UMatewu 24:39 - iBhayibhili Elingcwele 1978

³⁹ babengazi kwaze kwafika uzamcolo wabakhukhula bonke; kuzakuba njalo ukufika kweNdodana yomuntu.

IBhayibhili Elingcwele LesiNdebele

³⁹ futhi babengazi lutho ngalokho okwakuzakwenzeka uzamcolo waze wafika wabatshabalalisa. Kuzakuba njalo ekufikeni kweNdodana yoMuntu.

UMatewu 24:39 Iomraidhean Croise

UGenesisi 7:23

Kwabhujiswa konke okuphilayo okusemhlabeni, abantu lezifuyo lokuhuquzelayo lezinyoni zaphezulu; lokhu konke kwachithwa, kwasala uNowa kuphela kanye lakho okwakulaye emkolweni.

Izaga 23:35

Uzakuthi: Bangitshayile, kodwa kangilimalanga; balwa lami, kodwa kangizwanga buhlungu. Ngifuna ukuvuka ukuba ngiphinde nginathe futhi.

Izaga 24:12

Uba usithi: Manje bengingakwazi lokho; uNkulunkulu ohlola inhliziyo kayikukubona lokho na? Yena okulondolozayo uyakwazi; uzaphindisela bonke abantu ngokwemisebenzi yabo.

Izaga 29:7

Olungileyo uyawazi amalungelo abayanga, kodwa omubi kakuqedisisi lokhu.

U-Isaya 42:25

Yehlisela phezu kwakhe ukuvutha kolaka lwayo lamandla empi; yamfaka phakathi komlilo, kodwa kaqedisisanga; yamtshisa, kodwa kalalelanga.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UMatewu 24:3

Kwathi esehlezi entabeni ethiwa iOliveti abafundi beza kuye bebodwa, bathi: Sitshele ukuthi lokhu kuzakuba njalo nini? Isibonakaliso sokuza kwakho lesokuphela kwesikhathi sizakuba yini?

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UMatewu 24:37

Ngoba njengasensukwini zikaNowa, kuzakuba njalo ukufika kweNdodana yomuntu.

UMatewu 24:40

Ngalesosikhathi kuzakuba khona ababili ensimini; omunye uzasuswa; omunye atshiywe;

ULukha 19:44

zikusakaze phansi, wena labantwana abaphakathi kwakho, zingatshiyi ilitshe lelilodwa phezu kwelinye phakathi kwakho, ngoba ungasazanga isikhathi sokuhanjelwa kwakho.

UJohane 3:20

Ngoba ilowo lalowo owenza okubi uzonda ukukhanya, kezi ekukhanyeni ukuba imisebenzi yakhe ingasolwa.

Imisebenzi 13:41

Khangelani lina zideleli, limangale, libhubhe, ngoba mina ngenza imisebenzi ensukwini zenu, imisebenzi elingayikuyikholwa, lanxa umuntu elilandisela ngayo.

AbaseRoma 1:28

Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

2 UPhethro 3:5

Bakhohlwa yikuthi izulu lalikhona endulo, lokuthi umhlaba wavela emanzini wenziwa ngawo amanzi ngelizwi likaNkulunkulu,

Abahluleli 20:34

Alihlasela iGibeya amadoda akhethiweyo azinkulungwane ezilitshumi evela kubo bonke abakoIsrayeli ngokulwa okunzima. Kodwa abakoBenjamini babengazi ukuthi ingozi ifikile kubo.