UMatewu 5:18 - iBhayibhili Elingcwele 1978

¹⁸ Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

IBhayibhili Elingcwele LesiNdebele

¹⁸ Ngilitshela iqiniso ukuthi kuze kunyamalale izulu lomhlaba kakuyikususwa lutho eMthethweni, loba libadlana kumbe lichatshana elilotshiweyo, kuze kupheleliswe konke.

UMatewu 5:18 Iomraidhean Croise

AmaHubo 102:26

Kuzakuphela lokho, kodwa wena umi njalonjalo. Kuzakuguga konke njengengubo, wena uzakukulahla njengengubo, kuphele;

AmaHubo 111:8

imisiwe kuze kube nininini, yenziwa ngeqiniso langobuqotho.

AmaHubo 119:152

Sekukade ngisazi ngemilayo yakho ukuthi uyisekele imi kuze kube nininini.

U-Isaya 40:8

Utshani buyabuna, lamaluba awohloke, kodwa ilizwi likaNkulunkulu wethu limi kuze kube nini lanini.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

U-Isaya 51:6

Khangelani phezulu, likhangele lasemhlabeni phansi; ngoba iphezulu lizakunyamalala njengentuthu, lomhlaba uguge njengengubo, labakhileyo kuwo bafe njengemiyane; kodwa ukukhulula kwami kuzakuma kuze kube nininini, lokulunga kwami kakuyikuphela.

UMatewu 10:15

Ngiqinisile ngithi kini: Kuzakuba ngcono elizweni laseSodoma lelaseGomora ngosuku lokulahlwa kulakulowomuzi.

UMatewu 10:23

Nxa belizingela komunye umuzi, balekelani komunye; ngoba ngiqinisile ngithi kini: Kaliyikuqeda imizi yonke yakoIsrayeli ingakafiki iNdodana yomuntu.

UMatewu 10:42

Ilowo lalowo ozakumnathisa omunye walababancinyane inkezo eyodwa nje yamanzi aqandayo, ngoba engumfundi, ngiqinisile ngithi kini: Kasoze alahlekelwa ngumvuzo wakhe.

UMatewu 11:11

Ngiqinisile ngithi kini: Kakuvelanga phakathi kwabazelwe ngabesifazana omkhulu kuloJohane uMbhaphathizi; kodwa omncinyane embusweni wezulu mkhulu kulaye.

UMatewu 13:17

Ngiqinisile ngithi kini: Banengi abaprofethi labalungileyo ababethanda ukubona elikubonayo, kodwa kabakubonanga; lokuzwa elikuzwayo, kabakuzwanga.

UMatewu 16:28

Ngiqinisile ngithi kini: Bakhona abanye kwabemiyo lapha abangayikuzwa ukufa baze bayibone iNdodana yomuntu isiza embusweni wayo.

UMatewu 17:20

Wathi kubo: Kungenxa yokukholwa kwenu okuncinyane. Ngoba ngiqinisile ngithi kini: Aluba lilokukholwa okungangohlamvu lwemastade, lizakuthi kulintaba: Suka lapha, uye laphaya; izakusuka. Kaliyikwahlulwa lutho. [

UMatewu 18:18

Ngiqinisile ngithi kini: Lokho elizakukubopha emhlabeni kuzakuba kubotshiwe lasezulwini, lalokho elizakukukhulula emhlabeni kuzakuba kukhululwe lasezulwini.

UMatewu 18:3

wathi: Ngiqinisile ngithi kini: Uba lingaphenduki, libe njengabantwana, kalisoze lingene embusweni wezulu.

UMatewu 19:23

UJesu wasesithi kubafundi bakhe: Ngiqinisile ngithi kini: Onothileyo uzakungena ngokulukhuni embusweni wezulu.

UMatewu 19:28

UJesu wathi kubo: Ngiqinisile ngithi kini: Lina elingilandeleyo, elizweni elizayo lapho iNdodana yomuntu isihlezi esihlalweni sobukhosi bayo, lani lizakuhlala ezihlalweni zobukhosi ezilitshumi lambili lithonisise izizwe ezilitshumi lambili zakoIsrayeli.

UMatewu 21:21

UJesu wabaphendula wathi: Ngiqinisile ngithi kini: Uba lilokukholwa, lingathandabuzi, kaliyikwenza lokhu okomkhiwa kuphela, kodwa loba lithi kulintaba: Quphuka, uphoseke olwandle; kuzakwenzeka.

UMatewu 21:31

Yiyiphi kulawo amabili eyenza intando kayise na? Bathi kuye: Eyokuqala. UJesu wathi kubo: Ngiqinisile ngithi kini: Abathelisi lezifebe bayangena embusweni kaNkulunkulu phambi kwenu.

UMatewu 23:36

Ngiqinisile ngithi kini: Zonke lezizinto zizakwehlela phezu kwalesisizukulwana.

UMatewu 24:2

Wabaphendula wathi: Liyazibona zonke lezizinto na? Ngiqinisile ngithi kini: Kakuyikusala lapha ilitshe elilodwa phezu kwelinye elingayikudilizelwa phansi.

UMatewu 24:47

Ngiqinisile ngithi kini: Izakuyibeka phezu kwakho konke elakho.

UMatewu 25:12

Kodwa yena waphendula wathi: Ngiqinisile ngithi kini: Angilazi lina.

UMatewu 25:40

INkosi izakuphendula ithi kibo: Ngiqinisile ngithi kini: Njengokuba likwenzile komunye walaba abafowethu abancinyane, likwenzile lakimi.

UMatewu 25:45

Izakuphendula ithi kibo: Ngiqinisile ngithi kini: Njengokuba lingakwenzanga komunye walaba abancinyane, kalikwenzanga lakimi.

UMatewu 5:26

Ngiqinisile ngithi kuwe: Kawusoze uphume khona uze ukhokhe indibilitshi yokucina.

UMatewu 6:16

Futhi nxa lizila ukudla linganyukumali njengabazenzisi; ngoba bona bacomba ubuso babo ukuba babonakale ebantwini ukuthi bazilile. Ngiqinisile ngithi kini: Sebewamukele umvuzo wabo.

UMatewu 6:2

Ngakho nxa unika isiphiwo, ungakhalisi uphondo phambi kwakho, njengokwenziwa ngabazenzisi emasinagogeni lasezindleleni ukuba badunyiswe ngabantu. Ngiqinisile ngithi kini: Sebewamukele umvuzo wabo.

UMatewu 8:10

Esekuzwile lokhu uJesu wamangala, wathi kwabamlandelayo: Ngiqinisile ngithi kini: Angizanga ngifumane ukukholwa okunje lakoIsrayeli.

UMakho 10:15

Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.

UMakho 10:29

UJesu wathi: Ngiqinisile ngithi kini: Kakukho muntu otshiye indlu labafowabo lodadewabo lonina loyise labantwana, ingabe amasimu ngenxa yami langenxa yevangeli,

UMakho 11:23

Ngiqinisile ngithi kini: Ilowo lalowo ozakuthi kulintaba: Quphuka, uphoseke olwandle; engathandabuzi enhliziyweni yakhe kodwa ekholwa ukuthi akutshoyo kuyenzeka, uzakwenzelwa.

UMakho 12:43

Wasebiza abafundi bakhe, wathi kubo: Ngiqinisile ngithi kini: Lumfelwakazi ongumyanga uphosele ukwedlula bonke laba abaphoseleyo esitsheni,

UMakho 13:30

Ngiqinisile ngithi kini: Lesisizukulwana kasiyikudlula, zingakenzeki izinto zonke lezi.

UMakho 14:18

Sebehlezi ekudleni uJesu wathi: Ngiqinisile ngithi kini: Omunye wenu, odla lami, uzakunginikela.

UMakho 14:25

Ngiqinisile ngithi kini: Kangisayikunatha futhi okwesithelo sevini, kuze kube yilolosuku engizakusinatha ngalo sisitsha embusweni kaNkulunkulu.

UMakho 14:30

Kodwa uJesu wathi kuye: Ngiqinisile ngithi kuwe: Lamhlanje ngalobubusuku, lingakakhali kabili iqhude, wena uzakungilandula kathathu.

UMakho 14:9

Ngiqinisile ngithi kini: Loba kungaphi emhlabeni wonke lapho kutshunyayelwa khona ivangeli, lokhu akwenzileyo kuzakukhulunywa ngakho, kube yisikhumbuzo ngaye.

UMakho 3:28

Ngiqinisile ngithi kini: Zonke izono zizakuthethelelwa abantu lokuhlambaza abahlambaza ngakho.

UMakho 6:11

Layiphi indawo engayikulamukela lengayikulilalela, nxa liphuma lapho, thintithani uthuli olungaphansi kwenyawo zenu, kube yibufakazi kubo.

UMakho 8:12

Wabubula kakhulu emoyeni wakhe, wathi: Lesisizukulwana sifunelani isibonakaliso na? Ngiqinisile ngithi kini: Kakulasibonakaliso esizakunikwa kulesisizukulwana.

UMakho 9:1

Wasesithi kubo: Ngiqinisile ngithi kini: Bakhona abanye kwabemiyo lapha abangayikuzwa ukufa, baze babone umbuso kaNkulunkulu usufikile ngamandla.

UMakho 9:41

Ngoba ilowo lalowo ozakulinathisa inkezo yamanzi ngebizo lami, ngoba lingabakaKristu, ngiqinisile ngithi kini: Kayikulahlekelwa ngumvuzo wakhe.

ULukha 11:51

kusukela egazini likaAbela kuze kufike egazini likaZekariya owabulawa phakathi kwealtare lethempeli. Yebo, ngithi kini: Lizakubizwa kulesisizukulwana.

ULukha 12:37

Zibusisiwe lezonceku okuzakuthi, inkosi nxa ifika, izifumane zilindile. Ngiqinisile ngithi kini: Izakubopha ukhalo lwayo, izihlalise ekudleni, iziphakululele.

ULukha 13:35

Khangelani, indlu yenu itshiywe ilunxiwa; kodwa ngithi kini: Kalisoze langibona, kuze kufike isikhathi sokuba lithi: Ubusisiwe ozayo ebizweni leNkosi.

ULukha 16:17

Kodwa kulula ukuba kudlule izulu lomhlaba kulokuba kudlule ichatshana elilodwa lomlayo.

ULukha 18:17

Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.

ULukha 18:29

UJesu wathi kibo: Ngiqinisile ngithi kini: Kakho umuntu otshiye indlu, ingabe umkakhe, labafowabo, labazali, labantwana, ngenxa yombuso kaNkulunkulu,

ULukha 23:43

Wathi kuye: Ngiqinisile ngithi kuwe: Lamhlanje uzakuba lami eParadise.

ULukha 4:24

Wathike: Ngiqinisile ngithi kini: Kakho umprofethi owamukelekayo elizweni lakibo.

UJohane 1:51

Wathi kuye: Ngiqinisile, ngiqinisile ngithi kini: Lizakubona izulu livulekile, lezithunywa zikaNkulunkulu zisenyuka, zisehlela phezu kweNdodana yomuntu.

UJohane 10:1

Ngiqinisile, ngiqinisile ngithi kini: Ongangeni ngesango esibayeni sezimvu, kodwa akhwele kwenye indawo, lowo ulisela lomphangi.

UJohane 10:7

Ngakho uJesu waphinda wathi kibo: Ngiqinisile, ngithi kini: Mina ngilisango lezimvu.

UJohane 12:24

Ngiqinisile, ngiqinisile ngithi kini: Uba uhlamvu lwebele luwela emhlabathini lungafi, luhlala lodwa; kodwa aluba lusifa, luyathela izithelo ezinengi.

UJohane 13:16

Ngiqinisile, ngiqinisile ngithi kini: Inceku kayinkulu kulenkosi yayo, lothunyiweyo kamkhulu kulomthumileyo.

UJohane 13:38

UJesu waphendula wathi: Uzakudela ukuphila kwakho ngami na? Ngiqinisile, ngiqinisile ngithi kuwe: Iqhude kaliyikukhala ungakangilanduli kathathu.

UJohane 14:12

Ngiqinisile, ngiqinisile ngithi kini: Okholwa kimi, imisebenzi engiyenzayo uzakuyenza laye, lemikhulu kulale uzakuyenza; ngoba ngiya kuBaba.

UJohane 16:20

Ngiqinisile, ngiqinisile ngithi kini: Lizakukhala lilile, kodwa umhlaba uzakuthokoza; lizakuba losizi lina, kodwa usizi lwenu luzakuphenduka intokozo.

UJohane 16:23

Ngalolosuku kaliyikungibuza lutho. Ngiqinisile, ngiqinisile ngithi kini: Lokho elikucela kuBaba uzakulinika khona ngebizo lami.

UJohane 21:18

Ngiqinisile, ngiqinisile ngithi kuwe: Usemutsha wawuzigqokisa uhambe lapho uthanda khona; kodwa nxa usumdala, uzakwelula izandla zakho, omunye akugqokise, akuse lapho ongathandi ukuya khona.

UJohane 3:11

Ngiqinisile, ngiqinisile ngithi kuwe: Sikhuluma ngesikwaziyo, sifakaze ngesikubonileyo; kodwa kalikwamukeli ukufakaza kwethu.

UJohane 3:3

UJesu wamphendula wathi: Ngiqinisile, ngiqinisile ngithi kuwe: Uba umuntu engazalwa ngokutsha, angewubone umbuso kaNkulunkulu.

UJohane 3:5

UJesu wathi: Ngiqinisile ngithi kuwe: Uba umuntu engazalwanga ngamanzi langoMoya, angengene embusweni kaNkulunkulu.

UJohane 5:19

Wasesithi kibo: Ngiqinisile, ngiqinisile ngithi kini: INdodana ingenze lutho ngokwayo, kodwa kuphela lokho ebona uYise ekwenza, ngoba lokhu akwenzayo leNdodana iyakwenza njalo.

UJohane 6:26

UJesu wabaphendula wathi: Ngiqinisile, ngiqinisile ngithi kini: Kalingidingi ngoba labona izibonakaliso, kodwa ngoba ladla lasutha izinkwa.

UJohane 6:32

UJesu wasesithi kibo: Ngiqinisile, ngiqinisile ngithi kini: Kwakungesuye uMose owalinika isinkwa esivela ezulwini, kodwa uBaba ulinika isinkwa soqobo esivela ezulwini.

UJohane 6:47

Ngiqinisile, ngiqinisile ngithi kini: Yena okholwayo ulokuphila okungapheliyo.

UJohane 6:53

Ngakho uJesu wasesithi kibo: Ngiqinisile, ngiqinisile ngithi kini: Uba lingadli inyama yeNdodana yomuntu, linathe igazi layo, kalilakuphila phakathi kwenu.

UJohane 8:34

UJesu wabaphendula wathi: Ngiqinisile, ngiqinisile ngithi kini: Ilowo lalowo owenza isono uyisigqili sesono.

UJohane 8:51

Ngiqinisile, ngiqinisile ngithi kini: Uba umuntu egcina ilizwi lami, kayikukubona ukufa lanini.

UJohane 8:58

UJesu wathi kubo: Ngiqinisile, ngiqinisile ngithi kini: UAbrahama engakabi khona, ngangivele ngikhona mina.

1 UPhethro 1:25

kodwa ilizwi leNkosi limi kuze kube nini lanini. Lelolizwi lilivangeli elalitshunyayezwayo.

Isambulo 20:11

Ngasengibona isihlalo sobukhosi esikhulu lesimhlophe lohlezi kuso; kwanyamalala ebusweni bakhe izulu lomhlaba, kakwaze kusaba khona.