FILEMOŊ 1:9 - Bible en langue guiziga

⁹ Ya macufuɗuw na, asi ya mawuɗow. Haˀaw, ya midigila Pol, yo wurenna, yi mbur dangay asi Yesu Kristu.

FILEMOŊ 1:9 Iomraidhean Croise

DIMISEY 71:18

Aw Buymisemuŋ ɗu, wurenna i gi gal le, yo ya hol tullo. Gar ti nah kwana, anja ki puliy fuk ta: dar i sa til mi ti ɓi ngi slra ngi gidaŋ ɗike da mizli migwene hanayna, yo wirwir ɗike, i sa til di mi da ziri masa ya ka taŋ nga mbuŋ.

DIMISEY 71:9

Ki puliy ta, wurenna i gi gal le, da gidaŋ ɗu ara tiki na, ki puliy ta.

MIKUCUWULOY 16:31

Holo, i loppol mezle misi a hirnga mburo, ɓa mbur a luuma na, sey da ara gi gwat mijeŋŋe.

EZAYI 46:4

Y'ada nga ya nga yahha, hã hin ngi gi gal kum, i junukum, hã avu kum masa pusoko hol. Mugukum i ya, masa ja haŋ kum i ya. Masa ɓusukum, yo masa luhukum i ya.

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

KORENTIHEY MUCUW NAŊ 5:20

Ndr'i mijiviɗ ngi Kristuhoy na, vurˀe. Buymisemuŋ mazulukum na, ti mingiɓi ngi balam ndra. Ambuh, ambuh kum, ti slimiɗ ngi Kristu, pulaka vu kum mbak, ɓa ki ɗiyam ɓi ar wala kum ati Buymisemuŋ.

KORENTIHEY MUCUW NAŊ 6:1

Naŋ kine, ndr'i ra gam slra jom ati Buymisemuŋ. Buymisemuŋ a gukum mezle le. Ambuh, ambuh kum, anja ki pulaka gimezle naŋ na fuk lambaˀ ta.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

EFESEY 3:1

Vurˀe, ya Polo, yi mbur dangay asi Yesu Kristu vur kum Yudehey ta na.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 6:20

Ya misi yi mislin, yo mujuwikiy ti celelu angi dangay na, aseˀeŋ. Tumbuloko Buymisemuŋ, ɓa i ɓi manja zluwun ka naŋ mawuɗo.

TIMOTE MUDUMBUŊ NAŊ 1:12

I ra ga sise da Yesu Kristu, Buy ndra muvuliy gidaŋ ngi gi slra na. A zuɓiy ngi gi slra, asi a puriy, i ndila le.

Ɗerewol TIT 2:2

Anja ki ɓa midigilahaya, ɓa a wam ti mbaazla ta, i mizli mindilaka le, a cifam ti lesl mezleŋ, a ndiram ar tiɓi mijeŋŋe, a wuɗam vu, a ɓusam ɓi.

HEBEREY 13:19

I ra hurdum ti gukum ambuh ambuh kum, tumbuloko Buymisemuŋ, ɓa a puliy jiviɗ ngi mi kutum ng'avu kumo.

PIYER MUDUMBUŊ NAŊ 2:11

Yeme ɗuwoy, kum i mulakay, kum i mizli mizliɗam hirnga le pal pal asi ruwuyo. Ambuh ambuh kum so, jiginaka vu kum avu may gwat ngi vu kum magi vurum ti musuɗuk kum na.

MIGI KIITAHAY 21:22

Gwat asinta, da cine taŋhay malla sukum taŋhay a sa tuwam le avu ndra na, i sa ɓaka taŋ: Kilam mesem taŋ, asi i hiloko taŋ ngwasaya tiɗeˀe ar kiɗa vu ngi Yabes na ta, yo kum vuna kwana, ki vulaka taŋ tihaŋ kumo gu ta, da ki vulaka taŋ le na, naɓa ki ngilaka hudumo le.»