DANIYEL 1:2 - Bible en langue guiziga

² Bumbulvuŋ a vula Zoˀakiŋ asi haŋ ngi Nabukodonozor. Joˀ Nabukodonozor a hil cah avu gazlanga ngir hay ngi Buymisemuŋ. A ji mizli ng'ar dangay ngi Babiloŋ, yo a pa gwat mitiɓa ar vurumo ng'ar hay ngi kuli naŋhay, ar hay ngi pi zlili.

DANIYEL 1:2 Iomraidhean Croise

ZLI VIRZI 10:10

Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

ZLI VIRZI 11:2

Ti taŋ maram kini ngir tisi pas ngi miprik na, a lumam li mifaw a ruwuy Babiloŋ, dar a pam a diga.

BUYOY MUCUW NAŊ 24:1

Ti hin ngi zumabuy ngi Zoˀakiŋ na, Nebukodonozor, buy madiɗa ngi Babiloŋ, a zla ara zuma hirwuy Zuda. Buy Zoˀakiŋ a hin hirnga a mbuŋ naŋ, hã vi makir. Amma ar kiɗa mi ngi vi mimakir naŋ na, buy Zoˀakiŋ a sli himaˀ a muŋ avu buy Nebukodonozoro.

ƁI NGI HINEY MUCUW NAŊ 36:5

Zoˀakim micifi buy madiɗa, naɓa naŋ ti vi kukur cuw nga zlum, a zum buy a Zeruzaleme vi kuruˀ ngaŋ kaˀa. A gi gwat malambaˀ a mihiri ngi Bumbulvuŋ Buymisemuŋ naŋ ta.

ƁI NGI HINEY MUCUW NAŊ 36:7

Nabukodonozor tuwa, a hil gwatay ti sukwi wal wal haɗa ar hay ngi Bumbulvuŋ, dar ara pa taŋ ar hay nga naŋ buy, a Babiloŋ.

ESDRAS 1:7

Gwatay, Nabukodonozor mihila taŋ zleˀe ar hay ngi Buymisemuŋ a Zeruzalem, ara pa taŋ ar hay kuli naŋhay na, buy Siruso, a bo taŋ a muŋ.

EZAYI 11:11

Ti hin nah na, is ngi mizli ngi Buymisemuŋhoy mindiram a Asiri, a Ezipte vay ruwuy, a Ezipte vay muŋ, a Sudaŋ, a Elam, a Babiloŋ, a Hamat-ngi-Siri waɗ ar matura ngir mubuliyey na, Bumbulvuŋ a sa ska haŋ ng'ar taŋ ngi mbiɗo hirnga taŋ ava ma,.

EZAYI 42:24

Muvula mizli ngi Zakopoy ɓa a ngizlaka taŋ na i waka? Muvula Israyeley, ɓa a hilaka gwat taŋhay na i waka? I Bumbulvuŋ ndra migakaŋ malambaˀ na takwa? I naŋ, ndra mungumam sipi jiviɗ naŋ ta, yo ndra micinam mi ka ɓimujuwa naŋ mawuɗ ta tuwa takwa?

ZEREMI 25:1

Angi vi mumufaɗ naŋ ngi Zoˀakim, mangal ngi Zoziyas mazum buy asi ruwuy Zuda na, Bumbulvuŋ a ɓa mingiɓi naŋ da Zeremi vur mizli Yudehey gar, naɓa i vi mudumbuŋ ngi Nabukodonozor buy madiɗa ngi Babiloŋ.

ZEREMI 27:16

Masayay ati mizli tayna gar na, i ɓa taŋ: «Bumbulvuŋ a ɓi na: Mijiviɗey manjukukum ɓi, maɓukum: Gazlanga ngir hay ngi Bumbulvuŋ, a sa moko taŋ wureˀ wurenna ti Babiloŋ, anta mur ta na, a njukukum di i ɓi ngi slir, ko ki tiɓaka mi taŋ ta.

ZEREMI 28:3

Angi vi cuw keslsle mindir na, vur hin gar na, gazlangahay ngir hay ngi Bumbulvuŋ, Nabukodonozor, buy madiɗa ngi Babiloŋ mihila taŋ baɗ aka zleˀe nga Babiloŋ na, i sa mo taŋ a muŋ.

ZEREMI 35:11

Amma sey ti Nabukodonozor buy madiɗa ngi Babiloŋ mitiɓa hirwuy na, ndr'i ɓam: ‹Zuwen ndra macam nga Zeruzalem, ɓa i laham avu Babiloŋhoy ati Siriheye.› Dar i pam a Zeruzaleme so.»

ZEREMI 50:2

«Ɓaka ɓi ani a wuzla sukwi ngi mizli, ɓaka ɓa mizli a sinaka, yo bigaka ti gwat ɓa mizli a sinaka ava, ɓaka ɓa mizli a sinaka, ki ɗumoko ta, ɓam na: a tiɓaka Babiloŋ le, walahay Bel a pi mesem le, kuli Marduk a diɗ le ndirɗaɗ a ruwuy. Kuli dum naŋhay a pam mesem le, kuli naŋhay a susuymom le.

ZEREMI 51:44

I wuɗ i ga bonoy da kuli Bel ngi Babiloŋ, gwat ngi zum naŋ mahumbuɗa na, i tiɓa avu mi naŋ. Sukwi ngi mizli anta sa ram urnok urnok ng'avaŋ mata, mohol ngi Babiloŋ vuna, ara mbizli.

DANIYEL 5:13

Dar a soko ti Daniyele nga mbuŋ buyo. Buy a zla a ɓaŋ: «Daniyel ngi wuzla mizli mijoko taŋ ti ruwuy Zuda, cine ɗu, buy muso di ti Zuda na, i ka gisiŋ kwa?

DANIYEL 5:18

Kumani! Buymisemuŋ mifineˀ gwat gara, a vula zumabuy, madiɗa, dudok waɗ buy le da cine ɗik Nabukodonozoro zleˀe.

HABAKUK 1:16

Akẽh na, a gam mikuli da zuva taŋhay, a wuraka taŋ ˀurdi, asi taŋ mazumam gwat mundum hã a mbam na, mbele taŋ.

ZAKARI 5:11

A ɓiy na: «A ram di nga Mezopotami, ɓa ara ndirakaŋ hay a diga. Da hay a kiɗ mi le ngi ndire na, a sa ɗuvaka taˀ ar sar naŋ.»

Slu cuw 32:30

Israyeley durmuk na, mesene taŋ purla a gidiɗa taŋ gu mbrike? Israyeley durmuk kuruˀo, mesene taŋhay cuwo agidiɗaka taŋ gu mbrike? Na sey da ya Bumbulvuŋ, mandazlay muwã taŋ na, i vula taŋ le asi haŋ ngi mesene taŋhayvuna far.

MIGI KIITAHAY 2:14

Bumbulvuŋ a slikiɗ himaˀ fõh fõh ar Israyeleye: a pula taŋ mbak da mufuyvuhoy a fuyoko taŋ, a hiɗikaka taŋ da mesene taŋhay mugun hirnga taŋ na. Ko a ndilaka ngi cici zlak a mbuŋ mesene taŋhaya gu mata.

MIGI KIITAHAY 3:8

Bumbulvuŋ a slikiɗ himaˀ fõh fõh ar Israyeleye, dar a vula taŋ ngi hiɗik da Kusan-Risatayim, buy Mesopotami, a gam gawla naŋhay hã vi dangafaɗa.

MIGI KIITAHAY 4:2

Bumbulvuŋ a vula taŋ da Yabin, buy Kanaˀan misi ar walahay Hasor a hiɗika taŋ. Buy ngi soje naŋhay a zilaka Sizera, naŋ a cifi a Haroset-Goyim.

SAMUYEL MUDUMBUŊ NAŊ 5:2

Filistiheye, a cam ti akoti ngi Buymisemuŋ ng'ar hay ngi kuli taŋ Dagoŋ, ara ɗuvaka taˀ a ciki Dagoŋ.