UMatewu 27:19 - iBhayibhili Elingcwele 1978

¹⁹ Kwathi esahlezi esihlalweni sokuthetha amacala, umkakhe wathumela kuye, wathi: Ungabi landaba kulowomuntu olungileyo, ngoba lamuhla ngihluphekile kakhulu ngaye ephupheni.

IBhayibhili Elingcwele LesiNdebele

¹⁹ Kwathi uPhilathu esahlezi esihlalweni sakhe sokwahlulela, umkakhe wamthumela ilizwi wathi: “Ungayingeni indaba yomuntu lowo ongelacala, ngoba lamuhla ngihluphekile kakhulu ngaye emaphutsheni.”

UMatewu 27:19 Iomraidhean Croise

UGenesisi 31:11

Isithunywa sikaNkulunkulu sathi kimi ephupheni: Jakobe! ngathi: Ngilapha.

UGenesisi 31:24

UNkulunkulu weza kuLabani umAramu ephupheni ebusuku, wathi kuye: Qaphela ukuba ungakhulumi lutho kuJakobe.

UGenesisi 31:29

Ngilamandla okwenza okubi kuwe; kodwa uNkulunkulu kayihlo ukhulumile kimi ebusuku wathi: Qaphela ukuba ungakhulumi lutho kuJakobe.

Izaga 29:1

Umuntu okhuzwa kanengi kodwa abe lenkani, uzakufohlozwa ngomzuzu nje, angabi lakusiliswa.

U-Isaya 53:11

Lapho ukuhlupheka kwayo sekuphelile, izakubona ukukhanya, yaneliswe; ngokwazi kwayo inceku yami elungileyo izalungisisa abanengi, ithwale izono zabo.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

AmaNani 12:6

Yathi: Zwanini amazwi ami; uba kukhona umprofethi phakathi kwenu, mina Nkosi ngizaziveza kuye ngombono, ngikhuluma laye ngephupho.

UMatewu 1:20

Kwathi esanakana lokho, isithunywa seNkosi sabonakala kuye ephupheni, sathi: Josefa, ndodana kaDavida, ungesabi ukumthatha uMariya abe ngumkakho, ngoba lokho akukhulelweyo kungoMoya oNgcwele.

UMatewu 2:19

Kwathi esefile uHerodi, isithunywa seNkosi sabonakala ephupheni kuJosefa eGibithe, sathi:

UMatewu 2:22

Kodwa esezwile ukuthi uAkelawu usebusa eJudiya esikhundleni sikaHerodi uyise, wesaba ukuya khona; esexwayisiwe ephupheni wasuka waya elizweni laseGalili.

UMatewu 27:18

Ngoba wayekwazi ukuthi bamnikele uJesu ngomona.

UMatewu 27:24

UPilatu esebonile ukuthi kakusizi lutho lokuthi kwasekuqala ukuba lesiphithiphithi, wathatha amanzi, wageza izandla zakhe phambi kwexuku, wathi: Angilacala ngegazi lalumuntu; ziboneleni lina.

UMatewu 27:4

wathi: Ngonile lokhu nginikele igazi elingelacala. Kodwa bona bathi: Kasilandaba lalokho thina. Zibonele wena.

ULukha 23:41

Thina kambe kusifanele, ngoba samukela umvuzo olingene ukwenza kwethu; kodwa lumuntu kenzanga lutho olubi.

ULukha 23:47

Induna yekhulu isibonile lokho okwenzekileyo yamdumisa uNkulunkulu, isithi: Impela lumuntu ubengelacala.

UJohane 19:13

Kuthe esizwa lamazwi uPilatu wamkhuphela phandle uJesu; wahlala phansi esihlalweni sokuthethela amacala endaweni egandelwe ngamatshe, ethiwa ngesiHeberu iGabatha.

Imisebenzi 12:21

Ngosuku olumisiweyo uHerodi wambatha ingubo zakhe zobukhosi, wahlala esihlalweni sobukhosi, wenza inkulumo.

Imisebenzi 18:12

Kwathi uGaliyo esengumbusi waseAkaya, abaJuda bamvukela uPawuli nganhliziyonye, bamusa phambi kwesihlalo sokuthonisisa,

Imisebenzi 18:16

Wasebaxotsha esihlalweni sokuthonisisa.

Imisebenzi 18:17

Bonke basebembamba uSostene umphathi wesinagoge, bamtshaya phambi kwesihlalo sokuthonisisa, kodwa uGaliyo kaze akunanza lokho.

Imisebenzi 25:10

Kodwa uPawuli wathi: Ngimi phambi kwesihlalo sokuthonisisa sikaKesari, lapho okufanele ngithonisiswe khona. Kangonanga lutho kubaJuda njengokuba lawe usazi kuhle.

Imisebenzi 25:17

Ngakho sebebuthene lapha, kangiphuzanga; kodwa ngosuku olulandelayo ngahlala esihlalweni sokuthonisisa, ngalaya ukuba leyondoda ilethwe.

Imisebenzi 25:6

Kwathi esehlale labo insuku ezingadluli ezificaminwembili ingabe ezilitshumi, wehlela eKesariya; kusasa wahlala esihlalweni sokuthonisisa, walaya ukuba uPawuli alethwe.

1 UPhethro 2:22

Yena kenzanga isono, lenkohliso kayifunyaniswanga emlonyeni wakhe,

1 UJohane 2:1

Bantwana bami, ngililobela lokhu ukuba lingoni; kodwa uba umuntu esona, siloMmeli kuBaba, uJesu Kristu olungileyo.