UThithu 3:7 - iBhayibhili Elingcwele 1978

⁷ ukuze silungisiswe ngomusa wakhe, sibe yizindlalifa zokuphila okungapheliyo ngokuthemba.

IBhayibhili Elingcwele LesiNdebele

⁷ ukuze kuthi sesilungiswe ngumusa wakhe, sibe zindlalifa silethemba lokuphila okulaphakade.

UThithu 3:7 Iomraidhean Croise

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

UMakho 10:17

Esephumela endleleni umuntu othile wamgijimela, eguqa phambi kwakhe, wambuza wathi: Mfundisi olungileyo, ngizakwenzani ukuze ngidle ilifa lokuphila okungapheliyo?

AbaseRoma 11:6

Kodwa uba kungomusa, kakusayi ngemisebenzi; uba kungenjalo, umusa kawuseyiwo umusa.

AbaseRoma 3:24

Balungisiswa ngesihle ngomusa wakhe, ngokuhlengwa okukuKristu Jesu

AbaseRoma 3:28

Ngoba sithi umuntu ulungisiswa ngokukholwa ngaphandle kwemisebenzi yomlayo.

AbaseRoma 4:16

Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,

AbaseRoma 4:4

Nxa umuntu esebenza, iholo lakhe kakutshiwo ukuthi liyisiphiwo kodwa uhola umvuzo wakhe.

AbaseRoma 8:17

uba singabantwana, siyizindlalifa futhi, izindlalifa zikaNkulunkulu lezindlalifa kanye loKristu, uba phela sihlupheka kanye laye ukuze sidunyiswe kanye laye.

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

AbaseGalathiya 2:16

Kodwa siyazi ukuthi umuntu kalungisiswa ngemisebenzi yomlayo, kuphela ngokukholwa kuKristu Jesu; lathi sakholwa kuKristu ukuba silungisiswe ngokukholwa kuKristu kungesikho ngemisebenzi yomlayo; ngoba ngemisebenzi yomlayo kakuyikulungisiswa muntu.

AbaseGalathiya 3:29

Uba lingabakaKristu, liyinzalo kaAbrahama, liyizindlalifa njengokwathenjiswayo.

AbaseGalathiya 4:7

Ngakhoke kawuseyiso isigqili kodwa usuyindodana; uba uyindodana, uyindlalifa ngaye uNkulunkulu.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

UThithu 1:2

ngilethemba lokuphila okungapheliyo, uNkulunkulu ongaqambi manga akuthembisa ekuqaleni kwesikhathi.

UThithu 2:11

Ngoba umusa kaNkulunkulu usufikile uletha ukusiliswa ebantwini bonke,

UThithu 2:13

silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.

AmaHebheru 1:14

Kazisibo yini zonke omoya abasebenzayo abathunyelwe ukukhonza ngenxa yalabo abazakudla ilifa lokusiliswa na?

AmaHebheru 11:7

Ngokukholwa uNowa exwayisiwe nguNkulunkulu ngezinto ebezingakabonwa wakha umkolo wokusilisa indlu yakhe; wawulahla umhlaba ngokukholwa, waba yindlalifa yokulunga okuvela ngokukholwa.

AmaHebheru 11:9

Ngokukholwa wahlala njengomuntu wezizweni elizweni lokuthenjiswa, ehlala emathenteni loIsaka loJakobe ababeyizindlalifa kanye laye zalesosithembiso;

AmaHebheru 6:17

Ngakhoke lapho uNkulunkulu ethanda ukubonisa ngokupheleleyo kuzo izindlalifa zesithembiso ukungaphenduki kwecebo lakhe, waqinisa ngesifungo,

UJakhobe 2:5

Zwanini, bazalwane bami abathandekayo; uNkulunkulu kabakhethanga yini abayanga emhlabeni ukuba babe ngabanothileyo ngokukholwa lezindlalifa zombuso awuthembisayo kulabo abamthandayo na?

1 UPhethro 3:7

Ngokunjalo lani madoda, hlalani labomkenu ngokwazi, limhloniphe owesifazana njengomuntu obuthakathaka, lokhu beyizindlalifa zomusa wokuphila kanye lani, ukuze imikhuleko yenu ingavimbeleki.