UMatewu 23:8 - iBhayibhili Elingcwele 1978

⁸ Kodwa lina kalingabizwa ngokuthi Rabi, ngoba munye ongumfundisi wenu, lina lonke lingabazalwane.

IBhayibhili Elingcwele LesiNdebele

⁸ Kodwa lina nxa lingabizwa kuthiwe ‘Rabi,’ ngoba munye kuphela oyiNkosi yenu njalo lina lonke liyizinini.

UMatewu 23:8 Iomraidhean Croise

UMatewu 10:25

Kwanele ukuba umfundi abe njengomfundisi wakhe, lenceku ibe njengenkosi yayo. Aluba bebizile umninindlu ngokuthi nguBelezebule, kakhulu labendlu yakhe njalo.

UMatewu 17:5

Kwathi esakhuluma, iyezi elikhanyayo labasibekela; kwezwakala ilizwi eyezini, lathi: Lo uyiNdodana yami ethandekayo engithokoza ngayo; zwanini yona.

UMatewu 23:10

Kalingabizwa ngokuthi lingabafundisi; ngoba munye ongumfundisi wenu, uKristu.

UMatewu 23:7

lokubingelelwa emidangeni, lokubizwa ngabantu ngokuthi Rabi.

UMatewu 26:25

Wasephendula uJudasi owamnikelayo, wathi: Impela kungebe yimi, Mfundisi? Wathi kuye: Kutsho wena.

UMatewu 26:49

Wasondela kuJesu masinyane wathi: Okuhle, Mfundisi! Wamanga.

UMakho 10:51

UJesu wathi kuso: Ufuna ukuba ngikwenzeleni na? Isiphofu sathi kuye: Mfundisi, ukuba ngibone.

UMakho 11:21

UPetro wakhumbula, wathi kuye: Mfundisi, khangela, umkhiwa owuthukileyo ubunile.

UMakho 14:45

Esefikile wasondela kuye masinyane, wathi: Mfundisi! Wamanga.

UMakho 9:5

UPetro wathi kuJesu: Mfundisi, kuhle ukuba sibe lapha; asakhe amadumba amathathu, elinye libe ngelakho, elinye libe ngelikaMose, lelinye libe ngelikaElija.

ULukha 22:32

kodwa mina ngikukhulekele ukuba ukukholwa kwakho kungapheli; wenake, nxa usuphendukile, uqinise abazalwane bakho.

UJohane 1:38

Kwathi uJesu enyemukula, wababona bemlandela, wathi kubo: Lifunani na? Bathi kuye: Rabi, okuyikuthi Mfundisi, uhlalaphi na?

UJohane 1:49

UNathanyeli waphendula wathi: Mfundisi, uyiNdodana kaNkulunkulu; uyiNkosi kaIsrayeli.

UJohane 11:8

Abafundi bathi kuye: Mfundisi, abaJuda basand’ukufuna ukukukhanda ngamatshe, usaya futhi khona na?

UJohane 20:16

UJesu wathi kuye: Mariya! Yena waphendula wathi kuye ngesiHeberu: Raboni! okuyikuthi: Mfundisi.

UJohane 3:2

Yena weza kuye ebusuku, wathi kuye: Mfundisi, siyazi ukuthi ungumfundisi ovela kuNkulunkulu, ngoba kakho ongenza lezizibonakaliso ozenzayo uba uNkulunkulu engelaye.

UJohane 3:26

Basebesiza kuJohane, bathi kuye: Mfundisi, lowo owawulaye ngaphetsheya kweJordani, owamfakazelayo, khangela, uyabhaphathiza, bayeza kuye bonke.

UJohane 4:31

Kusenjalo abafundi bamncenga besithi: Mfundisi, dlana.

UJohane 6:25

Bathi sebemfumene ngaphetsheya kolwandle bathi kuye: Mfundisi, ufike nini lapha na?

UJohane 9:2

Abafundi bakhe bambuza bathi: Mfundisi, ngubani owonayo, lumuntu ingabe abazali bakhe aze azalwe eyisiphofu na?

2 AbaseKhorinte 1:24

Kakusikho ukuthi sibusa ukukholwa kwenu, kodwa sisebenzela ukuthokoza kwenu kanye lani, ngoba liqinile ekukholweni.

2 AbaseKhorinte 4:5

Ngoba kasizitshumayeli thina, kodwa sitshumayela ukuthi uKristu Jesu uyiNkosi, lokuthi thina siyizinceku zenu ngenxa yakhe.

Abase-Efesu 3:15

okubizwa ngebizo lakhe lonke usendo olusezulwini lolusemhlabeni,

UFilimoni 1:16

angabe esaba yisigqili, kodwa abe ngaphezu kwesigqili, abe ngumzalwane othandekayo, ikakhulu kimi kodwa kakhulu kangakanani kuwe, ebuntwini bakhe laseNkosini.

UJakhobe 3:1

Bazalwane bami, lingabi ngabafundisi abanengi, lazi ukuthi thina esifundisayo sizakwahlulelwa ngokukhulu.

1 UPhethro 5:3

kungabi njengabazenza amakhosi kulabo elibaphetheyo, kodwa libe yizibonelo zomhlambi.

Isambulo 1:9

Mina Johane, umzalwane wenu lohlanganyela kanye lani ekuhluphekeni lasembusweni lasekubekezeleni esilakho kuJesu, ngangisesihlengeni esithiwa yiPatmosi ngenxa yelizwi likaNkulunkulu langenxa yokufakazela uJesu.

Isambulo 19:10

Ngasengiziwisela phansi ngasenyaweni zaso ukusikhonza. Kodwa sathi kimi: Musa ukwenza lokhu; lami ngiyinceku kanye lawe labazalwane bakho abafakazela uJesu. Dumisa uNkulunkulu. Labo abafakazela uJesu baloMoya njengabaprofethi.

Isambulo 22:9

Kodwa sathi kimi: Musa ukukwenza lokhu; ngiyinceku kanye lawe labazalwane bakho abaprofethi lalabo abagcina amazwi alincwadi. Khonza uNkulunkulu.