UMatewu 28:7 - iBhayibhili Elingcwele 1978

⁷ Hambani masinyane, litshele abafundi bakhe ukuthi uvukile kwabafileyo; uzakulandulela ukuya eGalili, lizakumbona khona. Khangelani, sengilitshelile.

IBhayibhili Elingcwele LesiNdebele

⁷ Hambani masinyane liyetshela abafundi bakhe lithi: ‘Usevukile kwabafileyo, uselandulele ukuya eGalile. Kulapho elizambona khona.’ Mina sengilitshelile manje.”

UMatewu 28:7 Iomraidhean Croise

U-Isaya 44:8

Lingesabi, lingatshaywa luvalo; angithi ngalitshela kusukela endulo na? Lina lingofakazi bami. Kambe kukhona uNkulunkulu ngaphandle kwami na? Atshi, kalikho iDwala elinjengami, kangilazi.

U-Isaya 45:21

Wozani, lilandise indaba yenu; cebisanani lonke. Ngubani owamemeza lokho endulo na? Ngubani owakubikezela kudala na? Kwakungayisimi, iNkosi na? Kakukho omunye unkulunkulu ngaphandle kwami, onguNkulunkulu olungileyo loMsilisi; kakho omunye ngaphandle kwami.

UMatewu 24:25

Khangelani, sengilitshelile ngaphambili.

UMatewu 26:32

Kodwa ngemva kokuvuswa kwami ngizakulandulela ukuya eGalili.

UMatewu 28:10

UJesu wasesithi kibo: Lingesabi; hambani, libikele abafowethu ukuba basuke baye eGalili; bazakungibona khona.

UMatewu 28:8

Basuka elibeni ngokuphangisa belokwesaba lokuthokoza okukhulu, bagijima baya ukubikela abafundi bakhe.

UMakho 14:28

Kodwa ngemva kokuvuswa kwami ngizakulandulela ukuya eGalili.

UMakho 16:10

Yena wasuka, wababikela labo ababelaye besalila bekhala.

UMakho 16:13

Bahamba babikela abanye; lalabo kabaze babakholwa.

ULukha 24:34

besithi: Impela iNkosi ivukile, ibonakele kuSimoni.

UJohane 14:29

Khathesi ngilitshelile kungakenzeki ukuba lapho sekusenzeka likholwe.

UJohane 16:4

kodwa ngikhulume lezizinto kini, ukuze lapho sesifikile lesosikhathi likhumbule ukuthi ngalitshela ngazo; kangilitshelanga lezizinto ekuqaleni, ngoba bengilani.

1 AbaseKhorinte 15:4

lokuthi wambelwa, lokuthi wavuswa kwabafileyo ngosuku lwesithathu njengokwemibhalo,

1 AbaseKhorinte 15:6

Ngemva kwalokho wabonakala ngesikhathi sinye kubazalwane abedlula amakhulu amahlanu, ubunengi babo basekhona lalamhla, lanxa abanye sebafa.