UMatewu 8:25 - iBhayibhili Elingcwele 1978

²⁵ Basondela, bamvusa besithi: Nkosi, sisilise, siyabhubha!

IBhayibhili Elingcwele LesiNdebele

²⁵ Abafundi bahamba bayamvusa besithi, “Nkosi, sihlenge, Sesigalula!”

UMatewu 8:25 Iomraidhean Croise

2 ImiLando 14:11

UAsa wakhuleka eNkosini uNkulunkulu wakhe wathi: Nkosi, kakho onjengawe ukuvikela ababuthakathaka kwabalamandla; akusisize, Nkosi Nkulunkulu wethu, ngoba thina sithembele kuwe; ngebizo lakho siphumile ukulwa lalimpi engaka; Nkosi, wena unguNkulunkulu wethu; umuntu angephikisane lawe.

2 ImiLando 20:12

Nkulunkulu wethu, wena kawuyikubahlulela na? Ngoba thina kasilawo amandla ukulwa lalimpi enkulu kangaka ezekusihlasela; kasikwazi esingakwenza, kodwa sikhangele kuwe.

AmaHubo 10:1

Nkosi, umeleni khatshana na? Ucatshelani ezikhathini zokuhlupheka kwethu na?

UJona 1:6

Induna yomkolo, yamfica khona yathi kuye: Ulani wena olele ubuthongo na? Vuka, ukhuleke kunkulunkulu wakho; mhlawumbe lunkulunkulu uzasikhumbula ukuba singabhubhi.

UMatewu 8:2

Khangela, umuntu olobulephero weza, waguqa phambi kwakhe, wathi: Nkosi, aluba uthanda ungangihlambulula.

UMatewu 8:24

Kwavuka isiphepha esikhulu olwandle, umkolo waze wagutshuzelwa ngamavinqo; kodwa yena wayelele.

UMatewu 9:18

Kwathi esakhuluma lezizinto kubo, kwafika umphathi, waguqa phambi kwakhe, wathi: Indodakazi yami isand’ukufa; kodwa akuze, ubeke isandla sakho phezu kwayo, izakusila.

ULukha 8:24

Basondela, bamvusa besithi: Nkosi, Nkosi, siyabhubha! Wasevuka, wakhuza umoya lamavinqo amakhulu. Kwaqamuka, kwathula kwathi zwi.