DANIYEL 3:1 - Bible en langue guiziga

¹ Nabukodonozor buy madiɗa a pi kuli ti ɓiri tapasl tapasl. Gil naŋ nga muŋ, metir kukur makir, sliprik naŋ, metir makir. Joˀ a ɓa mizli a ng'aka kaˀ ar li micay ngi Dura, hirwuy ngir li Babiloŋ miwa.

DANIYEL 3:1 Iomraidhean Croise

BUYOY MUDUMBUŊ NAŊ 12:28

Zeroboˀama, a dirba naŋ muwuluk kanah na, a vuɗ ziri slahay cuw ti ɓiri tapasl tapasl, dar a ɓa sukwi Israyele: «Ani ki ndiram ar li ru nga Zeruzaleme. Israyeley, Bumbulvuŋ kum anihĩ muduba, naŋ mubo ti kum baɗ ti ruwuy Ezipte tuwa.»

ESTER 1:1

Ɓi mutohoko angi ɗerewol hana na, a cuh ti hin ngi buy mazilaka Zerses. Buy Zerses nah vuna, a wi buy miwi lihey wal wal skat ti kukur cuw nga tarnaˀ, zle a Eŋde hã sesẽŋ a Etiyopi.

DIMISEY 135:15

Kuli ngi sukwi ngi mizli, ko da i ɓiri baraŋ malla i ɓiri tapasl tapasl tekeɗe kwana, i gwat mizli mipaka ti pi ngatara lambaˀ.

BI NGI ISRAYELEY 20:23

Anja kisa gam ti ya kaɓa kuli miɗiya ti ɓiri gaza malla ti ɓiri tapasl tapasl ta, anja ki ɗiyam vuna ta si.

BI NGI ISRAYELEY 32:31

Moyis a mi ng'avu Bumbulvuŋ, a ɓaŋ: «ˀEy ehe! Mizli, a gam mungra madiɗa le, a ɗiyam zuŋ sla le ti ɓiri tapasl tapasl ar deɗe ngi buymisemuŋ taŋ.

EZAYI 2:20

Ti hin nah, kuli mipa ti ɓiri bara ati ɓiri tapasl tapaslay, ɓa a huruk hurukam a mbuŋ taŋ na, mizli a sa hizigaka taŋ da munduwaŋhay ati gujumoy.

EZAYI 30:22

Li ngi ɓiri bara ati kuli kumoy miciɗa ti ciɗey, yo kuli misirita ti ɓiri tapasl tapasl waɗ kuli mipa ti pihey na, sey ki puraka taŋ kaɓa i misi dilihey. Ki sa hizigaka taŋ avra kaɓa gwat mihiryahay le, joˀ ki ɓaka taŋ: «Dilihey».

EZAYI 46:6

Mizli mekelemey ara hiryaka ɓiri tapasl tapasl ngir birtete taŋhaya, a waka ɓiri bara taŋhaya ti kilo. A cufuɗam mbur mipi ɓiri ngi vuɗa gwataya, ɓa a vuɗa taŋ di kuli, a huruk hurukam, a hurukom a mbuŋ kuli vuna.

ZEREMI 10:9

Kuli tayna i ɓiri bara kembreˀ kembreˀ, musoko di ti Tarsis, yo i ɓiri tapasl tapasl musoko di ti Ufas, migaka slra nah i misina slra ngi ɓirihey ati mipi ɓirihey ti pi, aka ka taŋ zana gagaza wit wit, waɗ gagaza ndezze. Miɗiyaka taŋ cek i misina ɗiya gwatay tewle.

ZEREMI 16:20

Mburo, a ɗiyi bumbulvuŋhoy gu kwa? Na zle, a maɗiyam di i bumbulvuŋhoy ta.

DANIYEL 2:48

A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 2:49

Daniyele, a cufuɗ gwat avu buyo, joˀ buy a vula slra ngi ngomna da Sadrak, Mesak, ati Abet-Nego, a hirwuy vay buy miwi li miwa a Babiloŋ. Amma a cufa Daniyele, a mizlingre naŋ.

DANIYEL 3:14

Nabukodonozor a ɓa taŋ: «Sadrak, Mesak ati Abet-Nego, kum macinaka mi da kuli ɗuwoy ta, yo kuli, ya mipa ti ɓiri tapasl tapasl na, kum mahuruk hurukam a mbuŋ naŋ ta na, naŋ kasl kwa?

DANIYEL 3:30

Akẽh na, buy a vula li cifi mezle da ti Sadrak, Mesak waɗ Abet-Nego a Babiloŋ.

DANIYEL 5:23

Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.

DANIYEL 5:4

A saka mbaazla, a hunumaka kuli taŋhay mipa taŋ ti ɓiri tapasl tapasl, ti ɓiri bara, ti ɓiri gaza, ti ɓiri ho gar, ngi dum waɗ ngi ɗuguroyo.

Ɗerewol OZE 2:8

Vurˀe, i sa disla jiviɗ ɗike ti hadaw, i sa tika ti gwat kilak, ko naŋ anta sa luuma li ngi cuh naŋ na mata.

Ɗerewol OZE 8:4

Manja ya miɓa taŋ si na, a cam buy madiɗahay, manja a cifiɗikiy si na, a cam buyoy. Ɓiri bara ati ɓiri tapasl tapasl taŋhaya, a pam taŋ kulihey, ɓa ngi ziza vu taŋ tehhe a muŋ.

HABAKUK 2:19

Misliŋvu miɓaˀ a ruwuyo ki ɓakaŋ: «Slikiɗi.» Malla ɗugur muro lek leke, ki ɓakaŋ: «Puɗuku.» A dubunukum gwat gu kwa? Da ko naŋ sirit ti ɓiri tapasl tapasl malla ti ɓiri bara kwana, ko musuwun fiɗek anta avu taŋ ta na si.

SLRA 17:29

«Da ndr'i ziri naŋhay so na, anja i wulkam kaɓa Buymisemuŋ a bam vu ati kuli mipaka ti ɓiri tapasl tapasl malla ti ɓiri bara ta, malla ko a bam vu ati kuli ɗugur miciɗa ti ciɗ, mbur miciɗa ti sin naŋ waɗ ti wuluk ngi mbur titira ta.

SLRA 19:26

Kum ada puraka, yo kum ada cinaka ta kwa? A Efez tew ta ma, amma kite zlar hirwuy Azi gar, mbur mazilaka Pol nah na a ɓi: ‹Kulihey kum mavuɗaka taŋ, ɓa ki dilkam a mbuŋ taŋ na, i gwat ngi huruk huruk a mbuŋ taŋ gisiŋ ta.› Ɓi nah a wusa zigiduwo le gar, ara tiɓakaŋ.

Slu cuw 7:25

Akẽh na, kuli taŋhay miciɗa ti ciɗey na, kisa wuraka taŋ. Anja ki pulaka vu kum da may gwat, ɓa zana taŋ ngi ɓiri tapasl tapaslay malla ngi ɓiri barahay na, ki pulaka taŋ da kum ta. Naɓa i mungra mukuyta wãˀ avu Bumbulvuŋ Buymisemuŋ kumo.

ƁIMUNJUYO 9:20

Amma mizli mindiramay, bonoy mikiɗa taŋ vagay vagay ta gar na, t'anta zilam marava asi malambaˀ, taŋ migaka ti haŋ taŋ na ta ma. A ra dilkam a mbuŋ milyamay, kuli mipa ti ɓiri tapasl tapasl malla ti ɓiri bara, ti ɓiri gaza, ti ɗugur, malla miciɗa ti ciɗ na si. Gwat tayna, anta puram ta, anta cinam ta, yo anta ram ta ma.