DANIYEL 2:9 - Bible en langue guiziga

⁹ Amma da ki ɓikiy mbiɗeˀvra ngi musuwun ɗu ta na, i sa kutukum gar kumo ti bonoy misi purla. Kumo ki wuɗam ɓa ki gikiy slir, yo ɓa ki gikiy gilaw ngi kutuko gwatay mambuɗama. Na, ɓikiy ɓi ngi musuwun ɗu, ɓa i sina, kisa njikikiy mbiɗeˀvra naŋ gu.»

DANIYEL 2:9 Iomraidhean Croise

BUYOY MUDUMBUŊ NAŊ 22:22

A mbiɗaŋ di: ‹I bi, i ru, i ca wuluk ngi slir a balam mijiviɗ naŋhaya gar.› Bumbulvuŋ a mbiɗaŋ di: ‹Hana i jiviɗ mezle ngi tikin naŋ, ara ga kanah so.›

BUYOY MUDUMBUŊ NAŊ 22:6

Buy Israyele, a kuso mijiviɗeye, a gam gwat ngi mizli skat skat mufaɗa, a cufuɗa taŋ: «Ani zliv i ra gi vurum a Ramot, hirwuy Galaˀat na kwa malla i pula ɓi nah teˀ kwa mbrike?» Mijiviɗey a mbiɗakaŋ di: «Aru, Bumbulvuŋ a sa vula Ramot asi haŋ ɗike, buy.»

ESTER 4:11

«Ko waka gar, mbur mizile malla ngwas mira ru nga ciki buyo da i naŋ mizilaŋ ti zil ta na, a kiɗaka mbur nah vagay cummo. A juwam ɓi le vurˀe kahana. Ɓa mbur nah a ndir ti siifa na, sey da buy a sikaŋ ganday ngi ɓiri tapasl tapasl nga naŋ buy na le far. Gawla ngi buyoy ati mizli ng'ir li ngi buy miwi lihey, naŋ mazum buy anga gar na, a sinaka ɓi nah le kahana. Ani ya, i gi le dana hin kukur makir, manja a zilikiy, ɓa i ru ng'avu buyo.»

MIKUCUWULOY 12:19

Mbur maɓi ɓi kaslsla na, naŋ da ko ti vunaka gar, amma mbur misi moˀore, a zik kaɓa hiri kiɓic tewle.

EZAYI 41:23

Ɓam ndra ɓi ngi gwatay masa gam tumbuŋ, ɓa i sa sinaka, kum i kuliheye. Soko, inga gam gwat mezle malla mendere neˀ ɗagay, ɓa ndra jom gar ndra, i sa puraka hiri ngal ngal.

EZAYI 44:25

Wurenna, ɓi ngi misi slireye, i tiri di ɓi ngatara le, i gi ti mihiziga njoloyo, ɓa a ɓam lambaˀ lambaˀ, i hizigiɗa misi sinmijileŋheye le nga dirba, yo sin taŋ ngi gi gwata, i tiri di le i ɓi ngi gilaway.

EZEKIYEL 13:17

Ka mburu, cin, mbiɗi hiri ngir tivi ngwas ngi mizli ɗikey, maɓam ɓi ngir mevel nga taŋ tehhe a muŋ na. Ɓi ɓi ar taŋ ngi mbiɗa taŋ hirnga.

EZEKIYEL 13:19

Ki hiryikiy le a mbuŋ mizli ɗuwoyo, asi daw giziŋ turɓus haŋ purla, waɗ milef ɓuluˀ tewle. Mbak mizli misi i ngi kiɗ vagay vagaya na, ki gaka gilaw da mizli ɗuwoy matiɓam ɓi kutumo, ki kiɗam di i taŋ jak. Yo mizli ngi pul taŋ ti siifa ta na, ki pulam ti siifa i taŋ jak.

EZEKIYEL 13:6

Pur gwat taŋ ti kleŋ na, i ɓi ngatara lambaˀa, yo ɓi taŋ manjikaka na, i ɓi ngi gi gilaw da mbur. Da ara ɓam na, a ɓam: ‹Hana i ɓi ngi Bumbulvuŋ›, manja ya Bumbulvuŋ vuna mislina taŋ si. Dar a kutukom, anja ɓa i ga gwat taŋ miɓaka vuna.

DANIYEL 2:16

Akẽh na, Daniyel a ci ng'avu buyo, a tumbuloŋ ɓa a vulaŋ hin neˀ, a dirba nah, a sa ɓaŋ mbiɗeˀvra ngi musuwuno.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 2:8

Buy a ɓa taŋ: «I si na le gisiŋ, kum mupuraka ɓi ya ɓi micicakaŋ kaŋ tuwa na, ki wuɗam ɓa ki zikam haɗa.

DANIYEL 3:15

Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.»

DANIYEL 5:28

PERES a mbiɗiavra ‹Muwuɗuka le.› Zuma buy ɗike, i muwuɗka le, a vulaka cah da Medihey, cah numuŋ kwana, da Persehey.»

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

KORENTIHEY MUCUW NAŊ 2:17

Asi ndr'anta kaɓa mizli mekelemey haɗi magam terere ti mingiɓi ngi Buymisemuŋ na ta. Ndra maɓam njah na, a mihiri ngi Buymisemuŋ, ar ndra mujom ati Kristu, asi i Buymisemuŋ mislino ndra.