UMatewu 9:2 - iBhayibhili Elingcwele 1978

² Baletha kuye umuntu oyisilima elele ethaleni. UJesu ebona ukukholwa kwabo wathi koyisilima: Mana isibindi, mntanami; izono zakho zithethelelwe.

IBhayibhili Elingcwele LesiNdebele

² Amanye amadoda aletha kuye indoda eyayome umhlubulo ilele ecansini. UJesu ebona ukholo lwawo wathi kweyome umhlubulo, “Woba lesibindi, ndodana; izono zakho sezithethelelwe.”

UMatewu 9:2 Iomraidhean Croise

UmTshumayeli 9:7

Hamba uyekudla ukudla kwakho ngokuthokoza, unathe lewayini lakho ngenhliziyo emhlophe, ngoba uNkulunkulu usekuvumile lokho okwenzayo.

U-Isaya 44:22

Ngesule iziphambeko zakho njengeyezi, lezono zakho njengenkungu; buyela kimi, ngoba ngikuhlengile.

UMatewu 14:27

Kodwa uJesu wakhuluma labo masinyane esithi: Manini isibindi; yimi, lingesabi.

UMatewu 4:24

Udumo lwakhe lwaphumela elizweni lonke laseSiriya; baletha kuye bonke abagulayo, ababephethwe yizifo ngezifo lobuhlungu, lababengenwe ngomoya ababi, lababelesithuthwane, lezilima; wabasilisa.

UMatewu 6:12

Usithethelele izono zethu, njengalokhu lathi sibathethelela abasonayo.

UMatewu 8:10

Esekuzwile lokhu uJesu wamangala, wathi kwabamlandelayo: Ngiqinisile ngithi kini: Angizanga ngifumane ukukholwa okunje lakoIsrayeli.

UMatewu 8:16

Sekuhlwile, baletha kuye abanengi abangenwe ngomoya ababi. Wakhupha omoya ngelizwi, wasilisa bonke abagulayo,

UMatewu 9:22

UJesu waphenduka, embona wathi: Mana isibindi, dade; ukukholwa kwakho kukusilisile. Owesifazana wasila kusukela kulesosikhathi.

UMatewu 9:5

Ngoba yikuphi okulula ukuthi: Izono zakho zithethelelwe; ingabe ukuthi: Sukuma uhambe, na?

UMatewu 9:6

Kodwa ukuze lazi ukuthi iNdodana yomuntu ilamandla okuthethelela izono emhlabeni — wathi koyisilima: Sukuma, uthathe ithala lakho, uye endlini yakho.

UMakho 1:32

Sekuhlwile, ilanga selitshonile, baletha kuye bonke abagulayo lababengenwe ngomoya ababi.

UMakho 10:49

UJesu wasesima, wathi: Mbizeni. Basibiza isiphofu, besithi kuso: Mana isibindi, sukuma, uyakubiza.

UMakho 5:34

Wathi kuye: Dade, ukukholwa kwakho kukusilisile; hamba kuhle, usiliswe esifweni sakho.

UMakho 6:50

Ngoba bambona bonke, bethuka. Kodwa wakhuluma labo masinyane, wathi kubo: Manini isibindi; yimi, lingesabi.

UJohane 16:33

Ngikhulume lokhu kini ukuba libe lokuthula kimi. Emhlabeni lizakuba losizi, kodwa manini isibindi, mina ngiwunqobile umhlaba.

UJohane 2:25

ngoba wayebazi abantu bonke, langoba engadingi lobani ukuba amfakazele ngomuntu; wayekwazi yena okusemuntwini.

UJohane 21:5

Ngakho uJesu wathi kubo: Bangane, lilakho nje ukudla na? Bamphendula bathi: Atshi.

Imisebenzi 14:9

Yona yamuzwa uPawuli ekhuluma. UPawuli eyijolozela wabona ukuba ilokukholwa kokuba isiliswe,

Imisebenzi 19:12

baze bathatha amadukwe lamalembu emzimbeni wakhe, bawesa kwabagulayo; izifo zasuka kubo, labomoya ababi baphuma.

Imisebenzi 23:11

Ngobusuku obulandelayo iNkosi yema kuye, yathi: Mana isibindi; njengokuba ufakaza ngami eJerusalema, kunjaloke umelwe ukufakaza ngami laseRoma.

AbaseRoma 5:11

Kakusikho lokhu kuphela, kodwa sizincoma futhi ngoNkulunkulu ngeNkosi yethu uJesu Kristu, esesamukelisiwe ngaye ukubuyisana.

UJakhobe 2:18

Kodwa omunye uzakuthi: Wena ulokukholwa, mina ngilemisebenzi. Ngitshengisa ukukholwa kwakho ngaphandle kwemisebenzi yakho, lami ngemisebenzi yami ngizakukutshengisa ukukholwa kwami.