DANIYEL 7:1 - Bible en langue guiziga

¹ Ar vi mudumbuŋ naŋ ngi Baltazar, mazum buy a Babiloŋ na, Daniyel a ro tup ar li hin naŋ, musuwun a gaŋ, a pur gwat ti kleŋ. Dar a toho musuwun nah ti tuhu.

DANIYEL 7:1 Iomraidhean Croise

ZLI VIRZI 15:1

A dirba gwat tayna migam na, Bumbulvuŋ a biga vu da Abram ar musuwun, a ɓaŋ na: «Ki zluwun ta Abram, yi mbaray ɗiki, i sa vuluw migir ɗike haɗi.»

ZLI VIRZI 46:2

Ngi duvuɗo, Buymisemuŋ a biga vu da Zakop ar musuwun, a zilaŋ «Zakop, Zakop.» Zakop a zilaŋ mi: «Y'ani.»

Ɗerewol JOP 4:13

Ɓi hana a gi hirak ar musuwun ngi duvuɗ, lesl ngi mizli mizliɗ le, yo ti hinje mija mizli le.

EZAYI 30:8

Buymisemuŋ a ɓa Ezayi: «Wurenna, a mbuŋ taŋ mizli Israyeleye, toho ɓi hana toh toh ar dum mikambraˀa kambraˀa, toh toh mekelem ma, ɓa sa tiri i sedewo ngi mbuŋ, hã ngi sete.»

EZAYI 8:1

Bumbulvuŋ a ɓiy: «Zuɓ beleler madiɗa, toho gwat ani ara nguɗ nguɗ ti milngama. Toho na: ‹Kutum, ara tuɓoko gwat ngi lum ar vurumo, wusam vu, ara voko gwat ngi mesene kumoyo.›»

ZEREMI 23:28

Mijiviɗ mumusuwun le na, anja a sluf di i ɓi ngi musuwun naŋ na cirre gwat naŋ, amma mijiviɗ misi mingiɓi ɗu na, anja a til mi ti ɓi ɗu na ti jiviɗ naŋ kasl kasl! Mujumo cekwesl ati mengeleleŋ ngi gwat i mike? I ya Bumbulvuŋ maɓi.

ZEREMI 27:7

Sukwi ngi mizli ngi si ruwuyoy gar, a sa cinakaŋ mi, yo a sa cinaka mi da mangal naŋ waɗ da dideˀ naŋ, hã tapas hirwuy naŋ masa hin hirnga a mbuŋ sukwi ngi mizli haɗa waɗ a mbuŋ buy migidaŋhay.

ZEREMI 36:32

Dar Zeremi a wuɗ ɗerewol mekelem, a vula da Baruk mangal ngi Neriya, mbur mutoho gwata. Zeremi ara ɓaŋ mingiɓi misi zleˀe ar ɗerewol mudumbuŋ, Zoˀakim, buy Zuda muwura tuwa cek ceke, joˀ Baruko kwana, ara toho cici, waɗ mingiɓi mekelemey haɗi mibam vu toh toh nga meˀe ma.

ZEREMI 36:4

Baruk, mangal ngi Neriya, Zeremi a zilo di, ara slufaŋ mingiɓi Bumbulvuŋ miɓaŋ di na gar, dar Baruko kwana, ara tohoŋ.

EZEKIYEL 1:1

Ngi hin zlum, ngi kiya mumufaɗ naŋ, ngi vi mizli ngir makir naŋ na, naɓa ya Ezekiyele, i ro a mi mizaw Kebar, a wuzla mizli mijahay misi a ruwuy mulaka. Akẽh na, muŋ a wucuh wucah, i pur gwat ngi Buymisemuŋhoy ti kleŋ.

EZEKIYEL 40:2

I pur ti kleŋ, keɗ na, a zuɓiy fangal nga hirwuy Israyel. Ra cifiy a hirnga muwã migila suyom. Tir vay ruwuy naŋ, gwatay ada kaɓa hay ngi walahay mindira ndar ndar.

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

DANIYEL 2:1

Buy Nabukodonozoro, ti naŋ mazum buy ngi vi mucuw naŋ na, musuwun a gaŋ. A gaŋ lesle welele, hã a hinje mata.

DANIYEL 2:26

Buy a zla a ɓa Daniyel mazilaka Beltasar tuwa: «Musuwun migiy na, ki bigiy di gu kwa, yo ki ɓiy mbiɗeˀvra naŋ gu kwa?»

DANIYEL 4:13

Wuluk naŋ, a sa mbiɗaka, a sa tiri i wuluk ngi mbur titira mata, a sa vulakaŋ wuluk ngi gwat misahmi. Joˀ a sa ndir kanah hã vi tarnaˀ.

DANIYEL 4:5

A dirba nah wãˀ na, Daniyel a cawa. A zilaka Beltasar ma, kaɓa kuli ɗuwoy muwuɗam. Sin ngi kuli mezleheye, ada ar naŋ. Yi ɓaŋ ɓi ngi musuwun ɗu so:

DANIYEL 5:1

Ngi pas numuŋ ada na, buy Baltazar a gi muguzlum madiɗa da mizli hirnga naŋhay durmuku. Naŋ vuna ara si mbaazla a wuzla taŋ ya.

DANIYEL 5:22

Naka, mangal naŋ Baltazara, ki si na gwat tayna le gar ngbaŋ, ko ki hin hirnga ta na si.

DANIYEL 5:30

Kalla ngi hiikuɗ naŋ vuna si na, a kiɗaka Baltazara Buy Babiloŋ vagay.

DANIYEL 7:13

I ra pur gwat ti kleŋ ngi duvuɗo ni, keɗ na, gwat mibam vu ati Mangal ngi Mbur, ara so, gazlavay gun hirnga naŋ. A ndilo sesẽŋ avu mbur midigila, dar a kirohoko di nga mbuŋ naŋ.

DANIYEL 7:15

Ya Daniyele, didak a miɗiy hã sesẽŋ avu membezleŋ ngi vu ɗu, yo gwat ya mupura ti kleŋ tuwa, ɓi naŋ ara giriy a mevele haɗi.

DANIYEL 7:7

A dirba naŋ ma na, i ro pur gwat ti kleŋ ngi hiikuɗo na si, keɗ na, gwat misahmi mumufaɗ naŋ deŋ. A gi zluwun, a muɗ didaka, naŋ gidaŋ haɗa. Naŋ ti sliŋ ngi ɓirihey ngoryoŋ ngoryoŋ. A ra zum gwat, ara nguwa gwata, a gudubura is naŋ asi sar. Naŋ wal avu gwat misahmi mudumbuŋhoyo, yo naŋ ti durumoy kuruˀu.

DANIYEL 8:1

Ti Baltazar mazum buy ngi vi mimakir naŋ na, ya Daniyel i pur gwat le ti kleŋ, a dirba ngi dumbuŋ na.

AMOS 3:7

Naŋ kine, Bumbulvuŋ Buymisemuŋ, naŋ anta gi gwat neˀ manja a njika da mijiviɗ gawla naŋhaya ta.

HABAKUK 2:2

Bumbulvuŋ a mbiɗiy mi, a ɓiy na: «Gwat ka mupura ti kleŋ na, toho toh toh, yo mbiɗeˀvra naŋ, toho nguɗ nguɗ ar belelerey, ɓa mizli a slufaka calala,

SLUFA VU 12:6

Bumbulvuŋ a ɓa taŋ: «Cinaka mingiɓi ɗu ani kuy kuy: Da mijiviɗ ada a wuzla kumo na, ya Bumbulvuŋ, i bigaŋ vu, ɓa a puriy ti kleŋ, yo i ɓaŋ ɓi ar musuwun.

ROMAHAY 15:4

Dambalaka, ɓi mutohoko zlezle gar na, a tohoko ɓa ngi biga ndra gwata, ɓa i njaham hiri njah, asi ɓusaɓi ati tisla mevel, naŋ mavula ndra di.

KORENTIHEY MUCUW NAŊ 12:1

Sey i huhum vu kwa? I gwat mupuɗaw ta ngbaŋ. Dambalaka i sa ɓa ɓi ngi gwatay ya mupura taŋ ti kleŋ ati gwat Bumbulvuŋ minjikiy taŋ.

ƁIMUNJUYO 1:19

Gwat ka mupura ati ka mapura magi wurenna, waɗ masa gi a dirba gar na, tohoŋ.

ƁIMUNJUYO 10:4

A dirba ndisl ngi vuŋ mitarnaˀ tuwa na, i wuɗ ɓa i toho zleˀe, joˀ yi cin ˀay ka ngi mbur paɗ ti muŋ, a ɓiy: «Ɓi ngi ndisl ngi vuŋ mitarnaˀ miɓaka na, pula teˀ a kwacay ɗiki, ki toho ta.»