UMatewu 24:7 - iBhayibhili Elingcwele 1978

⁷ Ngoba isizwe sizakuvukela isizwe, lombuso uvukele umbuso; kube khona indlala lokuzamazama komhlaba indawo ngendawo.

IBhayibhili Elingcwele LesiNdebele

⁷ Isizwe sizavukela isizwe, lombuso uvukele umbuso. Kuzakuba lendlala lokuzamazama komhlaba ezindaweni ezitshiyeneyo.

UMatewu 24:7 Iomraidhean Croise

2 ImiLando 15:6

Kwakukhona ukuchitheka endaweni zonke, isizwe sisilwa lesizwe, lomuzi usilwa lomuzi, ngoba uNkulunkulu wabehlisela inhlobo zonke zosizi.

U-Isaya 19:2

INkosi ithi: Ngizavusa abaseGibithe ukuba balwe labaseGibithe, lowo lalowo alwe lomfowabo, lalowo lalowo alwe lomakhelwana wakhe; umuzi uzakulwa lomuzi, umbuso ulwe lombuso.

U-Isaya 29:6

iNkosi yamabandla izakukuhambela ngokuduma langokuzamazama komhlaba langomsindo omkhulu, ifike ngesivunguzane lesiphepha, langelangabi lomlilo oqothulayo.

UHezekhiyeli 14:21

INkosi uNkulunkulu ithi: Phoke, kuzakuba njani eJerusalema nxa ngilehlisela lezizehlulelo zami ezine ezibuhlungu, impi, lendlala, lezilo ezimbi, lesifo, ukuba ngiqede kilo abantu lezinyamazana.

UHezekhiyeli 21:27

Ukuchitheka, ukuchitheka, ngizaletha ukuchitheka emzini okungazanga kube khona ngaphambili, kuze kufike umuntu onguye okhethiweyo ukuba awuthonisise.

UZakhariya 14:13

Ngalolosuku iNkosi izakubehlisela ukwesaba okukhulu, kuthi lowo lalowo abambe isandla sikamakhelwane wakhe ukuba asizwe nguye, kodwa isandla sikamakhelwane siphakamele ukumtshaya.

ULukha 21:11

kuzakuba khona ukuzamazama komhlaba okukhulu indawo ngendawo, kube khona lendlala, lemikhuhlane, lezinto ezesabekayo, lezibonakaliso ezivela ezulwini.

Imisebenzi 11:28

Kwasukuma omunye wabo othiwa nguAgabusi, watshengisa ngoMoya ukuthi kuzakuba khona indlala enkulu emhlabeni wonke, eyaba khona ensukwini zikaKlawudiya.

Imisebenzi 2:19

Ngizakuveza izimangaliso ezulwini phezulu, lezibonakaliso emhlabeni phansi, igazi, lomlilo, lokuthunqa kwentuthu.

AmaHebheru 12:27

Lamazwi okuthi ngizakuphinda futhi, atsho ukuthi lezozinto ezidaliweyo ezinyikinyiweyo zizakususwa, ukuze kusale kuphela lokho okunganyikinyekiyo.

Isambulo 6:12

Ngasengibona lapho livula uphawu lwesithupha, kwaba khona ukuzamazama okukhulu komhlaba; ilanga laphenduka laba mnyama, njengelembu lokuzila, lenyanga yaba bomvu njengegazi;

Isambulo 6:5

Lalapho livula uphawu lwesithathu, ngezwa isidalwa sesithathu sisithi: Woza! Ngakhangela, ngabona ibhiza elimnyama, oligadileyo ephethe isilinganiso.

Isambulo 6:6

Ngasengisizwa kungathi yilizwi phakathi kwezidalwa ezine eziphilayo lisithi: Ingcebethu yamabele izakuthengwa ngendibilitshi ezilitshumi, lezingcebethu ezintathu zebhali zizakuthengwa ngendibilitshi ezilitshumi; kodwa ungoni amafutha lewayini.

Isambulo 6:8

Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.