FILEMOŊ 1:6 - Bible en langue guiziga

⁶ Anja tiɓi ɗik mujom ati ndra na, a gi slra mezle wãˀ, gimezlehey ndra magaka taŋ gu tisi Kristu na, biga taŋ gar.

FILEMOŊ 1:6 Iomraidhean Croise

Matiye 25:16

Gawla mulum miliyoŋ zlum tuwa, a ru, a mbiɗi di haŋ kutum, a lum yam naŋ miliyoŋ zlum ma.

Matiye 5:16

Naŋ kine ya, anja li minjahha kum a pusluɗ a mihiri mizli, ɓa taŋ mapuraka mezle kum magaka na, a gaka dudok da Cine kum misi a muŋ.

KORENTIHEY MUDUMBUŊ 14:25

Ɓi miyaŋ ngir mevele, a njik le, a sa tumbulo Buymisemuŋ, huruk a ruwuy, a sa putukul a mbuŋ naŋ hã a sa til mi: «Buymisemuŋ naŋ da wuzla kumo gisiŋ!»

KORENTIHEY MUDUMBUŊ 16:9

Asi ko ti mesene ɗuwoy misi haɗa na tekeɗe kwana, miviŋ a wun le firndiw wãˀ ɓa i ga slra ɗu.

FILIPIHEY 4:8

Sukum ɗuwoy, gwat mindir ngi gi anihĩ: Kam slimiɗ ar gwat mikaslsla, gwat mupuɗaw, gwat mijeŋŋe, manja dili, mindila le ngi wuɗu, mindila le ngi ɗuvaŋ hirnga, gidaŋ ngi gimezleŋ, mindila le ngi ngila wuy. Gwat tayna gar na, gam taŋ slra.

KOLOSOY 1:9

Vurˀe, zle ti hin ndra micinaka ɓi kum na, i pulaka diradibiɗ vur kumo ta. I ra cufuɗaka Buymisemuŋ, ɓa ki sinaka gwat naŋ mawuɗo kuy kuy wãˀ, ɓa ˀUf naŋ a vulukum sinmijileŋ gar waɗ lesle,

KOLOSOY 3:10

Yo ki kam kpak ngi vu nawaya le. I kpak ngi vu ngi mbur nawaya, maɗiyi nawaya nawaya ndrehhe, ɓa a tiri kaɓa Buymisemuŋ migi naŋ vuna, ɓa a ndila si na Buymisemuŋ kuy kuy wãˀ.

Ɗerewol TIT 3:14

Sey mizli ndraˀahaya kwana, a dubunaka gi gwat mezle ti jiviɗ naŋ kuy kuy, ɓa a jinaka mizli ar gwat taŋ mawuɗam gurjike. Kahana na, naɓa a ndiram joˀ joˀ ngatara ta.

HEBEREY 6:10

Asi mike na, Buymisemuŋ naŋ jeŋŋe, slra kum ati wuɗavu kum mibigaka ti slimiɗ naŋ, ti kum mijinaka misikristuhoy zleˀe ati kum mira gaka hã dana aruŋ gar na, naŋ anta puyuk di hirnga ta wãˀ.

Ɗerewol ZAK 2:14

Sukum ɗuwoy, da mbur a ɓi: «Y'ada i tiɓi,» amma da naŋ anta biga tiɓi nah vuna ti slra ta si na, kite a gi gwat le kwa? Tiɓi misi kanah, a lih vu gu kwa?

Ɗerewol ZAK 2:17

Naŋ kanah ya, tiɓi manja slra na, i mumuca le.

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

PIYER MUDUMBUŊ NAŊ 3:1

Kum ngwasay kwana, hinam hirnga a mbuŋ zil kumoy aya, da ko mizli mekelemey anta ngumam tiɓa ɓi ngi Buymisemuŋ ta tekeɗe kwana, ɓa a sa lumoko taŋ manja mingiɓi aseˀe, a tiɓaka Buymisemuŋ tisi gi gwat mezle ngi ngwas taŋhay na.

PIYER MUDUMBUŊ NAŊ 3:16

Amma mbiɗaka taŋ di ti mi teˀteˀ, ti ˀay mezle, ti wuluk ngir mevel mezle wãˀ, ko da mizli ara kupukum ɓi kwana, taŋ mapuraka gi gwat mezle asi kum mujom ati Kristu tuwa na, ɓa a sa pa taŋ mesem.

PIYER MUCUW NAŊ 1:8

Asi da gwat tayna t'ada avu kumo haɗa na, a sa tiri ti kum wirwir, yo gidaŋ gidaŋ ngi si na Buy ndra Yesu Kristu.