DANIYEL 1:4 - Bible en langue guiziga

⁴ A wuzla ziri gawla taŋhay manja hereweɗ ko neˀ. Deŋ taŋ naŋ kuy, taŋ ti sinmijileŋ, a sinam haɗa, yo taŋ ti sin ngi gi gwata ma. Taŋ, a sa gam a hay ngi buy. A sa dubunaka taŋ mingiɓi ati toho gwat ngi mizli Babiloŋhoy.

DANIYEL 1:4 Iomraidhean Croise

ZLI VIRZI 41:46

Ti Zozefe muru nga mbuŋ buy madiɗa ngi Ezipte, naɓa naŋ ti vi kukur makir. A pula buy madiɗa ngi Ezipte, ara bula hirwuy Ezipte gar.

SAMUYEL MUCUW NAŊ 14:25

Asi hirwuy Israyel gar na, mbur mukuy, yo hiri a ɗuv ava takaɓa Absalom na anta. Zle a duba sar, hã sesẽŋ a hirnga na, ko hereweɗ neˀ ava anta.

MIKUCUWULOY 22:29

Mbur maga slra naŋ kuy kuy na, ki pur le ɗaˀ kwa? Ko a mbuŋ buyoy kwana, naŋ a cici gu, naŋ anta sa cici a wuzla manja sineye ta.

TILA MI 7:19

Sinmijileŋ a tiri ti mbur misi sinmijileŋ gidaŋ haɗa, fineˀ buy miwi lihey kuruˀ misi angi walahay purla.

EZAYI 36:11

Eliyakim, Sepna ati Yoha, a ɓaka soje micawwa ngi buy Asiri: «Ambuh, inga ɓa gawla ɗikeye ti mi A ram takwa, asi ndr'i sinaka mi nah na le. Amma anja ki ɓa ndra ti mi Hebere ta, asi mizli misi ar moholoy na gar, ara jikoko slimiɗe.»

ZEREMI 5:15

Kum mizli Israyeley, i sa slino sukwi ngi mizli mikileŋhey ɓa a soko lumukum. I ya Bumbulvuŋ maɓi. I sukwi ngi mizli matik ˀay ta, sukwi ngi mizli misi t'ada diga zlezle, sukwi ngi mizli kum misinaka mi taŋ ta, yo i sukwi ngi mizli kum maslaka wala ngi ɓi taŋ ta.

DANIYEL 2:10

Mizli Babiloŋhoy tuwa, a ɓaka buyo: «Kumani, ar duniya keɗeɗe, ko mbur anta loŋ ngi mbiɗa ɓi ka buy macufuɗa na ta. Asi mike, ko buyo naŋ madiɗa, yo naŋ gidaŋ haɗaka wanaka gar na, a cufuɗ gwat kahana ɗaˀ avu misi cucukoy, muɓula musuɗukoy ati mizli Babiloŋhoyo ta.

DANIYEL 2:2

A ɓa mizli, a zilakaŋ misi cucukoy, muɓula musuɗukoy, mupura kulihey ati Babiloŋhoy, ɓa a mbiɗakaŋ ɓi ngi musuwun naŋ na. A soko joa ciki buyo.

DANIYEL 3:8

Neˀ a dirba naŋ si na, Babiloŋhoy cah a soko, a wudam ti Yudeheye.

DANIYEL 4:7

Ti ya mutup ar li hin ɗu na, gwat ya mupura ti kleŋ ani: widis a bo kaˀ a wuzla ruwuy, a gil jek haɗa.

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:7

Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»

DANIYEL 9:1

Dariyus mangal ngi Zerses, muy ngi Medihey, micifi buy ngi ruwuy Babiloŋ na, ara zum buy ngi vi mudumbuŋ naŋ.

ZAKARI 2:4

Dar i cufuɗu: «Taŋ a soko gam mi maka?» A mbiɗiy di: «I durumoy muwahaka hirwuy Zuda, mbak ko mbur loŋ mislikiɗa hirnga a muŋ gu anta mata. Amma gudi hanayna a soko, ɓa a gaka taŋ zluwun, ɓa a kiɗaka sukwi tayna, sukwi mislikiɗam gak gak ar mizli ngi si ruwuy Zudahay, mizliɗaka taŋ hirnga mber mber na.»

SLRA 7:20

Angi hin nah na, a ya ka Moyise so, naŋ kuy a mihiri ngi Buymisemuŋ, a vulakaŋ ɗuwa a hay cine, kiya makir.

SLRA 7:22

Moyis a dubuna sinmijileŋ ngi Ezipteheye le gar. Naŋ gidaŋ ar mingiɓi ati gwat ngi gi naŋ ma.

EFESEY 5:27

A wuɗ ɓa a bigaŋ a mbuŋ naŋ, i Cikil ngi misikristuhoy, mukuy haɗi, celele, kuleɗ kuleɗ, ko hereweɗ neˀ ava anta. A wuɗ ɓa mizli naŋhay a ndiram taŋ pal, yo ko gwat ngi mbiɗa taŋ hirnga neˀ, anta avu taŋ ta.

MIGI KIITAHAY 8:18

Dar Zedeyoŋ a ɓa Zeba ati Salmuna: «Mizli kum mikiɗaka taŋ ar muwã Tabor na, taŋ mbrike?» A mbiɗakaŋ di: «A bam vu ati ka. Mbur gar asi taŋ a gi kaɓa zuŋ ngi buy.»