FILIPIHEY 1:1 - Bible en langue guiziga

¹ I ya Pol ati Timote, gawla ngi Yesu Kristuhoy matohoko ɗerewol hana, da kum mizli ngi Buymisemuŋhoy gar, misi a hurwuy Filip, ar kum mujom ati Yesu Kristu, da mizli madiɗa ngi Cikil ngi misikrisktuhoy waɗ da mijini mitiɓihey.

FILIPIHEY 1:1 Iomraidhean Croise

Mark 13:34

«A sa gi kaɓa mbur maru nga mulak. A pula hay naŋ asi haŋ ngi gawla naŋhay, ko wa gar ti slra naŋ, ti slra naŋ. A ɓa mijigina mizlingre, anja a hinje ta.

Ɓimezle ngi Yesu Kristu ZAŊ mitil di mi 12:26

Da mbur a wuɗ le ɓa a gi gawla ɗu na, anja a sipiy, yo ar li ya misi anga na, gawla ɗu a sa ndir anga ya. Da mbur ara gi gawla ɗu na, Baha a sa ɗuvaŋ hirngaŋ.

SLRA 1:20

Dambalaka a tohoko le ar Dimise, a ɓi na: ‹Anja hay naŋ a tiri diŋ, yo anja mbur a cifi anga ta.› Yo a tohoko ma na: ‹Anja mbur mekelem a zuɓa slra naŋ.›

SLRA 20:28

Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ.

SLRA 9:13

Ananiyas a mbiɗaŋ di: «Buy, malambaˀ ngi mbur nah gar, naŋ miga da mizli ɗikey mipal, misi a Zeruzalem na, i cine ɓi nah le.

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

ROMAHAY 1:7

I ra tuhukum di da kum ngi Romahay, Buymisemuŋ ara wuɗukum gar, a zulukum le ɓa ki tiram nga naŋhay. Anja Cine ndra Buymisemuŋ ati Buy Yesu Kristu a gukum mezle, a vulukum zuy.

KORENTIHEY MUDUMBUŊ 16:10

Da Timote a ndil le a hay kumo na, wam vu ɓa a cifi manja zluwun a wuzla kumo. Asi a gi di i slra ngi Bumbulvuŋ kaɓa ya vuna ya.

KORENTIHEY MUCUW NAŊ 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu, i ya ati sukum ɗu Timote mutohoko ɗerewol hana da Cikil ngi misikristu, mizli ngi Buymisemuŋhoy misi a hirwuy Akaya gar.

GALATAY 1:10

Ani wurenna so na, i pur di i jiviɗ ɓa i mizli mangilam ti ya wuy kwa, malla Buymisemuŋ kwa? Yi pur di i jiviɗ ngi cira hiri da mizli kwa? Da yi pur di i jiviɗ ngi cira hiri da mizli na, naɓa yi gawla ngi Kristu mata.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

EFESEY 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu. I ya matoho ɗerewol hana da mizli ngi Buymisemuŋhoy misi a Efez, mizli miteŋteŋhey ar taŋ mujom ati Yesu Kristu.

EFESEY 1:15

Vurˀe, ya kwana, zle ti ya micina kum mitiɓaka ɓi ngi Buy Yesu, yo kum mawuɗam mitiɓihey gar na,

EFESEY 6:24

Mizli mawuɗaka Buy ndra Yesu Kristu ti wuɗavu mahiryi ta na, anja Buymisemuŋ a ga taŋ mezle gar.

FILIPIHEY 2:19

I wa na, tisi Buy Yesu, neˀ ngrˀa mbuŋ aka na, i sa slinukum Timote, ɓa ya kwana, ɓi kum ya masa cine na, a sa tisliy mevel aya.

FILIPIHEY 2:5

Gaka kahana ar wala kumo, kaɓa mizli magaka tisi Yesu Kristu na.

FILIPIHEY 3:12

Y'anta ɓi aka: «i luuma taŋ le gar si», malla «ya manja hereweɗ si» na, y'anta ɓi ta. Amma i ra kil haɗa haɗa, ɓa sey yi ja migir ɗu asi haŋ, asi ya vuna, Yesu Kristu a jiy le si.

FILIPIHEY 3:3

Asi macam mizaw migisiŋ gisiŋ na, i ndra, ndra madiram dibiɗ ti ˀUf ngi Buymisemuŋ, ndra majijaham mbele Yesu Kristu, yo ndra mupulaka vu ndra da hirnga ndra tehhe a muŋ ta na.

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

TESALONIKEY MUDUMBUŊ NAŊ 1:1

I ya Pol ati Silas waɗ Timote matuhukum ɗerewol hana da kum Cikil ngi misikristu ngi Tesalonikey. Ki jumom le ati Cine ndra Buymisemuŋ waɗ ati Buy Yesu Kristu. Anja Buymisemuŋ a gukum mezle, a vulukum zuy.

TESALONIKEY MUDUMBUŊ NAŊ 2:2

Dumbuŋ ti ndra mindilam a hay kum t'aruŋ na, ki sinaka le, mizli a jiginam mi le avu ndra hã a zam ndra a Filipe. Amma ko ti taŋ mitikam ndra kaŋ kaŋ na tekeɗe kwana, Buymisemuŋ ndra a vula ndra gidaŋ le, ɓa i tulukum mi ti Ɓi Mezle naŋ na gbaˀa.

TESALONIKEY MUCUW NAŊ 1:1

I ya Pol ati Silas waɗ Timote matuhukum ɗerewol hana da kum Cikil ngi misikristu ngi Tesalonikey. Kum mizli ngi Cine ndra Buymisemuŋ waɗ Buy ndra Yesu Kristu.

TESALONIKEY MUCUW NAŊ 1:10

Tapas naŋ masa mawa, ɓa mizli naŋhay keɗeɗe, a sa ɗuvakaŋ hirngaŋ, a sa purakaŋ hiri ngal ngal, waɗ a sa tiɓakaŋ na, kumo kwana, kisa ndiram bumoˀ ati taŋ aya, asi ki tiɓaka ɓi ndra mutulukum di mi na le.

TIMOTE MUDUMBUŊ NAŊ 1:2

I ra tuhuw di da ka Timote, mangal ɗu migisiŋ gisiŋ ar tiɓa. Anja Cine ndra Buymisemuŋ ati Buy ndra Yesu Kristu a gukuw mezle, a purukuw ˀircece, yo a vulukuw zuy.

TIMOTE MUDUMBUŊ NAŊ 3:8

Mijini vuhoy a wuzla misikristuhoy kwana, anja i mizli mindilaka le ya. A ɓam ɓi dar purla, a sam mbaazla haɗi ta, a lumaka gwata ti jiviɗ malambaˀ ta.

Ɗerewol TIT 1:1

I ya Pol, gawla ngi Buymisemuŋ, mislin ngi Yesu Kristu, matoho ɗerewol hana, ɓa ngi jina mizli Buymisemuŋ muwuna taŋ, ɓa a tiɓam, waɗ ɓa a sinaka ɓi mikaslsla ngi misikristuhoy masipaka na,

Ɗerewol TIT 1:7

Asi mike na, mbur madiɗa ngir Cikil ngi misikristuhoy na, a gi di i slra ngi Buymisemuŋ. Vurˀe, anja a lumam ɓi ava ngi mbiɗaŋ hirnga ta. Anja ko i mbur mahuhum vu ta, a slikiɗ himaˀ ta, a si mbaazla haɗa ta, a wuɗ kiɗa vu ta, a lum gwata ti jiviɗ malambaˀ ta.

FILEMOŊ 1:1

I ya Pol, ya mbur dangay asi ɓi ngi Yesu Kristu, waɗ sukum ndra Timote matuhukuw ɗerewol hana da ka Filemoŋ, ka ngama ndra muyummo, ndra magam slra bummoˀ,

HEBEREY 13:23

I wuɗ ɓa ki sinaka, a pulaka sukum ndra Timote le tir dangaya. Da a ndilo le kutum na, i sa ram cuwa nga purukumo.

Ɗerewol ZAK 1:1

I ya Zak, gawla ngi Buymisemuŋ waɗ ngi Buy ndra Yesu Kristu. I ra jukum haŋ, da kum mizli ngi Buymisemuŋhoy mizliɗam hirnga pal pal asi ruwuy gar.

PIYER MUDUMBUŊ NAŊ 2:25

Asi kum zleˀe ka tumuŋ mizizahay, amma wurenna, ki moko le ng'avi mijigin mukutuko musuɗuk kumoyo.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZUDE 1:1

I ya Yude, gawla ngi Yesu Kristu. Ya sukum ngi Zak matuhukum ɗerewol hana da kum mizli, Cine ndra Buymisemuŋ muzulukum, muwuɗukum, yo miwi vu ti kum da Yesu Kristu na.

ƁIMUNJUYO 1:1

Gwatay magam na, Yesu Kristu a njika taŋ le ar li babara. Gwatay masa gam gweˀ na, Buymisemuŋ a pulaŋ ɓi nah ɓa a biga da gawla naŋhay. Kristu a slina modro naŋ ng'avi gawla naŋ Zaŋ, ɓa a bigaŋ ɓi nah.

ƁIMUNJUYO 1:20

Wurzlaŋhay mitarnaˀ, ka mupura taŋ a hur haŋ hazum ɗu, yo li ɗuva lampehey mitarnaˀ mipa taŋ ti ɓiri tapasl tapasl na, ɓi muɗum ngi raˀa n'ani: Wurzlaŋhay mitarnaˀ na, i modro ngi cikil ngi misikristuhoy ar li taˀ taˀ tarnaˀ, yo li ɗuva lampehey mitarnaˀ na kwana, i cikil ngi misikristuhoy ar lihey taˀ taˀ tarnaˀ.

ƁIMUNJUYO 19:10

Dar i huruk huruk ɓa yi putukul a mbuŋ naŋ, amma a ɓiy na: «Ji lesl, ki ga ta, yi cil ɗik gawla ngi Buymisemuŋ, kaɓa ka vuna ati sukum ɗikey majaka ɓi mijeŋ ngi Yesu minjika na ya. Anja sey ki putukul a mbuŋ Buymisemuŋ jaka. Asi ɓi mijeŋ Yesu Kristu minjika na, i ˀUf naŋ manjika ɓi da mijiviɗey na.»

ƁIMUNJUYO 2:12

«Toho da modro ngi cikil ngi misikristu ngi Pergamaya ɓaŋ na: Mbur misi ti maslalam muyoŋ mi, mazum ti ka ti ka, a ɓi:

ƁIMUNJUYO 2:8

«Toho da modro ngi cikil ngi misikristu ngi Simirneheye ɓaŋ na: Mbur mazilaka Mudumbuŋ, yo ngi Dirba, mbur mumuc pam le zleˀe, mumo ti siifa ti mi a muŋ na, a ɓi:

ƁIMUNJUYO 22:9

Amma a ɓiy: «Ji lesl, ki ga ta. Yi cil ɗik, gawla ngi Buymisemuŋ kaɓa ka, kaɓa sukum ɗik, mijiviɗey ati mizli majaka ɓimutohoko angi ɗerewol hana gar a hirnga na. Anja sey ki putukul na, a mbuŋ Buymisemuŋ jaka.»