DANIYEL 8:3 - Bible en langue guiziga

³ I zuɓa hirnga paɗɗa ɓa i pur hiri, keɗ na: zlengerek deŋ a mi mizawa. Naŋ ti durumoy cuw. Durumoyo, taŋ jek jek haɗa, pal numuŋ naŋ jek haɗa, a funa mekeleme le, mijek tuwa, a puso a dirba.

DANIYEL 8:3 Iomraidhean Croise

ƁI NGI HIN GAR MUDUMBUŊ NAŊ 21:16

Davit a zuɓa hiri, keɗ na, modro ngi Bumbulvuŋ deŋ ar wala ngi ruwuy ati muŋ, maslalam naŋ mumuɗa kaw a haŋ, pak ng'ar Zeruzalem. Davit ati mizli micawwahaya, taŋ ti zana ngi vagay a vu vu, a hurkom huruk huruk a ruwuy.

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESDRAS 4:5

Diga avu Sirus muzum buy a Perse, hã avu Dariyus muzum buy a Perse ma na, ara vulaka dala da mukuti vu ngi mamay buyoyo, ɓa a tikaka slra, Yudehey muwuɗam ngi gi naŋ gar.

ESTER 1:3

Angi vi mimakir naŋ angi zuma buyo na, Zerses a di ɗaf ngi muguzlum da mizli madiɗa ngi slra naŋhay ati gawla naŋhay gar. Soje ngi Persehey ati ngi Medihey cek cek waɗ mizli hirnga hirngahay ati buy miwi liheye gar, a soko nga mbuŋ naŋ.

EZAYI 13:17

Mizli Medihey mahĩyãka ɓiri bara ta, yo ko da a vulaka taŋ ɓiri tapasl tapasl kwana, t'anta wuɗam ta, i sa pa taŋ mi ɓa ara kiɗaka taŋ.

EZAYI 21:2

I pur gwat ti kleŋ, gwat magi zluwun ani. Muvula mbur mavul cil naŋ ngi ji, mihirya gwat, mahiryi gwat. Buymisemuŋ a ɓi na: «Elamay, zlaka kiɗa vu! Medey, ndahaka walahaya! I sa kiɗa mi ngi huhumo vu walahay nah wãˀa.»

EZAYI 44:28

Yi ɓi vur Siruso: «Naŋ i mijigina mizli ɗuwoy.» Gwat maciriy hiri gar na, i sa ga ɓa a gi kasl kasl avu naŋ. Yo i ɓi vur Zeruzaleme ma na: «Anja a ndiraka hiri naŋ a muŋ», yo hay nga ya Bumbulvuŋ: «Anja a ɗuvaka virzi naŋ a muŋ.

ZEREMI 51:11

Bumbulvuŋ a juw ɓi le ngi ngizla Babiloŋ, a puɗuka wuluk ngi buy Mediheye le, a ɓi: Mbisaka mi ngi luvutoyo, hilaka mbarayaya. Bumbulvuŋ a pul di i cuwal, cuwal ngi hay naŋ.

DANIYEL 10:5

I zuɓa hirnga paɗɗa, keɗ na, mbur deŋ ti zana ngi gugumay mislirkeɗ, kanda ngi ɓiri tapasl tapasl pal naŋ wak a dingiriŋ.

DANIYEL 2:39

A dirba ɗike, zumabuy mekelem a sa bawa, a ndila ngi ɗike ta. A dirba nah mana, zumabuy mekelem ma, mimakir naŋ, i mipa ti ɓiri gaza. Naŋ a sa wa hirwuyo kurzluˀ wãˀ.

DANIYEL 6:28

A cuko mburo tir bonoyo, yo a lahaŋ, a gi gwat mabigi gwat ati gwat migam ɗaˀ tahay a muŋ waɗ a ruwuyo, ani a laha Daniyele le tivi mi ngi moboroyo.»

DANIYEL 7:5

A dirba nah, i pur gwat misahmi mucuw naŋ, naŋ kaɓa luˀuf. A cifi jangaw tir vay purla, cakay makir ngik ngik avu sliŋ. Joˀ a ɓakaŋ: «Slikiɗi! Humbuɗ useˀe kuy kuy.»

DANIYEL 8:2

I ra pur gwat ti kleŋ, keɗ na, ya a Sus walahay madiɗaŋ, angi hirwuy ngi buy miwi li ngi Etam, i ra pura ti kleŋ, ya vuna, ya gweˀ a mi mizaw Ulay.

DANIYEL 8:20

Zlengerek misi durum cuw ka mupura na, i buy ngi Medi ati ngi Persehey.

ZAKARI 2:1

I zuɓa hiri paɗ na, i pur gwat: i durumoy mufaɗa.

ZAKARI 5:1

I zuɓa hiri paɗɗa ma na, i pur gwata: i ɗerewol maslikiɗ kifilihhe.

ZAKARI 5:5

Modro maɓiy tuwa a sawa, a ɓiy na: «Zuɓa hiri paɗɗa so, pura gwat mabo ngi diga na.»

ZAKARI 5:9

Akẽh na, i zuɓa hiri paɗɗa ma, i pur gwata: ngwasay cuw maram. Kirpasl taŋhayakaɓa ngi membesembesehey, himiɗ ara ru ti taŋ satatata. A zuɓaka gwat ngi wi moyom ngi gwat tuwa ti vu ruwuyo nga muŋ.

ZAKARI 6:1

I zuɓa hiri paɗɗa ma, i pur gwata: mota ngi pilis mufaɗa, ara boko tir wala muwãhay, yo muwã tayna vuna i muwã ngi ɓiri gazahay.

SLUFA VU 24:2

Balaˀam a ɗuva hiri taˀ na, a pura Israyeley mipaka slala vur sukwi vur sukwi. Dar ˀUf ngi Buymisemuŋ a sawa ar naŋ.

ZOZUWE 5:13

Ngi pas numuŋ ada na, Zozuwe a ro gweˀ avu Zeriko. A zuɓa hiri nga muŋ paɗɗa, keɗ na, mbur deŋ, hiri pulaˀ ng'ar naŋ, maslalam kaw a haŋ. Akẽh na, Zozuwe a kirih ng'avaŋ, a ɓaŋ: «Ki mbur ngisi ndra kwa malla ngi mizli mazliram ti ndra ta na kwa mbrike?»

ƁIMUNJUYO 13:11

Dar yi pur gwat misããmi mekelem ma, ara bo ti ruwuy, durumoy a hirnga cuw kaɓa zlengerek. Amma da ara ɓi na, ka ngoŋngoŋ.

ƁIMUNJUYO 5:6

Dar yi pur tumuŋ deŋ a wuzla janga ngi buyo, a wuzla gwat misããmi mumufaɗay, waɗ a wuzla mizli micawwahay kukur cuw nga mufaɗ tuwa. Tumuŋ nah, a pur kaɓa a kiɗaka le zleˀe vagay ɗaˀa. Naŋ ti durum tarnaˀ, hiri tarnaˀ. Tayna i ˀufoy tarnaˀ Buymisemuŋ mislino taŋ ng'asi ruwuy gar.