UMatewu 19:23 - iBhayibhili Elingcwele 1978

²³ UJesu wasesithi kubafundi bakhe: Ngiqinisile ngithi kini: Onothileyo uzakungena ngokulukhuni embusweni wezulu.

IBhayibhili Elingcwele LesiNdebele

²³ UJesu wasesithi kubafundi bakhe, “Ngilitshela iqiniso ukuthi kunzima emuntwini onothileyo ukuthi angene embusweni wezulu.

UMatewu 19:23 Iomraidhean Croise

Izaga 11:28

Othemba inotho yakhe uzawohloka njengamahlamvu ebusika, kodwa olungileyo uzahluma njengamahlamvu ehlobo.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UMatewu 18:3

wathi: Ngiqinisile ngithi kini: Uba lingaphenduki, libe njengabantwana, kalisoze lingene embusweni wezulu.

UMatewu 19:22

Kodwa isizwile lelilizwi insizwa yasuka idanile, ngoba yayilenotho enengi.

UMatewu 21:31

Yiyiphi kulawo amabili eyenza intando kayise na? Bathi kuye: Eyokuqala. UJesu wathi kubo: Ngiqinisile ngithi kini: Abathelisi lezifebe bayangena embusweni kaNkulunkulu phambi kwenu.

UMatewu 5:20

Ngoba ngithi kini: Aluba ukulunga kwenu kungadluli okwababhali lokwabaFarisi, kalisoze lingene embusweni wezulu.

UMakho 10:23

UJesu wathalaza, wathi kubafundi bakhe: Kuzakuba lukhuni kangakanani kwabalenotho ukungena embusweni kaNkulunkulu.

ULukha 18:24

UJesu embona wathi: Kulukhuni kangakanani kulabo abanothileyo ukungena embusweni kaNkulunkulu.

UJohane 3:3

UJesu wamphendula wathi: Ngiqinisile, ngiqinisile ngithi kuwe: Uba umuntu engazalwa ngokutsha, angewubone umbuso kaNkulunkulu.

UJohane 3:5

UJesu wathi: Ngiqinisile ngithi kuwe: Uba umuntu engazalwanga ngamanzi langoMoya, angengene embusweni kaNkulunkulu.

Imisebenzi 14:22

beqinisa imimoya yabafundi bebaluleka ukuba babambelele ekukholweni, besithi: Simele ukungena embusweni kaNkulunkulu ngenhlupheko ezinengi.

1 AbaseKhorinte 1:26

Khangelani ukubizwa kwenu, bazalwane; kini kababanengi abahlakaniphileyo ngokomhlaba, kababanengi abalamandla, kababanengi abayizikhulu;

UJakhobe 2:6

Kodwa lina libadumazile abayanga. Abanothileyo kabalicindezeli na? Kakusibo abalidonsela emacaleni na?