UMatewu 26:24 - iBhayibhili Elingcwele 1978

²⁴ INdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Bekungangcono aluba wayengazalwanga lowomuntu.

IBhayibhili Elingcwele LesiNdebele

²⁴ INdodana yoMuntu kwenzakala kuyo njengoba kulotshiwe ngayo. Kodwa maye kulowomuntu ozanikela iNdodana yoMuntu! Bekungaba ngcono kuye ngabe wayengazalwanga.”

UMatewu 26:24 Iomraidhean Croise

UGenesisi 3:15

Ngizavusa inzondano phakathi kwakho lowesifazana, laphakathi kwenzalo yakho lenzalo yakhe. Yona izachoboza ikhanda lakho, wena uzalimaza isithende sayo.

AmaHubo 55:15

Ukufa kakubafikele, bawiselwe endaweni yabafileyo besaphila, ngoba ububi busemizini yabo lasenhliziyweni yabo.

AmaHubo 55:23

Kodwa wena, Nkulunkulu, uzakubawisela phansi, uzakubawisela emgodini otshonayo; abantu begazi lenkohliso kabayikufinyelela lasengxenyeni yensuku zabo zokuphila. Kodwa mina ngizakuthemba kuwe.

UDanyeli 9:26

Emva kwamaviki angamatshumi ayisithupha lambili ogcotshiweyo uzabulawa, lanxa engelacala, umuzi lendawo engcwele kuchithwe yimpi yombusi ohlaselayo; ukuphela kufike njengokwesikhukhula, kulethe ukulwa lokuchitheka okumisiweyo.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

UZakhariya 13:7

Vuka, mkhonto, uvukele umalusi wami, uvukele umuntu ongumngane wami, kutsho iNkosi yamabandla. Tshaya umalusi ukuba izimvu zichitheke; ngizaphendulela isandla sami kwezincinyane.

UMatewu 18:7

Maye kuwo umhlaba ngenxa yezikhubekiso! Ngoba izikhubekiso zimele ukufika, kodwa maye kulowomuntu esifika ngaye isikhubekiso!

UMatewu 26:31

UJesu wasesithi kibo: Lina lonke lizakukhubeka ngami ngalobubusuku, ngoba kulotshiwe ukuthi: Ngizakutshaya umalusi, izimvu zomhlambi zichitheke.

UMatewu 26:54

Pho, ingagcwaliseka kanjani imibhalo ethi kumele ukuba kube njalo na?

UMatewu 26:56

Kodwa konke lokhu kwenzakele ukuba kugcwaliseke imibhalo yabaprofethi. Basebemtshiya bonke abafundi, babaleka.

UMakho 14:21

Ngoba iNdodana yomuntu ihamba njengokulotshiweyo ngayo, kodwa maye kulowomuntu enikelwa nguye iNdodana yomuntu! Kungakuhle aluba wayengazalwanga lowomuntu.

UMakho 9:12

Wabaphendula wathi: UElija uzafika kuqala ukubuyisela zonke izinto; kodwa kulotshwe njani ngeNdodana yomuntu ukuthi imele ihlupheke kakhulu, idelelwe na?

ULukha 22:22

Ngoba iNdodana yomuntu ihamba njengokumisiweyo, kodwa maye kulowomuntu enikelwa nguye!

ULukha 24:46

Wathi kibo: Kulotshiwe ngokunje ukuthi uKristu uzakuhlupheka, avuke kwabafileyo ngosuku lwesithathu,

UJohane 17:12

Lapho ngiselabo ngabalondoloza ebizweni lakho, labo onginike bona, ngibalindile; kakho kibo olahlekileyo, kuphela indodana yokulahlwa, ukuba kugcwaliseke umbhalo.

UJohane 19:24

Ngakhoke bakhulumisana besithi: Kasingasidabuli, kodwa asisenzele inkatho ukuba sizakuba ngesikabani. Lokhu kwenzeka ukuze kugcwaliseke umbhalo othi: Babelana ingubo zami, benzelana inkatho ngesigqoko sami.

UJohane 19:28

Emva kwalokhu uJesu ekwazi ukuthi konke kuphelile ukuze kugcwaliseke umbhalo, wathi: Ngomile.

Imisebenzi 2:23

yena lo, esenikelwe ngecebo elimisiweyo langokwazi okuphambili kukaNkulunkulu, lambethela lina ngezandla zabangelamthetho, lambulala;

Imisebenzi 28:23

Kwathi sebemmisele usuku beza kuye endlini yakhe bebanengi, wabachasisela indaba kusukela ekuseni kwaze kwaba kusihlwa, wafakaza ngombuso kaNkulunkulu ezama ukubaphendula ngoJesu, ethathela emlayweni kaMose labaprofethi.

Imisebenzi 4:28

ukwenza lokho okwamiswa phambili yisandla sakho lecebo lakho ukuba kwenzeke.

1 AbaseKhorinte 15:3

Okokuqala ngalinika lokho engakwamukelayo okukuthi uKristu wafela izono zethu njengokwemibhalo,