DANIYEL 12:7 - Bible en langue guiziga

⁷ Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 12:7 Iomraidhean Croise

Ɗerewol JOP 27:2

I hudum ti slimiɗ ngi Buymisemuŋ misi ti siifa mangum giy kiita ɗu ta na, ti Misi Gidaŋ wãˀ, migiy gwat ngi hiryiy mevel na.

EZAYI 62:12

A sa zilika taŋ ‹mizli muvuku vu taŋ›, ‹Mizli Bumbulvuŋ mumbuɗo hirnga taŋ le›, yo a sa zulukuw ka Zeruzaleme ‹walahay muwuna le›, anta i ‹walahay mupula le fuk› mata.

ZEREMI 4:2

Da ki hudum, ki ɓi le: «Ti slimiɗ ngi Bumbulvuŋ misi ti siifa!» Da i gisiŋ, i kaslsla, yo ti jiviɗ mijeŋŋe na, naɓa sukwi ngi mizli a sa ɗuwulam mi ti slimiɗ nga ya Bumbulvuŋ, yo a sa huhumom di vu.

EZEKIYEL 20:5

Ki sa ɓa taŋ na, Bumbulvuŋ, Buymisemuŋ a ɓi anihĩ: Ti hin ya muwunaˀ Israyel na, i hudum le, haŋ paɗ a muŋ da dideˀ ngi Zakopoyo. I biga taŋ vu le angi hirwuy Ezipte. I hudum le a mbuŋ taŋ, haŋ paɗ a muŋ, i ɓa taŋ na: I ya Bumbulvuŋ, Buymisemuŋ kum.

DANIYEL 10:5

I zuɓa hirnga paɗɗa, keɗ na, mbur deŋ ti zana ngi gugumay mislirkeɗ, kanda ngi ɓiri tapasl tapasl pal naŋ wak a dingiriŋ.

DANIYEL 11:13

Buy vay muŋ a sa mawa, a hil sojehey haɗa fineˀ mudumbuŋ. A zikam neˀ, gwat ngi vi njiraˀ a dirba nah na, a sa so ti sojehey hiɗim hiɗim, ti gwat mupuɗaway ngi gi vurum.

DANIYEL 12:6

Mbur mideŋ a hirnga yam ngi mizaw, zana ngi gugumay mislirkeɗ ɓaˀ avu vu na, mbur pal a wuzla mucuwoy tuwa, a ɓaŋ: «Gwat ngi zuma hirnga hanayna vuna, hin ngi kiɗa mi taŋ a sa so ti vunaka?»

DANIYEL 12:8

I cine cin cin na, ko i sla wala naŋ ta, i ɓi: «Kumani ɗu, gwat hanayna vuna, kiɗa mi naŋ i wanaka?»

DANIYEL 4:31

Nabukodonozor a ɓi: «Ar kiɗa mi ngi vi tarnaˀ na, ya Nabukodonozoro, i zuɓa hiri paɗ nga muŋ na, wuluk ɗu a mawa a muŋ. I ga sise da Buymisemuŋ Mimadiɗa wãˀa, yo i hunumaŋ, i ga dudok da misi ti siifa ngi sete. Zuma buy nga naŋ, i zumabuy ngi sete, yo zumabuy nga naŋ, naŋ vur dideˀ vur dideˀ.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 7:21

I ra pur hiri ni, keɗ na, durum tuwa, ara kiɗam vu ati mizli muvuku vu taŋ, a lum bugawla ar taŋ.

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

DANIYEL 8:14

A ɓiy: «Sey hiney a cohom durmuk durmuk cuw ti skat skat makir ɗagay, a dirba nah, hay ngi Buymisemuŋ a sa ndiraka ti jiviɗ naŋ.»

DANIYEL 8:24

Gidaŋ naŋ ngi wi mizli, a sa ru nga mbuŋ nga mbuŋ, amma anta ti gidaŋ ngi hirnga naŋ ta. A sa wuh gwatay haɗa, yo gwat naŋ muwuɗ le ngi gi gar na, a sa gi. A sa ngizl mizli migidaŋhay, mizli ngi Bumbulvuŋhay.

Ɓimezle ngi Yesu Kristu LUK mitil di mi 21:14

Anja ki wulkam angi mingiɓi kum masa ɓaka ngi laha hirnga kumo ta. Jaka ɓi nah kaw a mevel kumo.

Ɓimezle ngi Yesu Kristu LUK mitil di mi 21:24

Maslalam a sa zuma taŋ, a sa jaka taŋ ng'ar beke, a sa jaka taŋ nga wuzla sukwi ngi mizli ngi ruwuyoy gar. Sukwi mekelemey a sa kirpaka Zeruzaleme asi sar, hã da hin taŋ mikiɗ mi le.

Slu cuw 26:19

Naŋ kine, Bumbulvuŋ Buymisemuŋ kumo a wuɗ ɓa ki tiram mudumbuŋhoy a wuzla sukwi ngi mizli naŋ miga taŋ gar, ki tiram mizli misi ti dudokoy, slimiɗ kumo a zil, mizli mindilaka le. Ɓa ki tiram sukwi nga naŋ mihĩˀĩ, kaɓa naŋ miɓa ɗaˀ le zleˀe tuwa.

Slu cuw 32:36

Bumbulvuŋ a sa ga kiita da mizli naŋhaya. Amma naŋ masa pura taŋ a hĩhĩyam le, beke asinta, diimu asinta na, a sa pura taŋ geˀ ircece.

Slu cuw 32:40

Haˀaw, i zuɓa haŋ paɗ a muŋ, i ɓi: «Ya ti siifa ngi sete!

Slu cuw 7:6

asi kum i mizli muvulahay le da Bumbulvuŋ Buymisemuŋ kum. A wuzla mizli ngisi ruwuyoy gar na, Buymismuŋ a wini di i kum, ɓa ki tiram kum i mi nga naŋhay.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.

ƁIMUNJUYO 12:14

Amma a vulaka kirpaslay cuw da ngwas tuwa, kirpasl ngi mulu madiɗa, ɓa a slikiɗ di nga wuzlaɓuh mikirɗak kirɗaka, li muwakaŋ di vu ɓa ngi zum a diga, hã vi makir ti reta, kileŋ a mihiri ngi kawa.

ƁIMUNJUYO 12:6

Dar ngwas tuwa a kil nga wuzlaɓuh mikirɗak kirɗak, angi li Buymisemuŋ miɗiyaŋ di, ɓa a lum gwat ngi zum a diga, hã hin durmuk ti skat cuw ti kukur merkeɗe.

ƁIMUNJUYO 13:5

A pulaka jiviɗ da gwat misããmi ɓa a bo ti ɓi ngi huhumvu, waɗ ɓi ngi zi Buymisemuŋ. A vulakaŋ gidaŋ ngi ga slra naŋ, hã kiya kukur mufaɗ nga cuw.

ƁIMUNJUYO 4:10

mizli micawwahay mizli ngir cuw nga mufaɗ tuwa, a dilkam a mbuŋ Mbur muangi janga ngi buy tuwa, a hunumaka misi ti siifa hã ngi sete, a paka loppol taŋhaya a mbuŋ janga ngi buyo, a ɓam:

ƁIMUNJUYO 4:9

Mbur muangi janga ngi buyo, naŋ misi ti siifa hã ngi set tuwa, da gwat misããmi mumufaɗay tuwa ara gakaŋ dudok, ara ɗuvakaŋ hirnga, yo da ara gakaŋ sise gar na,