UThithu 1:10 - iBhayibhili Elingcwele 1978

¹⁰ Ngoba banengi abangalaleliyo, abakhuluma ize labakhohlisayo, ikakhulu bona abokusoka,

IBhayibhili Elingcwele LesiNdebele

¹⁰ Ngoba banengi abantu abahlamukayo, abakhulumayo nje kanye labakhohlisi ikakhulu abeqembu lokusoka.

UThithu 1:10 Iomraidhean Croise

UMatewu 23:14

Maye kini babhali labaFarisi, bazenzisi! ngoba lidla izindlu zabafelwakazi, langokuzenzisa lenza imikhuleko emide. Ngakhoke lizakwamukeliswa ukulahlwa okukhulu.

Imisebenzi 11:2

Ngakho kwathi ukuba uPetro enyukele eJerusalema, abokusoka baphikisana laye,

Imisebenzi 15:1

Kwehla amadoda athile evela eJudiya, afundisa abazalwane athi: Uba lingasokwa ngomlayo kaMose, lingesiliswe.

Imisebenzi 15:24

Njengokuba sizwile ukuthi abantu abathile abavela kithi balikhathazile ngamazwi, bedunga ingqondo zenu ngesingabalayanga khona,

Imisebenzi 20:29

Ngiyazi ukuthi emva kokuhamba kwami kuzakungena impisi eziphangayo phakathi kwenu zingawuhawukeli umhlambi,

AbaseGalathiya 2:4

Kodwa kwaba ngenxa yabazalwane bamanga abangeniswa ngensitha, abangena ngokunyenya ukuba bahlole ukukhululeka kwethu esilakho kuKristu Jesu, ukuze basenze izigqili.

AbaseGalathiya 3:1

Hawu maGalathiya ayizithutha! Ngubani oliloyileyo lina abekwa obala phambi kwenu uJesu Kristu ebethelwe na?

Abase-Efesu 4:14

Ngakhoke kasingabe sisaba ngabantwana abazuliswa bethwalwa yimimoya yonke yokufundisa, sikhohliswa ngabantu ngobuqili babo obulamacebo aduhisayo.

1 uTimothi 1:4

futhi bangachithi isikhathi belalela izinganekwane lezindaba zosendo olokuzalana ezingapheliyo, ezibanga ukuphikisana endaweni yokuba ziqhube icebo likaNkulunkulu elisekukholweni.

1 uTimothi 1:6

Abathile baduhile kukho lokhu, baphambukela ekukhulumeni okuyize,

1 uTimothi 1:9

esazi lokhu ukuthi umlayo kawubekelwa olungileyo, kodwa ubekelwa abangelamlayo labangalaleliyo, labeyisa uNkulunkulu labayizoni, abangakholwayo labahlambazayo, ababulala oyise labonina, lababulala abantu,

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

2 uTimothi 4:4

bafulathelise indlebe zabo eqinisweni, baphambukele ezinganekwaneni.

UThithu 1:6

uba kukhona ongasolekiyo, indoda elomfazi munye, elabantwana abakholwayo abangasolwa ngokuganga loba ngokungalaleli.

UJakhobe 1:26

Uba umuntu esithi uyakholwa, engalunqandi ulimi lwakhe kodwa akhohlise inhliziyo yakhe, ukukholwa kwalowomuntu kuyize.

1 UJohane 2:18

Bantwana, sekuyisikhathi sokucina. Njengalokhu lezwa kuthiwa uMphikukristu uyeza, lakhathesi sebekhona abanengi abaphikukristu; ngalokhu siyazi ukuthi sekuyisikhathi sokucina.

1 UJohane 2:4

Lowo othi: Ngiyamazi; kodwa engagcini imilayo yakhe ungumqambi wamanga, leqiniso kalikho kuye.

1 UJohane 4:1

Bathandekayo, lingakholwa omoya bonke, kodwa bahloleni omoya ukuthi bangabakaNkulunkulu yini; ngoba banengi abaprofethi bamanga abaphumele emhlabeni.

Isambulo 2:14

Kodwa kukhona okuyingcosana engilakho ngawe; ulabo lapho ababambelela ekufundiseni kukaBalami, owafundisa uBalaki ukubeka isikhubekiso phambi kwabakoIsrayeli sokuba badle okuhlatshelwe izithombe lokuba baphinge.

Isambulo 2:6

Kanti ulalokhu ukuthi uyayizonda imisebenzi yamaNikolayitha engiyizondayo lami.