DANIYEL 7:2 - Bible en langue guiziga

² Daniyel a zla a ɓi: «Ngi hiikuɗo, i pur gwat ti kleŋ. Himiɗ a so tisi diˀisey mufaɗ taŋ ng'ar mubuliy madiɗa.

DANIYEL 7:2 Iomraidhean Croise

EZAYI 17:12

Mizli misikiniy, mabucam ɓar ɓar, a zuɓ ngiɗ ngiɗ kaɓa mubuliy mahurum. Sukwi ngi mizli a mbiɗam hirbis hirbis, mi wuwwo kaɓa mekepel majuruf a mizaw.

ZEREMI 49:36

Tir vay muŋ, yo tir vay ruwuy, tisi pas ngi miprik, yo tisi pas ngi pastaˀa, i sa go himiɗ mumufaɗay na ng'ar Elama, i sa zliɗa taŋ hirnga suɓulak si li gar, mizli Elamay mizliɗam hirnga na, a sa ndilam angi sukwi gar, sukwi masa ndir manja a ndilam a diga na anta.

ZEREMI 51:42

Mubuliy ara zuma Babiloŋ, mubuliy a ndaŋ le ti diɓel naŋ maslikiɗ jirif jirif ti gidaŋ na.

DANIYEL 11:4

Da naŋ misa cifi le kuy kuy ar buyo na, gidaŋ nga naŋ ngi zuma buyo a sa kiɗi, zumabuy naŋ a sa wuɗkaka asi gazlavay kuɗgulum gar. Anta i dideˀ naŋhay masa zumaka li naŋ ta, anta sa ndilaka gidaŋ nga naŋ miwi di mizli zleˀe na ta, asi zumabuy nga naŋ a sa kiɗi, anta sa mo ng'asi haŋ taŋ mata.

DANIYEL 2:19

Akẽh na, ngi duvuɗo, gwat mufuna wuluk ngi mbur tuwa, a njik avu Daniyele, a pura ti kleŋ. Joˀ a ga sise da Buymuŋ.

DANIYEL 7:13

I ra pur gwat ti kleŋ ngi duvuɗo ni, keɗ na, gwat mibam vu ati Mangal ngi Mbur, ara so, gazlavay gun hirnga naŋ. A ndilo sesẽŋ avu mbur midigila, dar a kirohoko di nga mbuŋ naŋ.

DANIYEL 7:7

A dirba naŋ ma na, i ro pur gwat ti kleŋ ngi hiikuɗo na si, keɗ na, gwat misahmi mumufaɗ naŋ deŋ. A gi zluwun, a muɗ didaka, naŋ gidaŋ haɗa. Naŋ ti sliŋ ngi ɓirihey ngoryoŋ ngoryoŋ. A ra zum gwat, ara nguwa gwata, a gudubura is naŋ asi sar. Naŋ wal avu gwat misahmi mudumbuŋhoyo, yo naŋ ti durumoy kuruˀu.

DANIYEL 8:2

I ra pur gwat ti kleŋ, keɗ na, ya a Sus walahay madiɗaŋ, angi hirwuy ngi buy miwi li ngi Etam, i ra pura ti kleŋ, ya vuna, ya gweˀ a mi mizaw Ulay.

DANIYEL 8:8

Bazuway ara gil kuy kuy. Amma naŋ minaha vu so na, durum naŋ madiɗa tuwa a ngil, mekelemey yor mufaɗ, a boko ar li naŋ, pulaˀ pulaˀ ng'asi diˀis mumufaɗaya.

ZAKARI 6:5

Modro a mbiɗiy di: «Hanayna i himiɗ ngi si gazlavay misi tir vay mufaɗ midedeŋ dedeŋ a mbuŋ Buy ngi ruwuy keɗeɗe.»

Matiye 24:31

Yo a sa slina modro naŋhay misi a muŋ, ɓa a faka tulum a mivay ngi ruwuy mufaɗ taŋ gar. A sa kusoko mizli naŋ muwuna taŋ angi duniya kuɗgulum gar.

ƁIMUNJUYO 17:15

Joˀ modro tuwa a ɓiy ma: «Yam ka mupura, ngwas sulome muanga na, i mizli gar, i zigiduw, i sukwi ngi si ruwuy, yo i mizli maɓam mi wal wal gar.

ƁIMUNJUYO 7:1

A dirba nah na, i pur modro ngi Buymisemuŋhoy mufaɗ, dedeŋ ar zlirɗiy ngi hirwuy mufaɗ taŋ gar. A tikaka himiɗ mumufaɗ ngi si duniya gar, ɓa a gi asi ruwuyo ta. Ko angi mubuliy, malla ko angi widis pal tekeɗe, a gi ta.