UThithu 2:11 - iBhayibhili Elingcwele 1978

¹¹ Ngoba umusa kaNkulunkulu usufikile uletha ukusiliswa ebantwini bonke,

IBhayibhili Elingcwele LesiNdebele

¹¹ Ngoba umusa kaNkulunkulu oletha insindiso usubonakele ebantwini bonke.

UThithu 2:11 Iomraidhean Croise

AmaHubo 67:2

ukuze indlela yakho yaziwe emhlabeni, lokusiza kwakho ezizweni zonke.

AmaHubo 84:11

Ngoba iNkosi uNkulunkulu ililanga lesihlangu, iyaphana ngomusa lodumo; kayibancitshi labo abahamba ngobuqotho.

AmaHubo 96:10

Tshonini phakathi kwezizwe ukuthi: INkosi iyabusa. Umhlaba umisiwe, kawuyikunyikinyeka; izakubahlulela abantu ngokulunga.

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

U-Isaya 49:6

Ithi: Kuyinto elula kakhulu ukuba ube yinceku yami yokuvusa izizwe zikaJakobe, lokubuyisa abaseleyo koIsrayeli; ngizakukubeka ube yikukhanya kwezizwe, ukuze wenze ukukhulula kwami kufinyelele emhlabeni wonke.

U-Isaya 52:10

INkosi iwavezile amandla ayo angcwele phambi kwazo zonke izizwe, umhlaba wonke uzakubona ukukhulula kukaNkulunkulu wethu.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

UZakhariya 4:7

Wena uyini, ntaba enkulu? Phambi kukaZerubabeli uzakuba ligceke. Yena uzabeka ilitshe lokucina, abantu besithi: Kuhle, kuhle!

UMatewu 28:19

ngakho hambani lenze izizwe zonke zibe ngabafundi, libabhaphathize ebizweni likaYise, leleNdodana, lelikaMoya oNgcwele,

UMakho 16:15

Wathi kubo: Hambani liye emhlabeni wonke, litshumayele ivangeli kukho konke okudatshuliweyo.

ULukha 24:47

kutshunyayelwe ebizweni lakhe ukuphenduka, lokuthethelelwa kwezono ezizweni zonke, kuqalwe eJerusalema.

ULukha 3:6

bonke abantu bazakubona ukusilisa kukaNkulunkulu.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UJohane 1:9

Ukukhanya okuqinisileyo okukhanyisa wonke umuntu, kwasekusiza emhlabeni.

Imisebenzi 11:23

Kwathi ukuba afike, wabona umusa kaNkulunkulu, wathokoza, wabalaya bonke ukuba babambelele eNkosini ngokuzimisela kwenhliziyo.

Imisebenzi 13:43

Kwathi inkonzo yesinagoge isiphumile, abaJuda abanengi labezizwe abakholwayo balandela uPawuli loBarnabasi; bona bakhuluma labo, bebakhuthaza ukuba babambelele emuseni kaNkulunkulu.

Imisebenzi 13:47

Ngoba iNkosi isilayile yathi: Ngikumisile ube yikukhanya kwabezizwe, ube yikusiliswa kuze kube semikhawulweni yomhlaba.

Imisebenzi 17:30

Ngoba izikhathi zokungamazi uNkulunkulu wazibekezelela, kodwa khathesi uyalaya bonke abantu endaweni zonke ukuba baphenduke,

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

AbaseRoma 10:18

Kodwa ngithi: Kabezwanga na? Impela, bezwa. Ngoba kuthiwa: Ilizwi labo liphumele emhlabeni wonke, lamazwi abo aphumele emikhawulweni yomhlaba.

AbaseRoma 5:15

Kodwa isiphiwo somusa kasinjengesiphambeko. Ngoba uba ngesiphambeko samuntu munye, abanengi bafa, ikakhulu kwanda kwabanengi umusa kaNkulunkulu lesiphiwo esivela ngomusa wamuntu munye, uJesu Kristu.

AbaseRoma 5:2

Ngaye singenisiwe kulumusa esimi kuwo; asithokozeni ngethemba lethu lokuthi sizakuhlanganyela inkazimulo kaNkulunkulu.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

AbaseGalathiya 2:21

Kangiwutshayi ize umusa kaNkulunkulu, ngoba uba ukulunga kungomlayo, uKristu wafela ize.

Abase-Efesu 2:5

lanxa sasifile ngeziphambeko zethu, wasivusa kanye loKristu; ngomusa lisilisiwe.

Abase-Efesu 2:8

Ngoba lisilisiwe ngomusa ngokukholwa; lalokhu kakuveli kini, kuyisiphiwo sikaNkulunkulu.

AbaseKholose 1:23

uba lihlala ekukholweni, lisekelwe liqinile, lingasuki ethembeni levangeli elalizwayo. Lona latshunyayelwa kukho konke okudaliweyo okungaphansi kwezulu, engenziwe isikhonzi salo mina Pawuli.

AbaseKholose 1:6

eselifikile kini, njengalokhu selikhona emhlabeni wonke. Lelivangeli liyanda lithela izithelo, njengoba kunjalo laphakathi kwenu, kusukela mhla wosuku elezwa ngalo, lawazi umusa kaNkulunkulu ngeqiniso.

2 AbaseThesalonika 2:16

Kakuthike iNkosi yethu uJesu Kristu uqobo, loNkulunkulu uBaba owasithandayo lowasinika ngomusa induduzo engapheliyo lethemba elihle,

1 uTimothi 1:14

lomusa weNkosi wanda kakhulu kimi kanye lokukholwa lothando olukuKristu Jesu.

1 uTimothi 2:4

othanda ukuba bonke abantu basiliswe, bafinyelele ekwazini iqiniso.

2 uTimothi 1:10

osubonakalisiwe khathesi ngokubonakala koMsilisi wethu uKristu Jesu, owachitha ukufa, waletha ekukhanyeni ukuphila lokungabhubhi ngevangeli.

2 uTimothi 4:17

Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.

AmaHebheru 12:15

Qaphelisani kungabi khona osilelayo emuseni kaNkulunkulu, kungabi khona lampande ebabayo ehlumayo ukubangcolisa abanengi,

AmaHebheru 2:9

Kodwa siyambona uJesu owenziwa waba mncinyane okwesikhatshana kulezithunywa ethwesiwe umqhele wobukhosi, lowodumo ngenxa yenhlupheko yokufa, ukuze ngomusa kaNkulunkulu ezwe ukufa ngenxa yabo bonke.