FILEMOŊ 1:1 - Bible en langue guiziga

¹ I ya Pol, ya mbur dangay asi ɓi ngi Yesu Kristu, waɗ sukum ndra Timote matuhukuw ɗerewol hana da ka Filemoŋ, ka ngama ndra muyummo, ndra magam slra bummoˀ,

FILEMOŊ 1:1 Iomraidhean Croise

SLRA 16:1

Pol a ndil a Derbe, waɗ a Listre. Mbur mitiɓi mekelem ada a diga, a zilaka Timote. Mumuŋ naŋ a tiri mitiɓi le, yo cine naŋ i mbur Grek.

KORENTIHEY MUDUMBUŊ 3:9

Asi ndr'i migi slra ngi Buymisemuŋhoy jom ati naŋ. Kum i guva Buymisemuŋ mahuvaŋ, hay naŋ mandiraŋ.

KORENTIHEY MUCUW NAŊ 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu, i ya ati sukum ɗu Timote mutohoko ɗerewol hana da Cikil ngi misikristu, mizli ngi Buymisemuŋhoy misi a hirwuy Akaya gar.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

EFESEY 3:1

Vurˀe, ya Polo, yi mbur dangay asi Yesu Kristu vur kum Yudehey ta na.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 6:20

Ya misi yi mislin, yo mujuwikiy ti celelu angi dangay na, aseˀeŋ. Tumbuloko Buymisemuŋ, ɓa i ɓi manja zluwun ka naŋ mawuɗo.

FILIPIHEY 1:1

I ya Pol ati Timote, gawla ngi Yesu Kristuhoy matohoko ɗerewol hana, da kum mizli ngi Buymisemuŋhoy gar, misi a hurwuy Filip, ar kum mujom ati Yesu Kristu, da mizli madiɗa ngi Cikil ngi misikrisktuhoy waɗ da mijini mitiɓihey.

FILIPIHEY 2:25

Amma i pura na, a zlir le ɓa i slinukum sukum ndra Epafrodit a muŋ. I gam slra le jom, yo i cikam vu le cuwa. I mbur kum mislinoko di ɓa ngi jiniy, dambalaka yi ro ti may naŋ vuna zleˀe.

FILIPIHEY 4:3

Yo ka kwana, cil ɗu miteŋteŋ, i cufuɗuw ɓa ki jina taŋ, asi a cikam vu le ati ya ngi tila mi ti Ɓimezle. Taŋ ati Klemaŋ waɗ cil ɗu mekelemey, ndra migam slra bumoˀ ati taŋ gar na, a tohoko slimiɗ taŋhaya le angi ɗerewol ngi siifa.

KOLOSOY 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu, waɗ sukum ndra Timote,

KOLOSOY 4:11

Yesu mazilaka Zustus na, a jukum haŋ le ya. A wuzla Yudeheye, sey i mizli mimakir tayna tewle, migam slra bumoˀ ati ya vur Zumabuy ngi Buymisemuŋ. Taŋ a tislikiy mevel le haɗi teˀe.

TESALONIKEY MUDUMBUŊ NAŊ 3:2

Joˀ i slinaka sukum ndra Timote ng'avu kumo, ɓa a vulukum gidaŋ, a tuslukum mevel, ɓa ki tiɓakam. Timote i mbur magam slra jom ati Buymisemuŋ ngi tila mi ti Ɓimezle ngi Yesu Kristu.

TESALONIKEY MUCUW NAŊ 1:1

I ya Pol ati Silas waɗ Timote matuhukum ɗerewol hana da kum Cikil ngi misikristu ngi Tesalonikey. Kum mizli ngi Cine ndra Buymisemuŋ waɗ Buy ndra Yesu Kristu.

TIMOTE MUCUW NAŊ 1:8

Buy ndra na, anja ki gi mesem ngi ga sedewo naŋ ta so, yo ya mbur dangay aseˀe na kwana, ki gi mesem ti ya ta ma. Amma sukum bonoy cuwa asi Ɓimezle, ti njahha hiri njah asi gidaŋ Buymisemuŋ mavula na.

FILEMOŊ 1:23

Epafras mbur dangay, cil ɗu tisi Yesu Kristu na, a juw haŋ le,

FILEMOŊ 1:24

waɗ Mark, Aristark, Demas waɗ Luk, mizli ndra magam slra bummoˀhoy.

FILEMOŊ 1:9

Ya macufuɗuw na, asi ya mawuɗow. Haˀaw, ya midigila Pol, yo wurenna, yi mbur dangay asi Yesu Kristu.