DANIYEL 9:3 - Bible en langue guiziga

³ I mbiɗi hiri ng'avu Bumbulvuŋ Buymisemuŋ, ɓa i diraŋ dibiɗ, i tumbuloŋ, ti gi dalyam, i ki zana ngi vagay waɗ kor kor fucu avu vu.

DANIYEL 9:3 Iomraidhean Croise

SAMUYEL MUCUW NAŊ 12:16

Davit a cufuɗ jini avu Buymisemuŋ vur mangala. Joˀ a zla a gi dalyam, yo naŋ mici le ngi hay naŋ na, ti duvuɗo, a hin ɓaˀ a ruwuy.

ESDRAS 10:6

Esdras a slikiɗ tir li naŋ misi a mbuŋ hay ngi Buymisemuŋ tuwa. Aru kini ng'avi viŋ ngi Yohanaŋ, mangal ngi Eliyasip. Naŋ mindil a diga na, a zum ɗaf ta, a si yam ta, asi a ro lik vur mizli mijahay zleˀe mumoko ti ruwuy mulak, migam teŋteŋ ta na.

ESDRAS 8:21

A ciki mizaw Ahawa tuwa na, i til mi ti ɓi ngi dalyam, i hinam hirnga a mbuŋ Buymisemuŋ ndra, ɓa a ga ndra mezle, i zuɓaka mulaka jam jam ati ziri ndrahay waɗ ti gazlanga ndraˀahaya.

ESDRAS 9:5

Ti pas ngi mikuli ngi pastaˀ tuwa na, i slikiɗ tir ya mukupuyah ti zana ati godo ɗu mingira tuwa, i huruk huruk ti miliwis, waɗ haŋ hoc ng'avu Bumbulvuŋ, Buymisemuŋ ɗu,

NEHEMI 9:1

Angi hin kukur cuw nga mufaɗ ngi kiya mitarnaˀ naŋ nah na, Israyeleye, zana ngi vagay ɓaˀ ɓaˀ avu vu, yo hohoy kor kor avu vu, dar a kusom ɓa a gam dalyam.

ESTER 4:16

«Yudehey misi a Sus gar na, ara kuso taŋ, ɓa ki gam dalyam vur ya: gam hin makir, ki zumam gwat ta, kisam gwat ta, papas ati duvuɗ naŋ gar. Ya ati ziri mongoso migi slra ɗuwoyo kwana, i sa gam dalyam kanah ya. A dirba nah, ko ti ɓimujuwa gar na, i sa ru ng'avu buyo da a bi i ngi muc kwana, i sa muc si.»

Ɗerewol JOP 42:6

Vurˀe, mesem ara giy ti vu ɗu vuna, i ra zil marava ar ɓi ya miɓa zleˀe na, y'ani burfuk burfuk ar murɓuk waɗ ar fucu. BUMBULVUŊ MIƊIYA JOP AMUŊ

DIMISEY 35:13

Hirak ti mesene ɗuwoy muroko ti jiji na, yi ki zana ngi vagay, i ro luɓ luɓ a mbuŋ Bumbulvuŋ ti gi dalyam, yo diradibiɗ ɗu, i mahiri nah, i mahiri nah.

EZAYI 22:12

Tapasa, Bumbulvuŋ Buymisemuŋ, misi gidaŋ wãˀa, a ɓukum ɓa ki tuwam, ki tuwam irslik irslik, ɓa ki hijaka hirngahaya, yo ɓa ki kam zana ngi vagayay.

ZEREMI 33:3

Ziliy, i sa ziluw mi, i sa njikuw gwat madiɗahay, gwatay muɗum, ka misina taŋ ta.

EZEKIYEL 36:37

Ya Bumbulvuŋ, Buymisemuŋ i ɓi na: gwat ya masa gi ani ma: I sa pula jiviɗe ɓa Israyeley a lumikiy, ɓa i sa jiniˀis asi taŋ. I sa ska taŋ kaɓa ginew taˀ gezleŋ.

DANIYEL 6:10

Ar nah na, buy Dariyus a tuh ɓi micica ngi tika gwatay, a ɗuva haŋ ara.

DANIYEL 9:2

Ar vi mudumbuŋ naŋ ngi zumabuy ngi Dariyus na, ya Daniyele, i ra pur ɗerewoloy, i luuma Bumbulvuŋ misla vi kukur tarnaˀ da walahay Zeruzalem masa ndir i diŋ, naŋ miɓa da mijiviɗ Zeremi na, a wuɗ a gi muduba.

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

DANIYEL 9:4

I ra dir dibiɗ da Bumbulvuŋ Buymisemuŋ ɗu, i njikaŋ mungra ɗuwoyo, i ɓaŋ: «Aw Bumbulvuŋ ɗu! Ka ki Buymisemuŋ madiɗaŋ, yo magi zluwun da mbur. Mizli mawuɗam ɓimuɗuva ɗikey, yo majaka taŋ a hirnga na, ki ndir ti jumoˀay waɗ ka teŋteŋ avu taŋ.

ZOWEL 1:13

Kum masayay, kam zana ngi vagay, tuwam kaɗam kaɗam, kum migi slra ngir li gi mikulihey, tuwam ˀirslik ˀirslik. Migi slra ngi Buymisemuŋ ndrahay, soko, hinam ti zana ngi vagay ɓaˀ ɓaˀ avu vu, hapa ngi vul ati mbaazla ngi pusl, anta ram di ar hay ngi Buymisemuŋ kumo mata.

ZOWEL 2:12

Bumbulvuŋ a ɓi: «Moko ng'avi ya zle wurenna, ti mevel kum wãˀ, gam dalyam, tuwam, tuwam kaɗam kaɗam.

ZONAS 3:5

mizli ngi digahay ara tiɓaka ɓi ngi Buymisemuŋ. A tilam mi ɓa a gam dalyam, a kam zana ngi vagay, diga mizli madiɗahay hã avu ziri.

Matiye 17:21

Amma sukwi ngi setene misi kahana na, a ɓul gu ta, sey ti dira dibiɗ ati gi dalyam far.

Ɓimezle ngi Yesu Kristu LUK mitil di mi 2:37

A cifi wudiga joˀ pal naŋ, hã vi ngi yi naŋ a ndila kukur dangafaɗ nga mufaɗa. N'anta pula hay ngi Bumbulvuŋ ta, ara huruk huruk a mbuŋ Buymisemuŋ duvuɗ ti papas gar ti gi dalyam ati dira dibiɗi.

SLRA 10:30

Korney a mbiɗaŋ di: «Dana a gi le ani hin makir. Ti pas ngi ɓula away ngi hay kahana na, yi ro dir dibiɗ a hay ɗu. Gurjik si na, mbur misi ti zana miwilik wilik deŋ a mbuŋ ɗu.