FILIPIHEY 1:5 - Bible en langue guiziga

⁵ asi kum mijinikiy ngi njaha Ɓimezle, zle angi hin mudumbuŋ naŋ, hã wurenna na.

FILIPIHEY 1:5 Iomraidhean Croise

SLRA 2:42

A ndiram deŋ ti deŋ ngi cine ɓi ngi misliney madubunaka taŋ di, waɗ ngi jumoˀay taŋ purla kaɓa sukumuŋhoy, ngi wunka gwat ngi zum jom ar leˀe, yo ngi diradibiɗe ma gar.

ROMAHAY 11:17

Mizli Yudeheye, taŋ kaɓa tutumbur Buymisemuŋ mihirva ti hirvi. Mihaŋ naŋ mekelemeye, a kilahaka taŋ le avra. Ka, mbur Yude ta na, ka kaɓa mihaŋ ngi tutumbur ngi ɓuh mujuɓukuw ti juɓ angi li taŋ, ɓa ki cir tisi slaslalak ngi widis mihirvaka ti hirvi tuwa.

ROMAHAY 12:13

Gwat sukum kumoy muroko ti may naŋ na, jinaka taŋ anga. Mizli masoko a hay kumo, tiɓaka taŋ mulaka kuy kuy.

ROMAHAY 15:26

Asi misikristu ngi Maseduwanay ati ngi Akayahaya, a wulkam le ti mevel purla ɓa a cikilam gwat da misi murga ngi wuzla mitiɓi ngi Zeruzalemeye.

KORENTIHEY MUDUMBUŊ 1:9

Bumbulvuŋ muzulukum ɓa ki ndiram jom ati Mangal naŋ Yesu Kristu, Buy ndra na, gwat naŋ miɓa le na, a ga cummo.

KORENTIHEY MUCUW NAŊ 8:1

Sukum ndra misikristuhoy, i wuɗam ɓa ki sinaka gimezle ngi Buymisemuŋ miga da Cikil ngi misikristu ngi Maseduwanaya.

EFESEY 3:6

Ar jum ati Yesu Kristu na, gwat Buymisemuŋ miwi di vu da mizli naŋhaya, Yudehey ta na, a sa lumam rak rak ati Yudeheye ya. A tiram le i dumvu purla. Gwat Buymisemuŋ miɓa ɗaˀ le, a sa vula da mizli tisi Ɓimezle ngi Kristu na, a sa lumam aya.

FILIPIHEY 1:12

Sukum ɗu misikristuhoy, i wuɗ anja ki sinaka gwat mindilo avu ya na, a gi ngi jina Ɓimezle, ɓa aru nga mbuŋ nga mbuŋ jaka.

FILIPIHEY 1:16

Mizli, a gaka ti wuɗavu. A sinaka le, ya misi aka na, ngi cika vu asi Ɓimezle ngi Kristu vuna.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

FILIPIHEY 1:7

Ya mawulkukum gar ar mevel ɗu kahana na, naŋ kaslsla wãˀ. Asi gimezle Buymisemuŋ migiy di, ko angi dangay, ko angi ya macik vu, yo ya mawuɗ ɓa Ɓimezle a cici kuy kuy na, kum gar, ki jumom le ati ya anga.

FILIPIHEY 2:12

Naŋ kanah, yeme ɗuwoy, zleˀe na, ki cinikiy mi le ndrehhe. Anja ki cinikiy mi, sey da y'ada avu kumo tew ta, amma ko ti ya misi anta avu kum wurenna ta na kwana, cinikiy mi fineˀ misi zleˀe jaka. Cikam vu ti ɓi ngi lih kumo, ti zluwun waɗ ti jijik kirkir.

FILIPIHEY 2:22

Amma ki sinaka le, Timote a biga le, naŋ teŋteŋ: Ya ati naŋ na, i gam slra ngi Ɓimezle le jom kaɓa mangal ati cine.

FILIPIHEY 4:3

Yo ka kwana, cil ɗu miteŋteŋ, i cufuɗuw ɓa ki jina taŋ, asi a cikam vu le ati ya ngi tila mi ti Ɓimezle. Taŋ ati Klemaŋ waɗ cil ɗu mekelemey, ndra migam slra bumoˀ ati taŋ gar na, a tohoko slimiɗ taŋhaya le angi ɗerewol ngi siifa.

FILEMOŊ 1:17

Da ki puriy le kaɓa yi sukum ɗik mitiɓi so na, tiɓaŋ a hay ɗike kaɓa i ya vuna si.

HEBEREY 3:14

Naŋ kine, ndr'i gam slra wurenna jom ati Kristu, na gwat purla ani: ndra mupulakaŋ vu ndra mbak, zle angi zlivirzi naŋ na, sey da ndr'ada zlak gidaŋ gidaŋ ara far, hã vu kiɗa mi naŋ. A tohoko na:

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZAŊ MUDUMBUŊ NAŊ 1:3

Gwat ndra mupuraka ati ndra micinaka na, i ra tulukum di mi ya, ɓa kumo kwana, ki ndiram jom ati ndra. Jum ndra na, i jum ati Cine, waɗ ati Mangal naŋ Yesu Kristu.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.