FILEMOŊ 1:16 - Bible en langue guiziga

¹⁶ Anta ka beke mata, amma naŋ zuwen angi beke: I sukum ɗik misikristu ka mawuɗaŋ. Yi wuɗaŋ haɗa, amma kisa wuɗaŋ haɗi fineˀ ya ma, anta asi i mburo si ta, amma asi i sukum ɗik misi Kristu ma gar.

FILEMOŊ 1:16 Iomraidhean Croise

Matiye 23:8

Amma kumo, anja a zulukum ‹Kumani› ta, asi Kumani kumo, naŋ purla si, yo kumo gar i sukumuŋhoy.

SLRA 9:17

A dirba nah, Ananiyas a ru, a ci ng'ar hay tuwa, a bucaŋ haŋ a hirnga, a ɓaŋ: «Sukum ɗu Sawul, mislino ya ɓa ngi wunuw hiri a muŋ, yo ɓa ki nih ti ˀUf Mipal na, i Buy Yesu mubuguw vu a jiviɗ zleˀe tuwa.»

KORENTIHEY MUDUMBUŊ 7:22

Asi mbur beke, Bumbulvuŋ muzulo di le na, a luuma hirnga naŋ le asi naŋ mujom ati Bumbulvuŋ na. Naŋ kine ya, mbur diimu, Kristu muzulo di le kwana, i beke ngi Kristu.

KOLOSOY 3:22

Kum bekehey, cinam mi ar gwat gar da buy kumoy misi a ruwuy aka. Gaka taŋ slra, anta asi ara juɗukum ta, anta kaɓa ki gam di i gwat ngi cira hiri da mizli ta. Amma gaka ti mevel mezle ngi mizli muzluwun ti Buymisemuŋhoy.

TIMOTE MUDUMBUŊ NAŊ 6:2

Beke misi buy taŋhay i mitiɓihey na, anja a hirsaka taŋ vur taŋ i sukum taŋhaya ta. Amma anja a gaka taŋ slra kuy kuy jaka, asi buy taŋhay i mitiɓihey, yo i sukum taŋhay Buymisemuŋ mawuɗ taŋ haɗa, yo taŋ kwana, ara pulaka taŋ gir ti slra taŋ mezlehey na. Sey ki dubuna gwat hana da mizli, yo ki til di mi.

HEBEREY 3:1

Vurˀe, kum sukum ɗu misikristuhoy, Buymisemuŋ muzulukum na, puram hiri ng'avu Yesu, naŋ mislin, yo masay madiɗa a mbuŋ Buymisemuŋ ngi tiɓi ndra manjikaka na.

ZAŊ MUDUMBUŊ NAŊ 5:1

Ko wa gar matiɓa, Yesu i Kristu na, i zuŋ ngi Buymisemuŋ, yo ko wa gar mawuɗ Buymisemuŋ Cine ngi mizli na, naɓa a wuɗ zuŋ ngi Buymisemuŋ vuna ya.