jom ar leˀe, a zumaka ti mumul, yo ti mevel mezle.
Ko da y'anta deŋ ti vu ɗu a wuzla kumo ta tekeɗe kwana, amma ar wuluko, y'ada a wuzla kumo gisiŋ. Da ya mira purukum, ki ra gaka slra kumo kasl kasl, yo kum ada zlak gidaŋ gidaŋ ar tiɓi Kristu na, i mumul.
Mitisla ndra mevele, i Tit mundulo na tew ta, amma i gidaŋ kum muvulakaŋ di na. A ɓa ndra ɓi ngi kum muroko ti may ngi pur ɗu haɗa haɗa, ngi kum malikam, kum macikam vu a hirnga ɗu na, hã i mumul haɗi fineˀ misi zleˀe.
Da ani, i ndil le zleˀe na, naɓa mizli zliv anja zleˀe, a vulikiy mumul jak na, a sa vulikiy ndurɓo hiri. Ya mutuhukum ɗerewol na hĩˀĩ ngi tika ɓi nah. I si na le gisiŋ wãˀ, da ya mira mumul na, naɓa kum gar ki ra mumulom aya.